رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 23:
صبح الصباح والحركة بدات في الڤيلا، الخدم كيسارعوا باش يجهزوا الڤيلا بطريقة مختلفة، حيت اليوم هو يوم مميز هو نفس اليوم لي دخلات فيه عبير لهاد الدار وبما أنه مامعروفش اليوم لي تزادت فيه فآرسلان ختار يكون النهار لي لقاها فيه هو يوم عيد ميلادها.....
واقفة عبير قدام المرآة بفستانها الأسود واسع ومفضفض على جسمها بسمطة جلدية في الأحمر..وضعات أخر لمساها وانتهت واضعة بونضو فضي على شعرها المموج.... خرجات من الغرفة بعقل مشوش وملامح حزينة....
هبطات في الدروج بحال الحمامة البيضاء لي تحولات لغراب وتكسر جناحها....كانوا كلهم مجموعين على سفرة الفطور...القات عليهم السلام وجات عينيها فعينيه مباشرة وبعداتها بسرعة رافضة تشوف فيه..... شي لي خلا عيون أمال تتوسع بتعجب وتختمها بإبتسامة ساخرة.....عقد آرسلان حجبانوا مطول النظر فيها بتمهل....بقا كيتأمل فيها كفاش منزلة وجها للأسفل بذبول ماقادرة تاكل والو.....انتظر حتى كملوا الفطور وأشار ليها باش تبعو....
خرج للجردة كيتسناها تجي...غير لمحها قرب منها شي لي خلاها تبعد هي نافراه ورامقاه بنظرات حادة...كتحاول تنفذ الفكرة لي خطرات في بالها ليلة البارح وتبرد الحرقة لي كتحس بيها.....
تنهد بعمق ماعاجبوش الحال ومع ذلك تحمل تغيرها المفاجى وقرب منها أكثر رافع ليها وجها لعندو متلمس ذقنها ونطق بجدية وعينيه كتدقق في تفاصيل وجها..... آرسلان: شنو واقع ليك أعبير علاش كتصرفي بغرابة؟
زاد تلمس ذقنها بحنان ناطق بنبرة مماثلة لنبرتها.... آرسلان: نافراني وماباغاش تكملي فيا الشوفة وزيد عليها اليوم عيد ميلادك ومن المفروض تكوني فرحانة ماشي لابسة الكحل بحال الا غاتحضري في جنازة...
غوتات بدون تفكير وذقنها كيتحرك بسرعة بين يدو كابحة دموعها ومتصنعة القسوة والجمود..... عبير: ونت مالك فيا ومالك في لبسي؟
إبتسمات بسخرية وهي كتشوف في عينيه وزادت غوتات أكثر... عبير: قلتي عيد ميلادي؟ عيد ميلادي لي بسبابو كنعيش المرار وكنحلم بشي حاجة عمرها تحقق...أنا كرهت هاد النهار كرهتوووو.....
زير على ذقنها بين أصابعو حتى تأوهات بألم كتحاول تبعد وجها من بين يدو..... عبير: آه آء آرسلان.....
زاد زير على أصابعو وعينيه عليها مصدوم من كلامها...إبتسم بسخرية ونطق بحدة وعينيه ظلامت في لحظة..... آرسلان: هاد النهار هو لي ربطك بيا وغاتبقاي مربوطة بيا حتى تموتي وعمرك تقدري تبدلي هادشي...
ردد بخفوت قبل مايرخف على ذقنها.... آرسلان: نتي ملكي أعبير....
رجع دوز أصابعو على ذقنها كيتلمسو بحنان وحب...نزل بشفايفو مقبلو بحرارة وندم..... قرب من وذنيها ناطق بهمس أما هي غير موسعة عينيها مصدومة.... آرسلان: كنتمنى غير نرجع نلقاك واجدة باش تستقبلي ضيوفك والأهم تستقبليني أنا......
بعد عليها كيعاود يحقق في ملامحها الرقيقة ورجع بعد غادي ناحية السيارة.....تنهدات بقوة ورجعات كتحاول تتمالك نفسها وتهدي من نبضات قلبها لي تخربقات.......
#يــتــ___ــبــع...... بأنامل: رباب نجمة 🖤🔥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
