Unicode
အခန်း(၁၁၂) - ကားတိုက်မှု
ထွက်လာတဲ့ နာမည်သုံးမျိုးထဲမှာ ရိဟန်ကတော့ ဝေချွမ်းကို သံသယဝင်မိပြီး အဓိကအာရုံစိုက်လိုက်သည်။ အကြောင်းကတော့ 'စိတ်ရောဂါ' ကြောင့်ပဲ။ သူက ဖုန်းကို ကောက်ကိုင်လိုက်၍ သူ့ကိုယ်ရံတော်တစ်ယောက်အား ခေါ်လိုက်၏။
"ချန်ဖုန်း(Bodyguard A) ဒီကိုခဏလောက် လာခဲ့ပါဦး"
မကြာခင်မှာ အရပ်ရှည်ရှည်နဲ့ ချန်ဖုန်းက အခန်းထဲသို့ ဝင်လာကာ ရိဟန်အား လေးလေးစားစား နှုတ်ဆက်လေသည်။
"သခင်ငယ်လေး"
ရိဟန်က ထိုလူသုံးယောက်ရဲ့ အချက်အလက်များ ပါဝင်သည့် စာရွက်အား email ကနေ ကော်ပီကူးယူလိုက်ပြီး ပြောလိုက်သည်။
"လူတစ်ချို့လောက် ရှာပြီး ဒီလူတွေကို ဘယ်သူမှ မသိအောင် စုံစမ်းပေးပါ, သူတို့ဘာလုပ်နေလဲ ဘယ်သွားလဲ ဘယ်သူတွေနဲ့ စကားပြောလဲ ဆိုတာ ကျွန်တော်သိချင်တယ်, ပြီးတော့, တစ်စုံတစ်ယောက်ကို လွှတ်ပြီး သူတို့ကို စောင့်ကြည့်ပေးထား, ခင်ဗျားရဲ့ မြင်ကွင်းအောက်ကနေ လွတ်ထွက်မသွားစေနဲ့, မြန်မြန်လေးလုပ်ပေး, မှတ်ထားနော် ဒီအကြောင်း ဘယ်သူမှ မသိစေနဲ့"
"ဟုတ်ကဲ့ပါ, ဆရာ"
ချန်ဖုန်းက စာရွက်ကို လက်ခံယူလိုက်ပြီး လေးလေးနက်နက် ပြောလိုက်သည်။
"စိတ်မပူပါနဲ့, သခင်ငယ်လေး, တတ်နိုင်သမျှ အမြန်ဆုံး ကျွန်တော်လုပ်ပေးပါ့မယ်"
"ကျွန်တော့်ဘေးက လူတွေထဲမှာ" ရိဟန်က ခေါင်းညိတ်ပြလိုက်ပြီး ပြောသည်။
"ခင်ဗျားက လုပ်နိုင်စွမ်း အမြင့်ဆုံးပဲ, ဒီကိစ္စကို ခင်ဗျားကိုင်တွယ်ပေးရင် ကျွန်တော်စိတ်ချနိုင်ပြီ, သွားတော့"
ချန်ဖုန်း၏ ယောက်ျားဆန်သော နှလုံးသားက ချက်ချင်း ထိသွားရသည်။ သူ့မျက်လုံးများက တစ်လက်လက်တောက်ပနေပြီး ကျယ်လောင်စွာ ပြန်ဖြေလာ၏။
"စိတ်မပျက်စေရပါဘူး!" ထို့နောက် သူတစ်ခါမှ မဖြစ်ဘူးတဲ့ ယုံကြည်ချက်တစ်ခုနဲ့အတူ ထွက်သွားတော့သည်။
VOCÊ ESTÁ LENDO
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
