Can't Help Falling

Chapter 8

"Good afternoon! Welcome to our restaurant, ladies!" masiglang salubong agad nung lalaking waiter sa amin ng makapasok kami ng restaurant.

Agad na napangiti ako dito dahil napaka hyper niya. Nakakatuwa lang.

"Table for??" tanong pa nito sa amin.

Ngitian pa ako nito ng matamis ngunit agad ding na namula ang pisnge ko ng malanding kindatan pa ako nito.

"Table for two." malamig na sagot sa kaniya ng katabi ko na ngayon ay nakakuyom na ang kamao.

"Okay, please follow me." agad namang nakangiting tumalikod sa amin si kuya.

"Okay, please follow me."

Natatawang napalingon ako sa kasama ko ng animong gigil na gigil pa nitong ginaya yung sinabi ni kuyang waiter.

"What?!" nanggigil na baling nito sa akin ng mapansin niya siguro na nakatitig ako sa kaniya.

Napapalunok na umiling nalang ako dito kaya agad na inirapan ako nito bago sundan si kuyang waiter. Nakangusong sumunod nalang din ako sa kaniya.

Napakagat labi nalang ako ng ipaghila pa ako ng upuan ni kuyang waiter bago nakangiting bigyan kami ng menu. Lihim nalang akong natawa ng padabog pang kinuha ni Miss Veronica yung menu kaya takang napatingin sa kaniya si kuyang waiter.

"Mukang mainit po ata ang ulo ng kapatid niyo, ganda."

Hindi ko mapigilang matawa dahil sa sinabi ni kuya ngunit agad din akong natigilan ng makita ko kung gaano na kasama ang mukha ni Miss Veronica habang nakatingin sa akin.

Hindi na ako nakailag ng mabilis na binato nito sa mukha ko ang menu at padabog na ibinagsak ang kamay niya sa lamesa.

"Are you stupid?! Hindi kami mag kapatid! We're lovers, idiot!" inis na inis na sigaw nito kay kuyang waiter.

Sasabat na sana ako dahil pinagtitinginan na kami ng mga tao dito sa loob ng restaurant ngunit agad na sinipa ako nito sa ilalim ng lamesa kaya agad na naitikom ko nalang ang bibig ko.

"H-Hala, p-pasensya na po hindi--"

"Isn't obvious huh? Or maybe you want me to kiss her in front of you?" animong naghahamon pang sabi nito.

Agad namang umiling si kuyang waiter bago napapahiyang yumuko nalang. Napairap nalang ako ng nakangising balingan pa ako ng magandang propesor.

"What's your order, baby?" nakangising tanong pa nito sa akin.

Napasinghal nalang ako at nakangiting binalingan ko si kuyang waiter bago sabihin ang aking order. Agad na nabura ang aking ngiti at napalitan iyon ng pag ngiwi ng galit na galit na sinapa ako nito sa ilalim ng lamesa.

Agad na umalis si kuyang waiter ng sabihin na din ni Miss Veronica ang order niya, naging tahimik lang kaming dalawa ng biglang may lumapit sa amin na magandang babae.

"Really? Lovers huh?" nakangising sabi pa nito kay Miss Veronica na boring lang na nakatingin doon sa babae.

"Cassandra."

"Veronica."

Nag irapan pa silang dalawa bago bumaling sa akin yung magandang babae.

"Hi, Lincoln Eunice Astoveza right?" nakangiting tanong pa nito sa akin.

Napabaling muna ang tingin ko kay Miss Veronica na inirapan agad ako bago ko sagutin si ateng maganda.

"Yes po?" nagtatakang sagot ko sa kaniya.

"I'm Cassandra Saavedra, I am the sponsor of your scholarship." nakangiti paring sabi niya.

Agad na napaamang naman ako kaya natatawang kinurot nito ang pisnge ko. Mahinang napadaing nalang ako sa sakit dahil sinipa na naman ako ng aking propesor.