[စာမလာသော လများ]
အေးမြမြဆောင်း၏ မီးလင်းဖိုရှေ့တွင် တစ်ခစ်ခစ်ရယ်နေသော ဓိပတိနွယ်တော်လေးက လက်ထဲတွင်လည်း အရုပ်ပေါင်းစုံကိုကိုင်ထားသည် ။
ဟိုတစ်ခုကြိုက်သည် သည်တစ်ခုကြိုက်သည်ဟု တဆာဆာအော်ရင်း အခန်းငယ်အတွင်းသူ့အသံဖြင့်ဆူညံစေသည် ။
" ပြန်ရောက်တာကြာပြီလား နေလ "
ဆိုဖာခုံပေါ်ထိုင်ရင်း ဓိပတိနွယ်တော်လေးအား မမှိတ်မသုံကြည့်နေသော ခင်နေလအား အနွယ်တော် ကော်ဖီတစ်ခွက်ကမ်းပေးရင်း မေးလိုက်သည် ။
ထို့နောက် ခင်နေလ၏ဘေးထိုင်ခုံတွင် ဝင်ထိုင်လိုက်သည် ။
" အင်းးး ကြာပြီလားဆိုတော့ သုံးရက်ပဲရှိသေးတယ်လေ "
" သားအတွက်အလုပ်ရှုပ်ခံပြီးတော့ အရုပ်တွေဝယ်လာရသလား နေလရယ် "
" အို ...... ငါကဓိပတိလေးကိုအလကားပေးတာမဟုတ်ဘူးနော် ကြီးလာရင်ငါ့သမီးလေးနဲ့ပေးစားမလို့ "
" ဟားဟား "
ခင်နေလ၏ ရည်ရွယ်ချက်အကြောင်းကြားပြီးချိန်တွင် အနွယ်တော်အပါအဝင် တစ်ခန်းလုံးရှိအလုပ်သမားများပါ ထရယ်ကြတော့သည် ။
ရယ်ရင်းမောရင်း ကော်ဖီသောက်ရင်းဖြင့် အချိန်က တဖြည်းဖြည်းညနက်လာသည် ။
တဂျက်ဂျက်မြည်သော နာရီသံများတဖြည်းဖြည်းများလာသည်နှင့်အမျှ အခန်းအတွင်းမှ အလုပ်သမားများမှာ အိပ်ရာဝင်ကုန်ကြသည် ။
နောက်ဆုံးတွင်တော့ မီးလင်းဖိုရှိရာအခန်းထဲတွင် အနွယ်တော်နှင့် ခင်နေလနှစ်ယောက်သာရှိတော့သည် ။
စကားတပြောပြောဖြင့် မတွေ့ရသည့်ရက်များကို အလွမ်းဖြေနေခဲ့ကြသည် ။
ထိုစဥ်
" ငါ နောက်ကိုယ်ဝန်ရှိနေပြီ အနွယ်တော် "
ဖြည်းအေးစွာပြောလာသော ခင်နေလစကားကြောင့် အနွယ်တော် စက္ကန့်မျှအံ့သြမိသွားရသည် ။
" သတင်းကောင်းပေါ့ ဒုတိယကိုယ်ဝန်အတွက် ဂုဏ်ယူပါတယ် "
အနွယ်တော်က တစ်စက်နှစ်စက်သာကျန်တော့သော ကော်ဖီခွက်ကိုမြှောက်ပြရင်း ပြောလိုက်တော့ ခင်နေလက ခပ်ရေးရေးပြုံးကာရယ်သည် ။
أنت تقرأ
မောင့်သဒ္ဒါ(complete)
عاطفيةတစ်စုံတစ်ယောက်ကို ရင်မှာ အမည်တပ်ပြီး ချစ်ပါကြောင်း ဝန်ခံခြင်းဟာ ချစ်ခြင်းများလား ။ တစ်စုံတစ်ယောက်ရဲ့ပါးကို တမွမွနမ်းရှိုက်ပြီး သိမ်းပိုက်လိုက်ခြင်းက ချစ်ခြင်းများလား ။ တယုတယ ကြင်နာပြကြတာဟာ ချစ်ခြင်းများလား ။ သဒ္ဒါ့အတွက်တော့ ချစ်ခြင်းဟာ အတွေးအခေါ်တွေ...
