روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: حــب ســرمـــدي🔥
الجزء 66:
نطقات بخفوت وشفايفها المنفوخة كيرجفوا كتبان بحال شي قطيطة خداو منها السمكة لي حصلات عليها بعد عناء طويل وفاش قررات أنها تعيش منها وبيها جات قطة أخرى وخداتها ليها بكل سهولة....
فتون: علاش مزالة كنفكر فيه بعد كل لي صدر منو وأداني بيه هئ هئ علاش كنحفي تفكيري بيه فحين هو مع وحدة أخرى....على أساس غايتسوق لدموعي إلا نزلوا، ولا غادي يضروا قلبو عليا فاش غايعرفني أنني.....
سكتات لبرهة سامحة لدمعة ساخنة تنزل بغدر شاقة طريق على خدها الناعم..... وكملات كلامها بنبرة رقيقة ومكسورة....
فتون: مزالة كنبغيه.....
بعدات من مكانها وفي لحظة، الغضب كان تمكن منها باش تبدى تكسر في أي حاجة بانت قدامها ودموعها شلال من عينيها...كتكلم بصوت مرتفع وحاد......
فتون: كنكرهكم هئ هئ علاش درتوا فيا هكا علااااااش باش اديتكم أاااععع علاش ماحسيتوش بقلبي، علاش ضميركم مات من جهتي،..........
نزلات على ركابيها ملامسة الأرضية الخشبية الباردة ونطقات بارتجاف وبسخرية ودموعها مغرقة عويناتها الساحرة وشعرها مبعثر على كتيفاتها.......
فتون: عوض مانكرهك أشنو كندير همم!! كنزيد نبغيك........
هزات عينيها باش تبان ليها قطتها الصغيرة كتشوف فيها بنظرات حزينة.....فتحات ذراعها مستقبلاها في حضنها........
"يَا مُحرقاً بالنَّارِ وجهَ محبِّهِ، مهلاً فإنَّ مدامِعي تُطفيهِ
أحرِق بها جسَدي وكُلَّ جوارحي، واحرِصْ على قلبِي لأنَّك فيهِ."
كان الكوخ ساخن بسبب أنفاسهم الحارة وكل واحد فيهم كان منغمس وتايه في سحر الأخر....وجهها أحمر كحبة طماطم وقلبها كينبض بقوة غير معقولة أما عويناتها مدمعة حتى وهي كتعيش أفضل لحظة في حياتها..... أما هو كان مجنون بحركاتها الأنثوية وبعفويتها الساحرة ورموشها الكثيفة المبللة وخصلات شعرها الذهبي لي تشابك مع لحيتو الكحلة.......
كانت كتجمعهم قبلة جامحة وخارجة عن السيطرة، قبلة مجنونة كل واحد فيهم كيعبر فيها على مدى حبو للثاني......وقبل مايزيدوا يتعمقوا ولا يديروا حتى حركة كان آرسلان تجمد فمكانو كيف ما هو الحال ليها كذلك لي وسعات عينيها مصدومة والدموع كيتساقطوا بغزارة وبدون وعي منها خرجات شهقة رقيقة ومنخفضة كتعبر على مدى خوفها.....تهز قلبها إثر صوت الرصاص والدموع شقوا طريقهم لنقطة غير موجودة......
وقف هو عازم أنه يواجه أي شخص يحاول أنه يشاركو فحبيبتو أو يجرحها ويخليها دمية بين يديه.... لكن يديها كانت سباقة لأناملو موقفاه عن الحركة.....
رفعات عينيها فيه كدقق في عينيه السود لي نزاحت منهم مشاعر الحب والغرام وبانت فيهم مشاعر الغضب والثوران.....
رمشات بعويناتها والخوف ظاهر عليهم وأنفاسها تسارعات بشكل مخيف ناطقة بخفوت وشهقاتها المنكسرة قطعات قلبو قطع صغيرة مايمكن تجمع إلا بضحكتها.....
عبير: ماتخرجش عفاك.... قلبي كيضرني هئ هئ.......
"لا بد لنا مِن حُبّ، حبٌ واحدٌ عظيم في حياتنا، حيث أنَ ذلك يُعطينا فرصةً لِلهروب مِن جميع اللحظاتِ التي تمتلىءُ فيها باليأس المميت".....💔
تبسم ليها إبتسامة هادئة قدرات تخلي قلبها يرتاح شوية ونزل لمستواها واخد يديها بين يديه مقبلهم بحنان ناطق....
آرسلان: عبورتي حبيبتي ونور عيني خصك تكوني متيقة بلي قلبي كيضرب غير ليك فهمتي وإلا مت غانكون فرحان حيت عشت معك هاد اللحظة وخليتك تعرفي قداش كنبغيك.....غانبقى نبغيك لأخر نفس....
رفع يديه لخدودها كيمسح دموعها لي كتساقط بشكل هستيري ناطق بحب....
آرسلان: ماتبكيش عفاك... دموعك كيحرقوني....
نطقات بخفوت وشفايفها المنفوخة كيرجفوا مادة يديها ليديه مزيرة عليهم....
عبير: ثيق بيا إلا متي غانتبعك......
"ويقول تكاد تجنُّ به فأَقول وأُوشِكُ أَعْبُده”
#يـــ___ــتــ__ــبــ_ع...... بأنامل: رباب نجمة 💔🔥
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
