روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 29:
دموع....!! ألم.....!! حرقة وإنكسار.....!! كلها مشاعر زارت قلب هاد البنت الصغيرة لي مانصفهاش القدر وخلاها تعيش أكبر خيبة أمل في حياتها.....ألا وهي الرفض من طرف أكثر واحد كتبغيه بل كتعشقو فهاد الدنيا...
رمشات عدة مرات كتحاول تستوعب شنو طرا دبا... واش فعلا اعترفات ليه ورفضها واش كتحلم كفاش تسرعات وخطات هاد الخطوة الشجاعة.....
النص دالليل وهي مزالة فايقة وطايحة في الأرض جامعة رجليها وكتبكي بحرقة.......
عبير: هئ هئ علاش رفضتيني علاش هئ هئ أشنو درت باش نستاهل هادشي.....
تفكرات الهدية لي حطها فيديها وبالزربة حلات يديها كتشوف في السنسلة الذهبية لي بين يديها كانت عبارة عن سنسال بنجمة....ابتسمت فور ماعرفات معنى الهدية والدموع كيتسابقوا في السقوط من ديما كان كيلقبها بالنجمة لي ضوات حياتو وبهاد الهدية كيحاول يخبرها أنها غادي ظل كذلك للأبد مهما يوقع.....
السعادة لي حساتها في هاد اللحظة لا توصف على الأقل ربحات شي حاجة من هاد الليلة لي حلفات ماتمر حتى تكسر ماتبقى منها..... ببللات شفايفها أو وقفات غادية بإتجاه الحمام باش تغسل وجها لي تلطخ بالدموع والكحل....
خرجات من الحمام كتجر فرجليها بخمول وتعب ببشرة صافية ولكن شاحبة وعينيها منفوخين بالبكا، يلاه بغات تنعس وترتاح شوية حتى سمعات الدقان في الباب......
أما في الغرفة المجاورة كانت فتون جالسة مربعة رجليها لابسة فقط فستان شفاف وملامحها نايمين كتسنا فيه يدخل، تعطل بزاف والشك بدا كيراوده....لمعت عيونها فاش شافتو دخل وباين عليه التعب والعياء.....
قربات منو أكثر ومدات يديها لوجهو كتحقق فعينيه، إبتسمت بحب وإبتسامة عذبة مزينة شفايفها.....
فتون: على سلامتك كنتمنى ماتكونش مقلق مني.....!!
غمض عينيه مستسلم لملمس يديها على خدو ورجع فتحهم بصعوبة وهو كيتذكر كل ماداز بينو وبين عبير، طرد دوك الأفكار المؤنبة لضميرو، حرك راسو بالنفي ونطق بخفوت....
آرسلان: محتاج نرتاح أفتون......
ابتسمت ليه وشدات من يديه غادية بيه بإتجاه السرير... جراتو حتى تسطح فوق الفراش وخدات راسو حاطاه على فخادها كتلعب بشعرو كتحاول تخليه يرتاح ويخوي عقلو من التفكير.......
أما عند عبير فتحات الباب ورمقات عمران بنظرات استفهام ونطقات بارتجاف....
عبير: عمو...!! ياك لاباس؟
إبتسم ليها وخربق ليها شعرها داخل للغرفة....
عمران: خصنا نهضروا الموضوع مستعجل......
زاد إستغرابها وتعجبها وتبعاتو من الخلف سادة الباب ونطقات بفضول....
عبير: ياك لاباس أعمو شنو كاين خلعتيني؟
#يــتــ__ـبــع.... بأنامل: رباب نجمة 🖤🔥
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
