رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 20:
الغرفة مظلمة وضوء القمر ختارق النافذة الزجاجية لي بجنب السرير الكبير مضوي وجهها البريئ والطفولي.....فتحات عينيها باش يبان صفاؤهم ونقاوتهم ولونهم الأزرق الدافئ....رمشات بتكرار متوسدة صدرو الفولاذي العاري كتحس بدقاتو الهادئة في وذنيها بحال شي نغمات هادئة مونساها في سكون الليل....رفعات وجها شوية كتشوف وجهو، بانت ليها عينيه مغمضة إبتسمات بسعادة ظنا منها أنه نائم..... وقربات بهدوء حتى ولات فوق منو... وحركات أناملها الناعمة على ملامحوا الوسيمة....
قربات أكثر بوجها مقربة أنفها من أنفو مغمضة عينيها كتستنشق أنفاسوا السخونة... تبادرات لذهنها فكرة مخادعة كترغمها دير فعل محرم وإثم شنيع... ترددات قبل ماتديرو لكن فالأخير غلباتها رغبتها وقربات بشفايفها الوردية بنكهة الكرز...توضعات شفايفها بنعومة على شفايفوا وقبلاتهم بهدوء وبطئ.....
فتح عينيه على وسعهم مصدوم من جرأتها ومن فعلتها لي سبباتلو صدمة....ماعرف مايدير بقا فاتح عينيه بدهشة ماتخيلش الأمور غادي تطور لهاد الدرجة... مايمكنش البنت لي رباها من صغرها غادي تصرف بهاد الطيش وتغلط معاه......
بعدات شوية والصدمة لعبات على ملامحها فاش شافتوا فاتح عينيه وباينة فيه مصدوم...كون صابت الأرض تنشق وتبلعها ولا هاد الموقف المحرج لي غايسبب إضطراب في علاقتهم.... هي مكتصورش حياتها بلا بيه كفاش غادي تصبر إلا خسراتو بسبب فعلها الطائش....
عضات شفتها السفلية وبعدات عليه واقفة حافية القدمين على الأرضية الرخامية...وتكلمات ببلاهة كتحاشى النظر مباشرة في عينيه..... عبير: أنا مادرتهاش بالعاني...ماعرفتش شنو وقع ليا حتى قربت منك و....
بقات كتمشي وتجي وتشد على خصلات شعرها بخشونة قريبة تقطعوا.....الخوف والقلق تمكن منها باش تولي فحالة هستيرية كتكلم بخوف شديد..... عبير: ماكنتش باغا ندير هكا....
بدات كتدمع بطفولية فحين هو وقف مقرب منها حتى بدات تتكلم من جديد وكتحرك راسها بالنفي..... عبير: ثيق بيا ماقدرتش نبعد ماعرفتش شنو وقع ليا وكفاش مشاعري سيطرات عليا ماتقلقش مني عفاك.... هئ هئ أنا ندمت عفاك سمحليا وماتقلقش مني عفاااك أنا مانقدرش نعيش إلا تخاصمتي معيا وبعدتيني عليك أنا.....
قاطعها فاش سحبها لصدرو مدفيها من لسعات البرد خاشيها فيه على أمل تبرد شوية وتتهدن، بدا كيمسح على شعرها بحنان ناطق بهمس.... آرسلان: شوووت صافي تهدني أعبير...أنا عارف باش كتحسي ومكنلومكش لي وقع غادي نخليوه فهاد الليلة غادي نساو كلشي من بعد وخا أحبيبة......
هزات راسها بالإيجاب ودموعها مغرقة عينيها الزرقين، أهم حاجة عندها هي تبقى معاه وخا ماتكسبش حبو على الأقل يكون ديالها ومعها......
