Can't Help Falling

Chapter 19

"Magandang umaga tanda." masayang bati ko agad kay tanda ng makita ko itong nakaupo sa may sala habang abala sa panonood ng tv.

Saglit lang itong nag angat ng tingin sa akin upang taasan lamang ako ng kilay at muling ibinaling ang atensyon sa kaniyang pinapanood.

Mahina nalang akong natawa bago naiiling na nagtungo agad sa banyo upang maligo na. May pasok ngayon at excited na akong makita siya.

Umuwi itong si tanda kahapon ng hapon dito sa bahay, saktong kaaalis lamang din ni Veronica nun, buti nalang at hindi sila nag abot dahil hindi ko alam kung anong pwedeng maipapalusot ko sa kaniya na paliwanag kapag nagkataon.

Isang malaking ginhawa nalang din para sa akin na hindi na ako tinanong ni tanda kung saan nanggaling ang sasakyan na nasa harap ng bahay namin.

Pagkatapos maligo ay agad na hinanda ko ang mga gamit ko para sa pagpasok bago  kumain.

"Aalis na po ako, la." agad na paalam ko dito.

Kunot noong napatingin naman ito sa akin bago tumingin sa orasan na nakasabit kaya napatingin din ako doon. Lihim naman akong napangiwi at alanganing natawa dahil maaga pa pala.

"Hindi naman halatang excited kang pumasok, ano?" taas kilay at sarcastic na sabi pa niya.

Natatawang nagkibit balikat lang ako sa kaniya at akmang maglalakad na sana ako ngunit agad na natigilan ako dahil sa sinabi niya.

"May pinapasabi pala ang alaga mo, nakalimutan ko lang sabihin sayo kahapon, Happy birthday daw sayo at miss na miss kana daw niya."

Dahan dahan na nilingon ko si tanda matapos niyang magsalita, nakita ko pang nakangiti na itong nakatingin sa akin.

"Inutusan din ako ng alaga mo na ikiss ka daw." hindi pa ito makapaniwalang nailing sa kawalan.

Napakagat labi naman ako at hindi ko mapigilang maging emosyonal dahil miss na miss ko na din ang batang makulit na iyon.

"Sa totoo yan ay kinukulit ako ng alaga mo dahil gusto niya na sumama sa akin, gusto ka na daw niyang makita at mayakap, ang kaso ay hindi pumayag ang daddy niya at ang mommy naman niya ay missing in action sa bahay nila." kwento naman nito.

Hindi naman ako nakapagsalita at kunyari pang walang interes na tumango tango sa kaniya.

"Ano bang pinakain mo sa batang iyon? Bakit parang mas mahal kana ata ng batang iyon kesa sa akin? Samantalang simula nung mailabas na siya sa sinapupunan ng mommy niya ay ako na ang nag aalaga sa batang iyon." animong nagtatampo pang pahayag niya at ngumuso pa.

Natatawang nilapitan ko naman si tanda at niyakap siya ng mahigpit. Natuwa naman ako ng maramdaman ko na gumanti agad ito ng yakap sa akin.

Akala ko ay aarte pa siya ee.

"I love you, tanda." nakangiting sabi ko matapos kong humiwalay sa kaniya.

Inirapan lang ako nito bago mag iwas sa akin ng tingin. natawa naman ako bago siya mabilis na halikan sa pisnge at dali daling tumakbo paalis.

***********

Masaya akong naglalakad ngayon papasok ng University ngunit agad na napahinto ako dahil may sumisigaw sa likuran ko.

"Gorgeous! Wait for me!"

Kunot noong napalingon ako sa likod ko ng marinig ko ang pamilyar na boses na iyon, lihim naman akong napairap ng makita ko si Kaye na halos madapa na sa katatakbo palapit sa puwesto ko.

"Whoa! Kamusta ka gorgeous? Ngayon nalang ulit kita nakita ah." agad na sabi niya ng makarating ito sa harap ko.

"K lang." maikling sagot ko dito bago ipagpatuloy ang paglalakad.