[ သဒ္ဒါရှိသော အရိပ်အမြုံ]
အေးမြမြထိုမနက်ခင်းတွင် သဒ္ဒါတစ်ယောက် စိတ်လှုပ်ရှားနေခဲ့သည် ။
" သဒ္ဒါ "
" ဟင်! "
" လက်သည်းတွေမကိုက်နဲ့လေ "
" အော်...အင်းး"
စိတ်လှုပ်ရှားလွန်း၍ လက်သည်းကိုက်မိသည်က ဆရာဝန်တစ်ယောက်ရှေ့တွင်ဖြစ်နေလေတော့ အမန်ခံရပြန်သည် ။
သဒ္ဒါ့ရင်တွင်း၌ နွေဦးလေပြေများက တတိတိဖြတ်တိုက်နေသလိုလို ။
ကွင်းပြင်ကျယ်မှ လိပ်ပြာတွေဟာ ရင်ဘတ်တွင်လာရောက် နားခိုနေသလိုလို ။
အရာရာဟာ ကသောင်းကနင်းဖြစ်နေခဲ့သည် ။
" သဒ္ဒါ....."
" ဟင် "
" စိတ်လျှော့ထားပါ ။ ထွေထွေထူးထူးလည်းမဟုတ်ပါဘဲနဲ့ "
ထိုအခါ သဒ္ဒါက ပြုံးပြရင်း ကုတင်ထက်မှထမည်ပြင်သည် ။
" မထနဲ့လေ နားနားနေနေ နေ မနက်ကို ခွဲစိတ်ခန်းဝင်ရအုန်းမှာ "
အနွယ်တော့်စကားကြောင့် သဒ္ဒါက ကုတင်ပေါ်တွင် ပြန်လှဲလိုက်သည် ။
ထို့နောက်
" ဒေါက်...ဒေါက် "
တံခါးနှစ်ချက်ခေါက်ပြီးနောက် ဝတ်စုံအပြည့်နှင့်ကောင်လေးတစ်ယောက်က အခန်းထဲသို့ဝင်လာသည် ။
" ဆရာ "
" ဟေ! ဘာလဲ "
သဒ္ဒါက ကုတင်ပေါ်မှ ခေါင်းထောင်ကြည့်သည် ။
" အမျိုးသမီးတစ်ယောက်နဲ့ ကလေးတစ်ယောက်က ဆရာ့ကိုတွေ့ချင်လို့တဲ့ "
" ဟင် ယွန်းထင်တယ် ဝင်လာခိုင်းလိုက် "
ထို့နောက် သဒ္ဒါက ဆိုဖာတွင်ထိုင်နေသော အနွယ်တော့်အား အားကိုးတစ်ကြီးလှည့်ကြည့်ကာ မျက်နှာကို တည်လိုက်သည် ။
" ကိုကို "
အသံဟာညင်ညင်သာသာလေး ။
ကလေးငယ်လေးတစ်ယောက်၏လက်ကိုဆွဲကာ ဝင်လာသော လှပနေဆဲ သူမဟာ သဒ္ဒါ့ဘဝ၏ ရှင်သန်ရာတစ်ခု ။
" ယွန်း "
သဒ္ဒါထရန်ပြန်ချိန်မှာပဲ ယွန်းမြန်မာက ပြေးလာကာ သဒ္ဒါ့ကိုပွေ့ဖက်သည် ။
ဆံနွယ်ရှည်လေးများကို စည်းနှောင်ထားသော သူမက ရိုးရိုးယဥ်ယဥ် ။
ESTÁS LEYENDO
မောင့်သဒ္ဒါ(complete)
Romanceတစ်စုံတစ်ယောက်ကို ရင်မှာ အမည်တပ်ပြီး ချစ်ပါကြောင်း ဝန်ခံခြင်းဟာ ချစ်ခြင်းများလား ။ တစ်စုံတစ်ယောက်ရဲ့ပါးကို တမွမွနမ်းရှိုက်ပြီး သိမ်းပိုက်လိုက်ခြင်းက ချစ်ခြင်းများလား ။ တယုတယ ကြင်နာပြကြတာဟာ ချစ်ခြင်းများလား ။ သဒ္ဒါ့အတွက်တော့ ချစ်ခြင်းဟာ အတွေးအခေါ်တွေ...
