روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثالث: قــيــامــة تــنــهـــار🔥
الجزء 80:
رمشات عبير عويناتها بإستغراب وهي كتشوف يديها لي تشابكات معاه.....وقبل ماتنطق بحتى كلمة كانت يديه جراتها معاه باش يوقف أمام المربية مخاطبها بقسوة وكلماتوا دخلات لمسامع عبير بحال السهم......
آصف: أنا غانتزوج بهادي لي قدامك من الأحسن تنسايني وتغبري عليا وجهك.....
سحبها من خصرها لحضنو طالعين للأعلى وعبير من شدة صدمتها ماقدرات تتفوه بحتى كلمة غير غادية بجنبو مرفوعة......مخليين المربية كتبكي وتندب حظها لي طيحها فموقف بحال هذا.... جاو الخدم كيساعدوها باش توقف وتخرج من الڤيلا وحالتها حالة بالبكاء والقهر..........
دخل آصف للغرفة ديالو ومعاه عبير لي أخيرا تشجعات ونطقات معلية حاجبها مخنزرة وبنبرة غاضبة......
عبير: نت شنو درتي دبا كفاش غانتزوجوا وحياتي ولا ماعرفت آش خربقتي لتحت.......
جلس آصف بهدوء على الكرسي الخشبي كيعض حنكو من الداخل حتى برزات عضلات فكو كيحاول يتحكم فأعصابوا.....عارفها كتبغي شخص أخر من غيرو وهو مايقدرش فلحظة يبدل هادشي ومتأكد أنها عمرها غاتتقبل حياتها الجديدة معاه كيفما مايمكنش تقبل تتزوج بيه.......وقفات أمامه ناطقة بعجرفة....
عبير: واش باغي تحمقني بسكوتك!! شنو هاد التخاريف لي نطقتي بيهم لتحت......
وقف آصف مرة أخرى محافظ على هدوؤه وخدا صورة كانت محطوطة فوق الطاولة وعطاها ليها ناطق بخفوت وعينيه فعينيها كيلمعوا بنجوم خفية.......
آصف: كلشي على قبلها.....!! على قبل بنتي الوحيدة لي ماقدرتش نختار ليها أم مزيانة تربيها وتعتاني بيها....مع الأسف غلطت وختاريت مرأة طائشة ومستهترة كلشي فحياتها ضحك... كيهمها غير راسها للدرجة لي سمحات فبنتها غير حيت بنتها بكمة ماتقدرش تتكلم وغادرات بلاما تحس بحتى حاجة ولو ذرة ندم..........
تغرغرات عويناتها الساحرة بالدموع فحين هو قرب منها ماسك يديها وناطق بخفوت وعينيه على شفايفها......
آصف: تقبلي تزوجي بيا ؟ على قبلها هي ماشي على قبلي.......
فتحات فوهة فمها باغا تتكلم لكن فاجأها فاش وضع أصابعوا على فمها مانعها من أنها تتكلم متكلم فمكانها بنبرة رجولية مميزة......
آصف: شوووت ماتعطينيش جواب دبا حتى تفكري مزيان وخا!! لي تديري فبالك هاد الزواج غايكون فقط زواج مصلحة، مصلحتي تكوني فجنب بنتي ومصلحتك تنساي الماضي....
رفعات راسها بالإيجاب ورموشها الكثيفة كتتحرك بثقالة على ملامحه الوسيمة.... بقات مخدرة حتى غادر بهدوء...نزلات عينيها لديك الصورة لي كانت كتجمعو ببنتو الصغيرة سلمى وكتبان عليها فرحانة بزاف وعلاش ماتفرحش وهي عندها أب عوضها على حرمانها من حنان الأم......
تأثرات عبير من حال هاد البنت وتذكرات نفسها وهي صغيرة كفاش قدروا يسمحوا فيهم بلاما يلفوا ولا يدوروا...شنو هو الغلط لي رتاكبوه وهما صغار، تربية ماعارفة والو..... كفاش عطاتهم خاطرهم.... كتحمد الله أن ربي لاقاها بآرسلان حماها ورعاها وكان ليها أفضل شخص كدور عليه حياتها ولكن كانت ناقصاها شي حاجة يمكن إحتضان فتون وعطفها عليها لكن هي عاملاتها معاملة قاسية وكانت مخدرة الأحاسيس اتجاهها... تمنات لو شافت منها ولو تصرف واحد زوين يشفع ليها في ظل علاقتهم المكهربة... لكن كان العكس تماما.... فكفاش هاد الناس كيلوموها حيت بغات آرسلان ؟ علاااش ؟ شنو هي هاد الخطيئة الشنيعة لي رتاكبات ؟ واش الحب عيب أو حرام..... هو ماشي باباها ولا هي بنتو، هو ماشي باها الروحي بل هو الروح ديالها وجسدها بلا بيه ماعندوش معنى يبقى متواجد في الدنيا........
رجعات نزلات راسها كتبكي والحرقة شاعلة فيقلبو حيت تذكرات حبها الكبير ليه لي عمرو تمحا ولا زال حيت هي مرتبطة بيه منذ الطفولة ومايمكنش تنساه وخا تكون كتلتاقط أخر أنفاسها فهاد الحياة.........
يمكن الحاجة الوحيدة لي كتختالف فيها مع سلمى أن سلمى باباها ماسمحش فيها عكسها هي كلشي تخلا عليها......!! مابغاتهاش تعيش نفس الحرمان لي عاشتو هي،،، على داكشي هي قررات تعاونها ولو على حسب سعادتها........ مشات لللمكت ديالو ودقات بهدوء ودخلات بعدما أذن ليها ناطقة بحسم.......
عبير: أنا قابلة....
#يــ__ــتــ__ــبــ__ع..... بأنامل: رباب نجمة 🔥✨ عبير غادي تضحي أكبر تضحية باش ماتكررش نفس قصتها مع سلمى البريئة.........🔥 نهاية الموسم الثاني على الأبواب....
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
