روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثالث: قــيــامــة تــنــهــــار 🌪
الجزء 83 والأخير من الفصل الثالث: نهاية الموسم الثاني✨
🦋🔥بعد مرور ثلاث سنوات🔥🦋
واقفة أمام ڤيلا التلمسي بحلتها الفاتنة، لابسة قميص بنفسجي هادئ أو واضعة معطف باللون البني الفاتح..... طالقة شعرها المموج على طول ظهرها أو واضعة ماكياج هادئ كهدوء قلبها ومتكية على السيارة.........
في داخل الڤيلا كانت بنت صغيرة وأمورة بعمر الثلاث سنوات كتجري بحال الفراشة في الغرفة ديالها هاربة من فتون لي تابعاها باغا تمشط ليها شعرها لكن بشقاوتها ماخلاتهاش......
فتون: أجي أبنتي خلاص خليني نقادليك شعرك راه غانتعطلوا على باباك......
قبحات البنيتة الصغيرة ملامحها ماعاجبهاش الحال حيت ماماها جراتها من شعرها ناطقة بإنتصار......
فتون: شديتك ألكارثة يلاه هداي وديري عقلك.....
دلات البنيتة شفايفها بعبوس ناطقة بخفوت......
أروى: ماتخافيش مغانتعطلوش حيت شعري رطب دغيا كيتمشط أصلا أنا كنقول غير إمتى نكمل باش نشوف ختي عبير...... نتي عارفاني عمرني شفتها ومتحمسة بزاف......
حركات فتون راسها بالإيجاب بعدما قادات ليها الگرينات ناطقة بهدوء....
فتون: صافي كملنا يلاه نهبطوا......
نزلات فتون مع بنتها أروى للأسفل فين كان آرسلان كيتسناهم بوقفة رجولية وحلة مخلياه وسيم لدرجة كبيرة... ابتسم فوجه بنتو فاش جات كتجري معنقاه ناطقة.....
أروى: يااااي پاپي أنا فرحانة بزاف حيت غانشوف ختي عبير.....
شاف آرسلان في فتون لبرهة ورجع شاف فبنتو ناطق بحب وبهمس رجولي....
آرسلان: حتى أنا.... أجي نخرجوا نستقبلوها غاتكون وصلات......
قربات فتون منو لابسة لباس رسمي شادة في يد بنتها وآرسلان كذلك شاد فيد بنتو....خرجوا من الباب وقبل مايشوفوها كانت أروى بدات كتغبن حيت تحلات ليها وحدة من الگرينات......
أما عبير لي كانت متكية على السيارة فور ماجات عينيها عليهم عويناتها الساحرة لمعات بالدموع وقلبها بدا كينبض بقوة من شدة الغيرة..... بقات مدة كتشوف فيهم كفاش عايشين بسعادة مع بنتهم الصغيرة وقلبها كيوجعها حيت مهما خبات ماتقدرش تخبي حبها الكبير ليه أو بالأحرى مرضها لي كتحاول تعالجو وتتخلص منو..... سهات فيه وفتفاصيلو الرجولية، ماتغيرش نهائيا من غير أنه زداد وسامة.....
ماقدراتش تزيد تصبر وركبات في السيارة كتحاول تتهدن وماتخليهمش يشوفوا دموعها..... تحطات يد حنونة على يديها.... دورات راسها ليه هو لي كان جالس حداها وشكون من غيرو "آصف"......بدات كتبكي ماقادراش تزيد تتحكم في راسها فحين هو نطق كيمسح دموعها....
آصف: تهدني أنا معك مابغيتكش تبكي.....نتي تجاوزتي هاد المرض ماتخليش الذكريات تأثر فيك وخا..... نتي قوية أ عبير قوية للدرجة لي قدرتي تتخلصي من ذكرياتكم في ظرف الثلاث سنوات.....نتي دبا حرة....ماتخليش الذكريات القديمة تأثر عليك وترجعك لنقطة الصفر.....وخا...!!
حركات راسها بالإيجاب ناطقة بخفوت....
عبير: أه أنا مغانخلي حتى حاجة تأثر فيا أصلا كل واحد بنا حياتو بعيد على الثاني ومع الشخص المناسب......
نطق آصف بهدوء مصطنع عكس الثورة لي فقلبو....
آصف: واش مستعدة تواجهيهم.....
بلعات عبير ريقها وهزات راسها بلطف بمعنى آه.... خرجوا من الطموبيل شادين فيدين بعضياتهم متقدمين عندهم..... رفع آرسلان ليهم حاس بوخزة فقلبو.....قربات عبير كتسلم عليهم...باست أروى فحنيكاتها ناطقة...
عبير: كتحمقي بزاف ماشاء الله عليك....
إبتسمات أروى بحب ناطقة بحنان...
أروى: حيت كنشبهليك يا قمر، فين هي سلمى أعمو، سمعت عليها بزاف....
آصف: عندها الإمتحانات أحبيبة عليها ماجبناهاش معنا.....
إبتسمات عبير بحب وقربات من فتون مسلمة عليها ببرود ورجعات قربات من آرسلان مخلية آصف كيلعب مع أروى وفتون مشاركاهم الحديث..... بلعات عبير ريقها وخدودها توردات ناطقة بخفوت حابسة دموعها....
عبير: دادي......!!!
نطقات فتون بهدوء مصطنع ناطقة...
فتون: حياتي غاندخل أنا وأروى وآصف للداخل حتى تلحقوا علينا.....
حرك آرسلان راسو بالإيجاب....ورجع شاف فعبير، ماقدرش يصبر أكثر قدام عويناتها الساحرة وعنقها لحضنو بقوة ناطق بهمس رجولي....
آرسلان: ماتبكيش، دموعك كيحرقوني.......
زيرات عليه عبير أكثر متمنية لو تنطق بكل ما فقلبها لمن فضلات الصمت وعقلها كيستحضر كلام تمنات تقولو...... "كنبغيك حب مجنون حتى واحد مايقدر يفهمو من غيرك".......
بعدات عليه والدموع كيلمعوا في عينيها وسهات كتتخيل سيناريو معقد موجود فقط في خيالها....
🌸في مخيلة عبير✨
ترمات في حضنو ونطقات بهمس وبنبرة منكسرة.....
عبير: أنا نرجسية مريضة بيك......
بعد عليها بهدوء ناطق بإبتسامة عندها ألف معنى.....
آرسلان: فاهمك.....وكنبغيك نفس الحب....حبك بيه عايش.....فتنتك دارت عمايل فجوارحي!!
تغرغرات عينيها بالدموع معنقاه مرة أخرى ناطقة....
عبير: دااادي.....!!!
نطق بحروف مبعثرة ذايب في حضنها وناطق بهمس...
آرسلان: وأي فتنة تلك، فتنة صغيرتي.......
《عندما تعرف روحُك روحي معرفةً تامة، فإن كلا الروحين يتذكر أنهما كانا روحًا واحدًا في الماضي♡
#نـهــايــة_الفصل_الثالث_الموسم_الثاني ⛔💖 ترقبوا الفصل الرابع قريبا.....موسم ثالث خطير 🌪🌩❤
#رباب_نجمة
نهاية الموسم الثاني صادمة أعرف ذلك ولكن كتحمل معاني كثيرة، خليتها مفتوحة باش مخيلتك هي لي غاتديك لتتمة الطريق....عبير وآرسلان جمعهم حب أعمى وماشي ممنوع والقدر ختارليهم طريق أخرى مختلفة وخالفات جميع الظنون..... كنتمنى روايتي تكون نالت إعجباكم ورضات توقعاتكم ترقبوا قصصي الجديدة بمفاجآت عديدة ماتنساونيش من آراؤكم كنبغيكم بزاف حيت دعمتوني وساندتوني وكنعتاذر من أي وحدة تخاصمت معها على قبل هاد الرواية ولكن كانت رواية عشت معها من قلبي.....تسناو جديدي متأكدة غايرضي نفوسكم 💖
أحبكن لؤلؤاتي.... 🥰 نطلاقاو في الموسم الثالث من الرواية 🔥 تحت عنوان #النرجسية_الفاتنة وقراو جديد قصصي #مُهجة_القاسي و #دمية_الشيطان والعديد من الروايات منها لي موجودة في الگروب ولي على واتباد🖤
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
