ကျောင်းကနေ အိမ်ပြန်ရောက်တော့ တစ်အိမ်လုံးတိတ်ဆိတ်နေခြင်းအရ ဖေဖေရုံးကပြန်မရောက်သေးတာသေချာပေမယ့် မေမေကဘယ်သွားနေမှန်းမသိပေ။ ဘယ်သူမှမရှိလေသောကြောင့် ရေချိုးရင်းနဲ့ပဲ အိမ်ကလူတွေကိုစောင့်နေလိုက်သည်။
ခေါင်းလျှော်ဖြစ်တာကြောင့် ရေစက်လက်ကျနေသည့်ခေါင်းကရေတွေကို တဘက်နှင့်သုတ်ရင်းရေချိုးခန်းထဲကအထွက်မှာ ရေးကြီးသုတ်ပြာနဲ့ အထုတ်တွေဆွဲလို့ စျေးကပြန်လာပုံရတဲ့မေမေ့ကိုတွေ့ရသည်။
"လမ်းထိပ်က Shopping Centerမီးလောင်လို့တဲ့သမီးရေ"
"ဟင် ဘယ်လိုဖြစ်တာလဲ"
"ဝါယာရှော့ဖြစ်တာတဲ့။ မီးပြင်းတယ် ငြိမ်းဖို့တောင်မလွယ်ဘူး"
လမ်းထိပ်ကShopping Centerဆိုသည်မှာ အတော်အသင့်ကြီးမားပြီး အရသာရှိတဲ့မုန့်ဆိုင် Coffeeဆိုင်တွေပေါသလို လိုချင်စဖွယ်ပစ္စည်းအသစ်အဆန်းတွေနဲ့ ဆိုင်ခန်းတွေကတအားများသည်။ ကိုယ်တွေအပါအဝင် အားလပ်တိုင်းလျှောက်ပတ်ကြည့်နေကြShopping Mallကြီးပင်။ အဖေ အမေပေးတဲ့မုန့်ဖိုးက ဒီနေရာမှာစိတ်ကြိုက်ဝယ်ယူနိုင်တဲ့ပမာဏမရှိခဲ့ပေမယ့် ပိုက်ဆံတွေရှာနိုင်လာတဲ့တနေ့ ဒီCenterကြီးတစ်ခုလုံး နင့်ကိုဝယ်ပေးမယ်လို့ Jennieကိုကတိပေးဖူးခဲ့သေးသည်။
အဲ့ဒီတုန်းက လက်ထဲမှာငါးအူချောင်းတစ်ယောက်နှစ်ခုစီကိုင်ရင်းကတိပေးတဲ့အချိန် Jennieဆိုတဲ့ ငတိမကခေါက်ဆွဲခြောက်ဆံပင်စုတ်ဖွားနှင့် "ဒီcenterကြီးမဝယ်ပေးနဲ့ အခုနင့်လက်ထဲကငါးအူချောင်းပဲပေး"
ဆိုပြီး လိုက်လုလို့ ငါးအူချောင်းပိုက်ပြီးအသက်လုပြေးခဲ့ရသေးသည်။ ခေါက်ဆွဲခြောက်ဆံပင်ဖျားလျားနဲ့နောက်ကပြေးလိုက်တဲ့Kim Jennieက ဇွန်ဘီတစ်ကောင်လိုကြောက်စရာကောင်းခဲ့ပုံများ ညညဆိုအိမ်မက်ကနေတောင်လန့်နိုးရတယ်။
နောက်ပြီး jennieနဲ့ အမြဲပြိုင်ကောက်လေ့ရှိတဲ့ အရုပ်ကောက်စက်တွေလည်းရှိတာဖြစ်လို့ စိတ်ထဲတော့အတော်လေးနှမြောမိပါသည်။
"လုပ်ငန်းရှင်တွေတော့သနားပါတယ်။ ဆိုင်ခန်းတွေကအကုန်မီးထဲပါကုန်ပြီ"
မေမေက ဝယ်လာတဲ့အထုတ်တွေက်ိုစားပွဲပေါ်
အသေအချာချရင်း သက်ပြင်းတစ်ချချနဲ့ပြောနေတုန်းမှာပဲ တစ်ဝီဝီနဲ့အိမ်ရှေ့ကဖြတ်သွားတဲ့မီးသတ်ကားတွေကိုလှမ်းမြင်လိုက်ရတယ်။
မီးမြန်မြန်ငြိမ်းပါစေသာစိတ်ထဲကနေဆုတောင်းမိသည်။ ရေစိုနေတဲ့ဆံပင်တွေကို တဘက်နဲ့ဆက်သုတ်ရင်း အခန်းထဲဝင်ကာအဝတ်အစားဝတ်လိုက်သည်။ ရေမခြောက်သေးတဲ့ဆံပင်ကိုခါယမ်းလိုက်ပြီး သုတ်လက်စတဘက်ကိုပုခုံးပေါ်တင်ကာ စာကြည့်စားပွဲမှာထိုင်လိုက်သည်။ Jisoo Unnieဝယ်ပေးထားတဲ့cameraကိုကျောပိုးအိတ်ထဲကထုတ်လိုက်ပြီး ကျောင်းကခိုးရိုက်လာတဲ့ Jennieရဲ့snapပုံတွေကိုပြန်ကြည့်ရင်းသာ မရပ်နိုင်အောင်ရယ်နေမိသည် ။
