روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: مُــعَـــذّبِــي🔥
الجزء 42:
حلات عينيها الزرقاويتين مستقبلة يوم جديد، جلسات على حافة سريرها ضامة جسمها النحيل بيديها وكتذكر شنو وقع ليلة البارح، ديك الليلة الشاقة والقاسية لي حلفات مادوز حتى تكسر ماتبقى من قلوبهم......
🥀فــلـاش__بــاك🥀......
بعدات شفايفها المنفوخة من بين شفايفوا ونطقات بدلال ويديها كتسارا على صدرو العريض....
فتون: واعدني بلي عمرك غاتخلى عليا.......
إبتسم ليها بثمالة وعينيه حمراء بحال نقطة الدم وتسكبات داخلهم ونطق......
آرسلان: كنواعدك.......
إبتسمت بحب وصوت قبلاتهم تعالات....قلبها تحتو وشاف مباشرة في عينيها الزرقين ناطق بخفوت وعينيه نايمين كيتفكر غير عبير وسحر عيونها....
آرسلان: عبير....🔥
وسعات عينيها بدهشة مامتيقاش شنو كتسمع وشنو كيخرج هو من فمو....هو معها وتفكيرو مع ديك البنت المتطفلة على علاقتهم..... كرهات راسها في هاد اللحظة وحسات بلي حياتها التعيسة زادت تعاسة بهاد الموقف لي عاشتو دبا......
دفعاتو بكل قوتها ورفعات يديها حتى للسماء عاطاه أحسن صفعة يذوقها في حياتو ونطقات بالغوات وعروق وجها برزات بشكل مخيف....
فتون: الله يلعنك نت وهاد البرهوشة، الله ياخد فيكم الحق عمرني غانسامحكم، نتوما أكثر ناس أذاوني في حياتي ربي ياخد الحق فيكم.... كنكرهكم كثر من أي واحد في هاد الدنيا سمعتي.......نت كتبغيها ياك أسيدي وأنا شنو ها ؟ شنو محلي من الإعراب....غادي تندم والله حتى تندم عليا والندم مغاينفعكش فداك الوقت....ديك البرهوشة الصغيرة عمرها غاتبغيك كيف بغيتك أنا وعمرها غاتلبي إحتياجاتك كيف كنلبيها أنا عرفتي علاش حيت هي غير ملقطة وحدة جبتيها من الزنقة وقلتيلي هاكي ربيها واش عند بالك بالساهل غادي نربي ليك كلبة جبتيهالي من الزنقة ماعندها لا أصل لا مفصل متأكدة غادي تولي شي عاهرة مقطرة معلوم ماهي ولات كتزلل على راجل قد باها شكون عرف واش تقربتوا من بعضياتكم في غيابي و...........
قاطعها بغضب والشرار كيتطايف من عينيه السود ناطق بحدة وقلبو ضرو من كلامها عليها، هي غير بنت بريئة مأداتهم فوالو غير قلبها لي تمرد وبغاه وهادشي ماشي أول مرة غايوقع وماشي حالة إستثنائية غاتهز الأرض ولكن هادشي وقع لألاف الناس ومزال كيوقع....
آرسلان: صافي أفتون زدتي فيه، واش أنا جريت عليها على قبلك وخليت ديك البنت تخرج من حياتنا بحال عمرها كانت عايشة بيناتنا ولكن نتي غير مازايدة فيه يمكن بصح كنفكر فيها ولكن راه ماشي بيدي هادشي فوق طاقتي درت المستحيل باش نحيدها من عقلي ولكن ماقدرتش أنا كاره راسي وعارف راسي غالط ولكن شنو ندير، درت المستحيل باش نصفك ومانظلمكش معيا ولكن ماقدرتش ننساها.......
زمت شفايفها ونطقات بارتجاف مبينة القسوة والجمود....
فتون: كتبغيها ؟
غمض عينيه بقلة حيلة كيحاول يستوعب سؤالها ويلقى الجواب ولكن ماعندوش...هو مزال مامتأكد من مشاعرو وأحاسيسو اتجاه ديك البنت يمكن مجرد ولف ويمكن هو حب التملك من الصغر خايف شي نهار تبعد عليه ويبقى بوحدو ويمكن هوس بيها ومجمل الإفتراضات كتأدي لحقيقة واحدة مزال مابغا يعتارف بيها.........
بقا ساكت مدة ونطق بحدة وعينيه ظلامت في عينيها.....
آرسلان: لا.....
إبتسمت بسخرية واقفة من على السرير مالابسة حتى حاجة تسترها من غير فستان شفاف وملامحها خشنة.....
فتون: ولكن هي كتبغيك وأنا ماكنبغيكش وكرهتك من قلبي نت وديك العاهرة وقلبي برد من جيهتكم...... مكتهمونيش بمرة ومستحيل نتذكركم في حياتي من هنا لقدام.... كنتمنى ليكم جهنم الحمراء تاخد بأرواحكم للدمار ولا أنني نسمع عليكم شي نهار........
خرجات للشرفة ماقادراش تتحمل تشوفو قدامها مزال كتسوط بغضب.....وجلسات في الأريكة كتفكر فشنو غادير من بعد وعندها يقين قاطع بلي الحياة معاه مستحيلة........حيت قلبها مات من جهتو...... غفات في مكانها من شدة التعب والغوات وخرج هو لعندها متحسر على حالتها وحاس بتأنيب الضمير من جيهتها وخا مادارها لا بيديه بسنيه هو ماليه دخل في هاد المهزلة لي كتوقع.....
هزها بين يديه غادي بيها ناحية السرير...حطها وخرج هو للشرفة كيستنشق هواء نقي.... شنو ذنبو فهاد القصة...علاش حطات عليه اللومة وهو مادار والو....مازال ماقادر يتيق كفاش خرج من فمو إسم عبير واش لهاد الدرجة سيطرات على تفكيرو ولا غير حيت بقات فيه من تعاملو معها بديك القسوة..... قلبو محطم ونفسو ضايقة عليه....... كيستنى الله يديرلو شي تاويل دالخير..... ولا إعتراض أمام قدر الله خيرا كان أم شرا......
🥀نــهــايــة الفلاش بــاك🥀
#يـتـ__ـبع... بأنامل: رباب نجمة ❤️
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
