روايــــــــة: قــــيـــــــامـــة تــــنــــهـــــــار⚡🖤
الجزء الثاني:🔱فِــتــنَــــةُ صَــغِــيــرَتِــــي🔱
بأناملي: رباب نجمة🖋🔥
{النَّرجِسيَّةُ الفَـاتِنَــةُ} ❤🔥🍷
الجزء 84:
{أنا هي الأنثى المحاربة لي أبدا مكاتسمحش في حقها، خاضت حرب العشق اللعين في سبيل الفوز بقلب الرجل لي هداها حياتو ورباها، أنا هي الأنثى لي بسبب هاد الهوس والجنون في حبي لداك الرجل وليت نرجسية مستعدة تدير المستحيل غير باش تحقق نصرها ولو على حسب سعادة غيرها من النساء......
فتون، ديك الزوجة لي مانصفاتهاش الحياة....كانت ضدها كيفما كنت أنا ضدها بسبب عشقي لزوجها لي رباني وبغاني..... لكن أنا بغيتو حب بريئ ومختلف بل عشق حارق ماعندو علاقة ببنت والأب ديالها الروحي،.....
كنمقت هاديك المرأة الماكرة، هي السبب فهادشي لي واقع كله هي لي كانت قاسية معيا، قسوتها ماخلاتني غير نزيد في تمردي ونبغي داك الرجل الوسيم "آرسلان" عشقته حد اللعنة وغانبقا نعشقه حتى لأخر نفس في حياتي....بصح خليت القيامة تنهار فوق رؤوسهم ولكن هاد القيامة نهارت حتى عليا أنا وكسرات قلبي.......}🔥
في غرفة جلوس واسعة، جالسة جلسة معتدلة على الأريكة واضعة ساقها المثير واللامع على ساقها الأخر بكل رقي مخلية فتنتها تشتد وتبهر الناظرين....كترشف من فنجان القهوة من حين لأخر وكتقرا الأخبار الجديدة على جهاز الآيباد.......
فجأة قطبات جبينها وعينيها الزرقاويتين توسعات بذهول، حركات فكها السفلي كدليل على غضبها.....
فتحات فوهة ثغرها وبدات كتتكلم بصوت شبه مسموع من بين شفتيها الشبيهة بحبتي الفراولة ذات الحمرة الداكنة......
عبير: فضيحة عائلة التلمسي هو موضوع الشهر بحيث اتضح من خلال تصريحات صادمة ومصادر موثوقة أن رئيس الوزراء آرسلان التلمسي له عشيقة من نوع خاص وهي الإبنة المتبناة "عبير التلمسي".......
لاحت ديك الآيباد من يديها حتى تسمع صوت إرتطامها بالأرضية الرخامية أو وقفات كتمشي وتجي في الغرفة دليل على صدمتها وتفكيرها.....مخلية ثوب فستانها القصير والأنيق باللون الأبيض يجاريها في خطواتها.....وشعرها لي مخلياه مطلوق على طول ظهرها كيلامس مؤخرتها كنصاع لتحركاتها......
وقفات بسرعة أمام المرآة المعلقة على طول الحائط متجردة من ملامحها المذعورة راسمة إبتسامة واسعة وناطقة بهدوء....
عبير: ومن بعد من المفروض نفرح، الصحافة قدرات توصل لهاد السر المكتوم، السر لي كتمتو في قلبي من لما كنت صغيرة أخيرا غايعرف كلشي شحال كنبغيك أ آرسلان، متشوقة بزاف نعرف ردة فعل ديك اللفعة أكيد غاتكون مصدومة.....
هزات يديها مزيرة على راسها كتحركو يمين وشمال ناطقة بنبرة مرتجفة.....
عبير: لالا أنا ماشي هكا ماخصنيش نفكر بهاد الطريقة....هو نساني وعايش حياتو مع مراتو خصني نتقبل الوضع ماخصنيش نخلي نرجسيتي تسيطر عليا......
قربات من المرآة الموجودة في منتصف الحائط ديال الغرفة ناطقة بهدوء كتحاول تخلي أنفاسها منتظمة......
عبير: أنا قادرة نسيطر على نفسي وقلبي، مغاديش نتدخل.......
رجعات ضارت كتشوف في الفراغ وعينيها دمعوا بسرعة وتكلمات بهمس....
عبير: ولكن أنا كنبغيه.......
ماحسات غير بخطوات بنت صغيرة كتقرب منها دغيا مسحات دموعها ورسمات إبتسامة مزيفة.......في حين البنت الصغيرة تلاحت عليها معنقاها....
#يتبع....بأنامل: رباب نجمة🔥 الرواية عادت من جديد🥀🇲🇦
البنات كنحس بالاحباط من تفاعلكم كايخليني نحبس واش باقيين باغينها ؟
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
