Unicode
အခန်း(၂၀၆) - နံရံကိုတိုက်
"ဟဲယွမ် နင် လူယုတ်မာကောင်!" ယန်မြောင်က ဒေါသကြောင့် မတ်တပ်ထရပ်ဖို့ မေ့သွားကာ မြေပြင်ပေါ်မှာ ရှိနေရင်းဖြင့်ပင် စူးရှစွာ အော်ဟစ်လိုက်သည်။
"ငါတို့ ဆက်ဆံရေး တစ်ခု မစခင်တုန်းက ငါ့ကိုပြောခဲ့တဲ့ စကားတွေက တေးသံသာတစ်ခုလို ချိုမြိန်တယ် ဒါပေမဲ့ နင်က ငါ့အဆင့်အတန်း တစ်ခုတည်းကြောင့် လက်ထပ်ခဲ့တာပဲ! နင့်ကို ကလေးနှစ်ယောက် မွေးပေးခဲ့တာကို စဉ်းစားကြည့်လိုက်၊ ငါ့မိသားစုဆီ ပြန်ပြီး ငါ့အဖေကို တောင်းတောင်းပန်ပန်နဲ့ ဟဲမိသားစုကို ကူညီပေးဖို့ ပြောပေးခဲ့တာတွေကို စဉ်းစားကြည့်လိုက်စမ်း။ ငါနားလည်သွားပြီ။ လတ်စသတ်တော့ ငါ့ပေးခဲ့တဲ့ အချစ်တွေနဲ့ အင်အားစိုက်ထုတ်မှုတွေ အားလုံးက ခွေးကျွေးပစ်မိတာပဲ! ရိုင်းစိုင်းတဲ့ ခွေးတောင်မှာ နင့်ထက်ပို သာဦးမယ်! အကယ်၍ ခွေးတစ်ကောင်ကို အရိုးပေးကိုက်ရင်တောင် အနည်းဆုံးတော့ ခွေးက အမြှီးနှံ့ပြသေးတယ်။ နင်ကတော့ လုံးဝ ကျေးဇူးကန်းတဲ့ လူယုတ်မာပဲ!""
"ငါက လူယုတ်မာလား?" ဟဲယွမ်က အေးစက်စက် လှောင်ပြောင်ပြီး ရယ်သည်။
"ဒါဆို မင်းကရော ဘယ်လောက်များ ကောင်းနေလို့လဲ? မင်းရဲ့ ဆိုးဝါးတဲ့ အကျင့်စရိုက်တွေနဲ့ဆိုရင် မင်းကို ဘယ်သူမှ သဘောကျမှာ မဟုတ်ဘူး! ငါက မင်းကို ချိုချိုမြိန်မြိန်နဲ့ ချော့မော့ဖို မင်းကို ဖြည့်ဆည်းပေးဖို့ အကောင်းဆုံး ကြိုးစားခဲ့တာ။မင်းကို နှစ်ပေါင်းများစွာ သက်တောင့်သက်သာရှိတဲ့ ဘဝတစ်ခုပေးခဲ့တဲ့ ငါ့လုပ်ရပ်တွေနဲ့တင် မင်းကို ပြန်ဆပ်ဖို့ လုံလောက်တယ်!။ ပွင့်ပွင့်လင်းလင်းပြောရရင် မင်းအဖေနဲ့ အစ်ကိုတွေကိုတော့ ငါတကယ်လေးစားတယ် သိလား။ သူတို့က မင်းကို အခုမှသာ စွန့်ပစ်ခဲ့တာ။ ငါသာ ဆိုရင်တော့ မင်းလို သမီးတစ်ယောက်ရှိရင် အိမ်သာအိုးထဲကို တည့်တည့်ပစ်ပြီး ရေနှစ်သတ်ပစ်လိုက်မှာ!""
ယန်မြောင်က ထိုလူရဲ့ ခြေရင်းသို့ တွားသွားလိုက်ပြီး ထိုလူ့ဆီ ခုန်ဝင်သွားကာ တိုက်ခိုက်ရန်အတွက် လက်များကို ဆန့်တန်းလိုက်သည်။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
