رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الأول: هَــدِيَّــةُ دِيــسَــمــبــر🎁
الجزء 1:
"شهر ديسمبر يعطيني هدية على هيأة فتنة"
شهر ديسمبر معروف بقساوة طقسه بحيث الجو ديالو كيكون بارد بزاف، والشتاء خيط من السماء، هاد الشهر ملقب بشهر الرومانسية و الحب حيت من خلالو العشاق كيغتانموا الفرصة باش يتقربوا من بعضياتهم أكثر ويدوزوا مع بعضهم أكبر وقت من الحب والغرام.....
في مساء هاد الليلة المعصفة لي كتشهد رياح قوية وشتاء غزيرة، كانت الغرفة مضوية بإنارة خافتة، غرفة واسعة ذات ألوان داكنة كتجمع بين اللون الأسود والرمادي والقليل من الأحمر لي تمثل غير فبعض الديكورات،.....
واقفة أمام الصورة الكبيرة لي معلقة فالحيط، مصورة فيها مع حبيب قلبها، كتنظر ليها بعينيها الزرقين لي لمعوا بالدموع وهي متأسفة على الحالة لي وصلوليها بسبب شي حاجة عمرها ضربات ليها الحساب ولا جاتها على بالها.......
بدات كتبادر لذهنها أخر اللحظات من شجارهم لي مستحيل يدوز نهارهم بلاما يكون.....شهور وهي كتعاني فصمت والمشكل عاد مكايزيد يكبر ويتعقد، شنو ذنبها فهادشي!! للأسف ماشي هي لي بيديها القرار.......
♣️فلاش__باك♣️
خرجات من الحمام لاوية عليها الفوطة وشعرها البني كيقطر على كتافها بشكل مغري.... بقا مراقبها كفاش كتصرف ببرودة منخلاه كأنه مكاينش، بادر هو وتقدم ناحيتها جابدها من خصرها حتى تضربات مع جسمو الضخم ونطق بخفوت أما هي مهربة راسها ماباغاش تشوف فيه بل بالعكس باغا تنثر منو وتبعد عليه..... آرسلان: واش مزال ماباغة تهضري معايا!! حتى لإمتى غاتبقاي قاطعة عليا الهضرة!! فنظرك بهاد الشكل غادي نحلوا المشكل لي بيناتنا؟
تنهدات بعمق وحطات يديها على صدرو العريض باغة تبعدو ورجعات نطقات.... فتون: مافياش لي يدوي عفاك ماشي دبا......
رجع جبدها من يديها ومرر يديه على خصلات شعرها مرجعها ورا وذنيها..... آرسلان: إلا ماشي دبا إمتى همم ؟
لكن صدماتو بتصرفها فاش دفعات يديه وبعدات منو شادة في فوطتها لاطيح ونطقات بعصبية مفرطة..... فتون: مابغيتش ندوي دبا واش مازال مافهمتيها ماباااغاش علاش مصر تضغط عليا علاااش؟؟ علاش مصر تحك على الجرح صافي فهم بلي مستحيل نوليو أباء مستحييييل جربنا بزااااف دالحلول ولكن حتى واحد مابغا يصدق وأنا عييت، عييييت مانجرب عيييت بغيت نرتاح، أنا تقبلت الوضع وتقبلت حقيقة انني عمرني غانولي أم ونهز ولدي ولا بنتي بين يدي شي نهار وحتى نت خصك تفهم بلي عمرك غاتكون أب لشي قطعة مني أنا.......
غمض عينيه وجمع قبضة يديه كيحاول يتمالك نفسو ويكتم غضبو ومايديرش شي حاجة يندم عليها ورجع شاف فيها كمحاولة أخيرة باش يقنعها..... آرسلان: شنو غاتخسري إلا جربتي هاد المرة، حتى حاجة مامستحيلة ياك نتي كنتي محرومة من الشوف وفالأخير رجعتي كتشوفي إذن نتي أكثر وحدة خصك تكوني متفائلة ماتقصحيش راسك أفتون وخلينا نجربوا نجيبوا شي ولد مرة أخرى، الأمر غايتطلب منك غير جلسة طبية وحدة.....
ضحكات بسخرية ورجعات قاطعاتوا مغوتة في وجهو........ فتون: شنو غادي نخسر ؟ غادي نخسر صحتي ونفسيتي، الأمر مستحيل وأنا تقبلتو صافي الموضوع هنا خصو يحبس.....
ماحسات غير بصفعة قوية على حنكها، حتى ضار وجها ورجع نطق بغضب وعينيه حمراء مكتبشرش بالخير...... آرسلان: زدتي فيه بلا قياس، صوتك علا عليا بزاف وراسك ولا قاصح بحال الحجرة، إوا صافي مدام هذا هو قرارك إذن تحملي العواقب......
خرج من الغرفة زادح الباب وخلاها طايحة فالأرض ودموعها مغرقة عينيها.......جمعات الوقفة وتمشات نحو الخزانة باش تغير ملابسها......
#يتبع...... بأنامل: رباب نجمة 🔥🌪️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
