رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الثاني: مُــعَـــذّبِــي🔥
الجزء 52:
دقات قلبها تسارعات وجسدها جمد فبلاصتو......كانت خايفة بزاف لدرجة أنها طاحت على الأرض من الخلعة.... كانت السيارة قريبة منها للدرجة لي كون زادت غير شوية غادي تدهسها لا محالة.........
نزلات راسها كتبكي والحرقة في قلبها شادة طريقها.....خايفة من شنو كيوقع ومن شنو غادي يوقع.... هي ماتقدرش تستحمل كل هاد الضغط بزاف على قلبها الصغير.......نزلات معها خصلات شعرها الحريري لي أبدا مافقدش لمعانو بإنصياع........ مخبي ملامحها الفاتنة رغم التعب.....
سمعات باب السيارة تسد بالجهد وصوت الخطوات ديال شي شخص غادية وكتقرب منها وظلو الضخم خبا جسدها الهزيل...... حسات بقلبها غايخرج من مكانوا وذاتها كترجف خايفة ومتوترة..... الأمور غادية وكتعقد بالنسبة ليها ولكن من الضروري طلب النجدة من أي كان المهم تهرب من داك المريض النفسي.......
في مكان أخر كانت جالسة بتوتر واضح على ملامحها خايفة ومتوترة وحشمانة في نفس الوقت جالسة في كرسي إلى جانب مجموعة من النساء كيتسناو دورهم باش يكشفوا عند الطبيبة النسائية.........
عيات تسنى دورها والوقت مابغاش يتسالا.....حتى حسات بالممرضة كتحركها مفيقاها من شرودها.... (الحوار باللغة الفرنسية) الممرضة: أنسة فتون......
رفعات فيها عينيها بدهشة والإحمرار كتاسح خدودها المرفوعة ونطقات بارتجاف.... فتون: نعم واش جا دوري؟
ابتسمات فوجها الممرضة وحركات راسها بالإيجاب مخلياها تبعها من الوراء حتى وصلوا لغرفة الفحص...... الطبيبة: تفضلي أبنتي تسطحي على السرير خليني نشوف الوضع عندك.......
داكشي لي دارت تمشات بإتجاهو وستلقات عليه بهدوء لكن توترها كان واضح وباين..... بدات كتقلبها الطبيبة ونطقات بإبتسامة.... الطبيبة: كلشي عندك هو هداك الحجم ديال الرحم عندك مزيان و كلشي نقي واش كتحسي بشي ألم أثناء الممارسة الجنسية أو بعدها ؟
نطقات فتون بهدوء وقلبها كيضرب بوتيرة متصاعدة وخدودها توردات بخجل.... فتون: لا مكنحس بحتى حاجة فالفترة الأخيرة كنت مشيت عند الطبيبة وقالتلي بلي الأمور عندي مزيانة نقدر نحمل ولكن المشكل أن البويضات عندي صغار بزاف مكيكبروش حدهم كيوصلوا ل 17 ملم ومكايزيدوش بالحق عطاتني بعض المنشطات ولكن من موراها مابقيتش مشيت للطبيبة باش نعرف واش حجم البويضات وقع فيهم شي تغيير أولالا.........
ابتسمت الطبيبة ناطقة ببشاشة بعدما وقفات كتحيد القفازات الطبية من على يديها....مخلية فتون تمسح كرشها وتقاد ملابسها..... الطبيبة: الأمور عندك مزيان وحتى البويضات كبروا على الرقم لي قلتيليا غادي مزيد نوصفليك شي منشطات يعاونك... ولكن غادي نعطيك نصائح أخرى تعاوني بيهم حيت مشكلتك أنك إنسانة كتفكري بزاف بطريقة سلبية وكتسطريساي بزاف شي لي كيخلي هرموناتك يتخربقوا والبويضات مكيكبروش وبالتالي الحمل مكيوقعش........
خرجات فتون من تما حاسة بالقليل من الإرتياح واتجهات بسيارتها لشقتها الجديدة......دخلات بهدوء وحيدات معطفها وحدائها وتمشات للمطبخ تقاد ليها قهوة...وتقابلات مع النافذة الزجاجية كتراقب الشوارع من خلالها........
#يــتــ___ــبــع...... بأنامل: رباب نجمة 🖤✨🔥 بغيتوا أجزاء كل ليلة إوا شجعوني بأراؤكم وتوقعاتكم والأهم تفاعلكم شكرا حبوباتي على وقتكم الثمين ❤😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
