Unicode
" ကျွန်တော်က ကိုဟိန်း လာမှလာပါ့မလားလို့
ကိုဟိန်းမလာရင် ကျွန်တော် ပြန်လာမှာ ဟီး အခု
ကိုဟိန်းရောက်လာတော့ ကျွန်တော် ပြန်လာစရာမလိုတော့ဘူးပေါ့ "
" မင်းက ငါမလာရင် ဘာလို့ ပြန်လာမှာလဲ "
" ကိုဟိန်းကို တစ်ယောက်ထဲ ထားခဲ့လို့ ရမလားဗျ နောက် ည မအိပ်ရဲရင် ဘယ်လိုလုပ်မလဲ "
" အဲ့ဒါလည်း မင်းသိတာပဲလား "
" ဒါပေါ့ ကိုဟိန်းအကြောင်း ကျွန်တော်အကုန်သိတယ် ကိုဟိန်းဘာကြိုက်တယ် ဘာမကြိုက်ဘူး ဆိုတာက အစ "
ရွဲ့ပြောလို့ ရွဲ့ပြောနေမှန်းလည်းမသိ အဟုတ်ကြီးမှတ်ပြီး ပြန်ဖြေနေလိုက်တာများ
ညမအိပ်ရဲတာနဲ့ပတ်သက်ပြီး တစ်ခြားလူပြောရင် စိတ်ဆိုးမိမှာ သေချာပေမဲ့ ဒီကောင်လေးကိုတော့ စိတ်မဆိုးမိ အနေနီးပြီးရင်းနီးသွားလို့များလာပင်
ပူရှိန်းက တကယ့်ကလေး သူ့မှာ မနာလိုဝန်တိုမှုလည်း မရှိဘူး ကျွန်တော့်ကိုလည်း ကြောက်ရှာတယ် ဆူလိုက်ရင် မျက်နှာက ငိုမဲ့မဲ့နဲ့ အဲ့လို
ကလေးတစ်ယောက်လို ဖြူစင်လွန်းလို့လည်း ဒေါသကြီးတတ်တဲ့ကျွန်တော်နဲ့ အဆင်ပြေနေတာ ထင်ပါရဲ့
" တိန် "
" အား နာတယ်ဗျ ဘာလို့ နဖူးကို လက်နဲ့လာတောက်တာလဲ "
" အဲ့ဒါ နေ့လည်က စားသောက်ဆိုင်မှာ မဟုတ်တာတွေ လျှောက်ပြောလို့ "
" ဟီး ကြားသွားတာလား အဲ့ဒါက သူတို့
ကိုဟိန်းဆီမှာ လာနေနေမှန်းသိရင် ကိုဟိန်းအိမ်ပေါ်ကနေကို ဆင်းမှာမဟုတ်ဘူး ပြီးတော့ ကိုဟိန်းပဲ ပြောထားတယ်လေ ဘယ်သူ့ကိုမှ လျှောက်မပြောရဘူးဆို "
" အဲ့ဒါနဲ့ပဲ ကလေးအဖေဇာတ်ရေးလိုက်တယ်ပေါ့ "
( မီ့ကို ပြောတာမဟုတ်ဘူးမလား 😝😂 )
" ဟာဗျာ ကိုဟိန်းကလည်း မတွေးတတ်တော့လို့ လျှောက်ပြောလိုက်တာပါဆို "
" ဘာတွေစကားကောင်းနေကြတာတုန်း မားကို လာဝိုင်းကူမယ်မရှိဘူး တစ်ယောက်နဲ့တစ်ယောက် မတွေ့ကြရဘူးဆိုတော့ အခုမှ စကားပြောရတယ်ပေါ့ "
" မားကလည်း ... "
..................
မစားရတာကြာတဲ့ မားမားလက်ရာကို ဗိုက်ကားတဲ့အထိ အဝ စားပေးလိုက်တယ်
ထမင်းစားပြီးတော့ ကိုဟိန်းအတွက် ပြင်ဆင်ထားတဲ့ ဧည့်သည်ခန်းကို လိုက်ပို့ပေးဖြစ်တယ်
ESTÁS LEYENDO
Fanboy
RomanceUnicode ဒီဇာတ်လမ်းလေးဟာ စိတ်ကူးယဥ်သက်သက်သာဖြစ်ပါတယ် ငါ မင်းကို မချစ်ဘူး ငါ ချစ်တာ မ ကို ကျွန်တော့်ကို မချစ်ရင် နောက်ထပ် လာမဆက်သွယ်ပါနဲ့တော့ ကျွန်တော့်ရင်တွေနာလှပြီဗျ ဟင့်အင်း ငါ မင်းကို မချစ်ဘူး ဒါပင်မဲ့ မင်းနဲ့ စကားတွေပြောချင်တယ် မင်းကို ငါ့အနားမှာ...
