Can't Help Falling

Chapter 16

Lincoln

Kanina pa ako nakakaramdam ng kaba magmula ng makapasok ako dito sa bahay-mansyon ng mga Saavedra.

Napakaganda at napakalaki ng bahay-mansion nila, nasa labas palang ako ay hindi kona mapigilang mapanganga, lalo na nung nakapasok na ako. i guess it was three or four story buildings. Gosh! parang mall na ata ang bahay nila sa sobrang lawak, malalaman mo agad na alaga ang bahay nila dahil sa sobrang kintab ng mga tiles na nadadaanan namin, para na itong salamin dahil nakikita na namin ang repleksyon namin dito. 

Mas lalo namang hindi ako mapakali sa kinauupuan ko dahil nararamdaman ko ang matatalim na titig nito sa amin ng katabi ko na kanina pa ako sinusubuan.

Napalunok nalang ako ng marinig ko ang pagdabog nito ngunit hindi na ako nag abala pang angat ng tingin.

"Oh, bakit?" rinig ko pang mataray na tanong ni Mrs. Saavedra.

"Wala na akong gana." animong wala pang buhay na sagot nito bago umalis.

Napasunod naman ang tingin ko sa kaniya at nakita kong sinundan din siya ni Sir Chris.

"Cr lang po ako." mahinang bulong ko kay Ms. Cassandra.

Nakita ko naman na ngumisi ito bago niya itinuro sa akin kung nasaan ang daan patungo sa cr.

Mabilis naman akong tumayo at magalang na tumango sa kanila bilang paalam bago ako umalis ng dining room.

Napalinga linga muna ako sa paligid bago malalim na bumugtong hininga at sinundan ang daan na dinaan nung mag asawa.

Oo, alam kong masamang magsinungaling pero gusto ko lang naman malaman kung anong gagawin nung mag asawa.

Hindi pwedeng masundan pa si Vanessa.

Napangiwi nalang ako dahil puro basag na bagay ang nadadaanan ko, hindi ko mapigilang napapaigtad sa gulat sa tuwing naririnig ko ang bagsakan ng mga gamit.

Galit na galit?

Agad na napasiksik ako at napatago ng makita kong nakahinto na at mukhang nagtatalo na ang mag asawa.

"Sabihin mo nga sa akin? May gusto kana ba sa Lincoln na iyon?" agad naman nanlaki ang mata ko ng marinig ko ang tanong ni Sir Chris kay Miss Veronica.

Nasisiraan na ba siya ng ulo? Si Miss Veronica? Magkakagusto sa akin?

Impossible yan Sir, pinapalayo nga ako--

"Ano bang pakialam mo kung gusto ko siya?"

Napaamang naman ako at hindi makapaniwalang napatingin sa kawalan ng marinig ko ang naging sagot ni Miss Veronica.

Namali lang siguro ako ng rinig.

Kailangan ko na sigurong maglinis ng tenga.

"Oh, ang tanga lang diba? Hindi ka naman siguro magkakaganyan kung hindi mo gusto ang babaeng iyon diba? Hindi ka naman siguro magbabasag ng mga gamit dito kung hindi ka nagseselos?"

"Ano pa bang gusto mo?! Ginawa ko naman yung gusto mo diba?! Nilayuan kona siya kahit ayoko! kaya ano pa ang gusto mo?! Sabihin mo!!"

Huh?

Agad na napabalik ang tingin ko sa gawi nung mag asawa ng marinig ko ang galit na sigaw ni Miss Veronica ngunit mas lalo akong nagulat ng makita ko kung paano niya ulit sinampal si Sir Chris. 

"Nilayuan mo lang naman siya dahil alam mong may gagawin ako sa kaniya at sa mahal niyang lola--"

Gulat na napaatras ako dahil sa aking narinig ngunit agad na kinabahan ako dahil may nasagi ako na kung ano. Napapikit nalang ako ngunit agad na napadilat ako sa gulat ng biglang may humatak sa akin at takpan ang bibig ko.