روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: حـب ســرمــدي🔥
الجزء 60:
نتي بنت في عمر الزهور تربيتي على يد رجل حماك وبغاك وكان ليك السند في هاد الحياة ولكن إهتمامو بيك كان زايد بزاف كان كيحاول يعوض داك الفراغ العاطفي لي عندك من جهة واليديك لي تخلاو عليك في الغابة بلاما يراعيو ليك وكان كيحاول يعوض الفراغ لي خلاتو فتون من جهتك ولي هي زوجة داك الشخص لي كتناديه بلقب "دادي" كلمة تحمل في طياتها أقوى إحساس وصلتي ليه فعشقو، نتي عمرك عيطتي ليه ب بابا حيت هو ماشي باباك بل أكثر من ذلك....عاملك وكأنك قطعة منو وإعتابرك رفيقة دربو، نتي عوضتيه على كل داك النقص لي كان كيحس بيه، من جهة مايقدرش يكون أب ومن جهة تهرب ونفور زوجته.... نتي كنتي بمثابة داك النور لي موجود في أخر الطريق المظلم.... كنتي ليه نجمة مضيئة ليه بوحدو....... لكن حبك تمادا وتمرد على ديك العلاقة المقدسة لي بيناتكم....نضجتي أو وليتي كتشوفيه بنظرة أخرى بنظرة عاشقة محبة بسخاء..... تلميحاتوا ليك مانت كلها كتبين أنه كيبادلك نفس المشاعر وأكثر لكن كان صعيب عليه الإعتراف......كفاش ممكن يعتارف بحب البنت لي رباها؟ لكن نتي عارفة ومتأكدة بلي عمرو اعتابرك بنتو كيف نتي عمرك اعتابرتيه باباك.... بل كان لي بيناتكم يفوق علاقة أب مع بنتو..... اعتارفتي ليه ولكن ماتقبلش الأمر حيت ببساطة اعتبرها خيانة لزوجته..هو ضحى بيك نتي على قبل زوجة كانت فواحد الوقت أغلى مايملك لكن ماكذبش لي قال أن الإهمال يقتل العلاقة مهما كانت متقنة الإحكام حيت إهمال فتون لآرسلان دمر العلاقة لي بينهم........ مافهموكش وماحسوش بيك، نتي غير حبيتي من قلبك ختاريتي قلب بغاك وحتاضنك في الوقت لي كلشي تخلى عليك... كنتي مستعدة تضحي بكلشي على قبل نظرة منو....مستعدة ديري الخايب والزوين باش يكون ليك..... نتي ملكتيه وتمردتي على عرش قلبو.... جلستي على عرشو ملكة صغيرة مثيرة لأقصى الحدود...... فتنتك كانت طاغية للدرجة لي خلاتو يتصاب بالجنون....... ضحيتي بنفسك ونتاحرتي بسبب وغد حاول يتعدى عليك وحاول يدنس الجسد ديالك، لكونك مآمنة بلي كل مافيك ملك ليه بوحدو ولو تضطري تقتلي نفسك، حيت حبك ليه أعمى ولا يزال لا يبصر........آمنتي بمقولة أن الحب الأول لا يموت بل يأتي الحب الحقيقي ليدفنه حياً.....وهادشي لي كتمناي يوقع "آرسلان ينسى مراتو الأولى ويكون معك غير نتي ماشي بكونك بنتو وإنما صغيرتو الفاتنة "عبير"".......
وأي فتنة تلك..!! قبلة تبدأ بآحتضان من الخلف.. ثم بصمة على الكتف.. وَوشم ينهم على العنق.. ونهاية بعمق وشغف على الشفاه.. بلا شك تلك الفتنة العظمى..!!🔥
قربات منو أكثر ومدات يديها لوجهو كتحقق فعينين وتفاصيلو...نزلات عينيها لشفايفوا كيف ما هو بادلها نفس النظرات ونطقات بهمس......
عبير: ولكن نت كتأديني بلاما تحس........
سكتات لبرهة كتأمل فيه كأنها المرة الأولى لي غاتشوف رجل وسيم لهاد الدرجة.. زادت قربات مخدرة وغارقة فيه...ونطقات بإرتجاف ويديها كيرجفوا موضوعة مباشرة على صدرو العريض والعاري، فحين هو كيراقبها مستغرب من أخر جملة نطقات بيها ومن الرجفة ديالها لي كيحس بيها على صدرو وكفاش يديها كيلامسوه بنعومة.....
عبير: لكن الأدية ديالك جحيم يطاق......
🔥"الحب جحيم يطاق والحياة بدون حب جحيم لا يطاق"🔥
تغرغرات عويناتها بالدموع مبللة شفارها الكثاف...دموعها منحات عويناتها جاذبية خاصة وسحر لهاد الرجل لي أمامها لي بالكاد مكيستقواش أمام فتنتها الطاغية.....
#يـــ__ــتـــ__ــبــ__ع... بأنامل: رباب نجمة 🔥🖤فينكم 🥺🥺
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
