رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الأول: هَــدِيَّــةُ دِيــسَــمــبــر🎁
الجزء 9:
"شهر ديسمبر يعطيني هدية على هيأة فتنة"
في نفس الطابق وبالضبط في الجناح الموجود في أخر الممر...جناح يسوده الظلام بحيث أن الستائر غير مفتوحة وشهقات أنثوية وتنهيدات عميقة مسموعة معلنة على حريق قلب محقن بالضغوطات والمشاكل......
كانت فتون كتمشي وتجي وعينيها الزرقاوي تين حمراوتين بنار الغضب لي شاعلة فيهم، ونبضات قلبها غير منتظمة بسبب الضغط......شفايفها كيرجفوا بالأعصاب وماقادراش تسيطر على ذاتها لي أصبحت هزيلة في الأونة الأخيرة..هملات راسها بزاف وعقلها خدام كيفكر في أبشع الأمور، وصلات لحالة حادة من الإكتآب، أفكار سلبية مشوشة على عقلها المرهق "أنا عقيمة"..أنا بلا فائدة".."شنو الهدف من وجودي".."علاش مايكونوش عندي وليدات واش مانستاهلش نكون أم".."علاش أنا وماشي براءة"...... إلى أخره من الأفكار السلبية اللا متناهية....
تمشات ناحية الدرج وجراتو بالجهد حتى قرب يتقلع وجبدات محموعة من الكينات عبارة على موانع الحمل وحطاتهم على الكافوز والقت نظرة حادة عليهم قبل ماتشتتهم في الأرض مغوتة بكل قوتها بنبرة مرتفعة..... فتون: شنو الفائدة من هاد الكينات إلا كان راجلي هاجرني فالفراش شنو الفالدة منهم إلا كنت عاگرة ماكنولدش....شنو الفائدة من هاد الحيااااة لي ماعطاتني والو منغير أنها حرماتني من أبسط الأشياء هئ هئ شنو الذنب لي ارتكبت في حياتي حتى يوقعليا هادشي.....!!
طاحت في الأرض مغوتة بأقصى جهدها حتى تبحبح صوتها وصدرها تزعزع.... فتون: علااااااااااااش ؟
نزلات وجها كتشوف في الأرض وعينيها معمرين دموع، دموع على حياتها ودموع على الوضع المزري لي كتعيش..... حاسة بروحها غادي تخرج وشحال تمنات أنها تخرج.. يمكن ترتاح شوية من هاد العذاب لي حاسة بيه.......
بجنب الباب كانت واقفة أمال راسمة إبتسامة ساخرة وكترمقها بنظرات حقودة...كتشفى فيها...نطقات بخفوت وبنبرة مستفزة وخبيثة... أمال: بكي، غير زيدي بكي أبنت عمي ماحدي أنا في الحياة وقريبة منك عمرك تحلمي تكوني أم ولا تحظاي بحياة زوجية سعيدة، كيفما خديتي مني حب حياتي وخطفتي أنظار الكل حتى أنا غادي نحرق قلبك ونخلي حياتك مرار.....من ديما كنتينتي هي المفضلة عليا وكتاخدي أشيائي الخاصة ودبا جا الوقت لي نرجع فيه گاع لي خديتي مني ونخليك تخلصي الثمن غالي...تعلمت في هاد السنين نخبي طبعي الثائر والحقور ونرسم قناع البراءة باش نخلي كلشي يتيق فيا بحال كيف كديري نتي تماما...وهادي غير البداية تسناي لي جاي.....
ضحكات بشر وهي كتشوفها من خلال الشق ديال الباب قبل ما دق على الباب وتدفعها باش تبان ليها الصورة ديالها كاملة.....
غوتات بصدمة وبأسف مصطنع نطقات.... أمال: أوووه كبيدة فتون مالكي على هاد الحالة أش عندك أختي ؟
ماجاوباتهاش فتونوظلت على حالها كتشوف في الأرض ودموعها كيتساقطوا بغزارة....قربات منها أمال ونزلات لمستواها معنقاها وخدات راسها في صدرها مخلياها تبكي في هدوء...."تقتل الميت وتمشي في جنازتو".... أمال: صافي أحبيبة ماديريشفبالك كلشي غايتصلح مع الوقت....
نطقات فتون بنبرة منكسرة وهي مزالة في حضن أمال... فتون: الوقت كسرني أختي، عييت بغيت نرتاح.....
ربتات أمال على كتاف فتون ونطقات بهدوء وهي كتوعد ليها بما أشد وأسوء..... أمال: غير صبري مابقا قد مافات ويجيب ليك الله شي وليد ولا بنيتة...عنداك أصاحبتي يكون المشكل من خويا ؟ خصكم تأكدوا باش تقدوا تعالجوا المشكل....
هزات فتون راها والشك دخل لقلبها ونطقات بقلق... فتون: ولكن حنا فايت درنا التحاليل ولقينا المشكل مني...مكنظنش يكون وقع شي غلط....
نطقات أمال بإقناع.... أمال: إوا غير توقعي أي حاجة ممكن يكون الطبيب غلط وقاليك نتي لي فيك المشكل....تأكدي وشوفي.....
سكتات فتون لبرهة ونطقات بشك حول موضوع شكون لي فيه المشكل.... فتون: غادي ندير بكلاكدمك شكرا بزاف كون ماكنتيش ماعرفتش أش كنت غاندير....
ابتسمت أمال ببشاشة وكملات على محاولتها في الإقناع... أمال: العفو أحبيبة مابيناتناش وإلا خفتي تمشي للطبيب وشكيتي غير واجهيه باش يعرف أش خصو يدير ومايبقاش كيشوف فيك بنظرة ديال أنك نتي السبب في كلشي.....
هزات فتون راسها بالإيجاب ونطقات بهدوء.... فتون: إن شاء الله شكرا أ أمال....
ابتسمت ليها أمال وتفكيرها مشغول كيفكر كيفاش تزيد تخربق ليها حياتها وتبكيها الدم عوض الدموع.....
#يتــ__ـبـع..... بأنامل: رباب نجمة 🔥💎
هادوا كانوا أجزاء الليلة كتبتهم وخا فيا العياء باش مانخليكمش كتسناو مهم خليولي أراؤكم أزوينات وديروا إشهارات باش نعرفكم مهتمات وماتنساوش طاگيو صحاباتكم وتدعيو معيا راه ختكم مهلوكة.... موعدنا غدا بحول الله...نشوفوا هاد البزقولة أش غادير هي وهاد أمال لي خرجاتلينا من الجنب....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
