Sabay-sabay silang sumugod rito at tila balewala lang rito ang mga atake nila.
Kahit na wala na itong kasama pa ay kayang-kaya sila nitong labanan.
"Princess Minerva!" sigaw ng apat na prinsipe nang makita ng mga ito kung paano tumalsik si Minerva sa malayo.
Unang sumugod si Leech na sinundan ni Khayman. Inatake ng dalawa si Raizen ngunit nahuli nito ang sandata ng mga ito at mabilis na umikot bago pinatalsik ang dalawa.
Sumugod ang ilang kasamahan nila ngunit sa isang atake lamang ay tumalsik ang mga ito kahit na marami pa ang mga ito.
"Hindi na siya si Raizen Carson, Lady Celeste" ani Sayaka na nasa tabi niya.
"Because his body is now under the devil vampire" ani Leraia na kahit papaano ay nakakagalaw na.
"Sisiguraduhin natin na tayo ang mananalo sa laban na 'to" seryosong saad niya.
Tumango ang dalawa at sabay na sumugod kay Raizen.
Sa kabihasaan ni Sayaka sa pakikipaglaban ay nagagawa nitong sugatan si Raizen at sa tulong ni Leraia ay nakakagalaw ito ng maayos.
"Sayaka!"
"Leraia!"
Sigaw nina Leech at Khayman nang makita nilang hawak ito sa leeg ni Raizen.
Mabilis siyang kumilos at bago pa man may kung anong matulis na bagay ang tumama sa leeg ng dalawa ay nabitawan na nito iyon dahil mabilis niya itong sinipa sa t'yan na hindi nito naiwasan.
Bumagsak ito sa lupa at bago pa man ito makagawa ng aksyon ay mabilis niyang sinugod ito at ganoon din sina Primus.
BINABASA MO ANG
The Sweetest Blood Bank (COMPLETED)
VampireIsang babaeng nagngangalang Ayumi ang napadpad sa mansion ng mga Carson. Marami ang mga tanong sa kanyang isipan kung bakit siya duon ipinagkatiwala ng kanyang mga magulang. Tama nga bang napadpad siya sa lahi ng ito? O isa iyong tadhana? All Rights...
