Can't Help Falling

Chapter 1

Lincoln Eunice Astoveza

Nakunot ko ang aking noo nang makita ko ang sasakyan ni Julius sa tapat ng aming bahay nang makalabas ako ng bahay. Nakapamewang na nilapitan ko ito at malakas na kinatok ang bintana niya.

Mabilis na napangiwi ako ng bumukas na ang bintana, kahit nakangiti si tanga ngayon ay mahahalatang kulang siya tulog. Muka syang tanga- i mean tanga naman talaga siya.

"Goodmorning my bestfriend." bati nito, napangiwi nalang ako ng humikab ito sa harap ko.

Bastos.

"Anong ginagawa mo dito?" walang ganang tanong ko sa kaniya at nagcross arm.

"Sinusundo ang mahal kong kaibigan?" nakangising patanong na sagot niya.

Napairap nalang ako ng makitang binuksan na niya yung pinto sa may passenger seat, napabugtong hininga nalang ako at pumasok na sa sasakyan niya.

Walang imik naman niyang pinatakbo ang sasakyan niya. Tahimik lang ang si tanga sa byahe which is nakakapanibago, siya kasi yung taong makwento, kahit wala kang pake sa sinasabi niya go lang siya, wala din siyang pake kung wala kang pake.

"Problema mo?" tanong ko sa kaniya habang nasa bintana lang ang tingin ko.

Rinig ko ang malalim na bugtong hininga niya, kaya agad napatingin ako dito. Malungkot itong nakatingin sa daan at mabilis na sinulyapan lang  ako.

"Binasted ako." lihim naman akong natawa dahil nakanguso pa si tanga at mabilis na namumula na ang mata nito na animong anytime ay iiyak na.

"Deserve." walang ganang pang aasar ko pa dito.

Hindi ko mapigilang mapadaing sa sakit ng hampasin ako bigla nito ng malakas sa hita pa talaga. Inis naman na tinuktukan ko siya sa noo.

"Hoy, gago ka! Kapag tayo talaga nabangga." natatawa nang sabi pa niya at hinahawi ang kamay ko.

Inirapan ko nalang ito at muling tumingin sa bintana. Hindi naman na ako magtataka kung mabasted o binasted siya ee, ang korny korny naman kasi ng tangang ito.

"Pero seryoso, binasted ako kahapon ni baby-i mean ni Elijah pero in a nice way naman."

Rinig ko pang sabi niya, nagkibit balikat nalang ako at hindi na nagsalita pa. Kilala ko yung Elijah na sinasabi niya, araw araw ba naman bukang bibig ni tanga ang babaeng iyon.

Nakikita ko rin siya sa library minsan at natatawa ako kapag naaalala ko kung paano niya binara si Julius about sa maths thing. Maganda siya at mukang mabait naman.

Ilang minuto rin ay nakarating na kami ng University. Agad kaming bumaba ng maayos na niya ang parking ng sasakyan niya.

Malapit na kami sa gate ng makita kong nakaabang na agad si bakla doon at kumakaway na sa amin.

"Fafa leng!"

Kunot noong nilagpasan ko lang siya dahil halos pagtinginan siya ng mga tao dahil sa lakas ng bunganga niya.

"Attitude mo naman fafa leng." malandi pang sabi ni bakla habang nakasunod sila sa akin.

Inis na nilingon ko ito ngunit nakangisi lang ito habang nakaakbay sa kaniya si Julius.

"Tigilan mo nga ako Cardozo."

Lihim nalang akong napangisi ng marinig ko ang mahihinang mga ungot nito. Mabilis lang kaming nakarating sa Room namin, ilang minuto nalang din ay magsisimula na ang klase.

Nawalan agad ng emosyon ang mukha ko ng mapansin kong masama ang tingin na ipinupukol sa amin ni Chelsea lalong lalo na sa akin, Si Chelsea ay isa sa mga kaklase namin na spoiled brat.