روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: حــب ســرمـــدي🔥
الجزء 62:
خيم الليل ونجوموا ضوات الشوارع الفارغة من الناس... فقط صوت السيارات والقطط هما لي مشكلين ضجيج خفيف في الأرجاء.... في عمارة فخمة في حي راقي كانت أنوار الشقق كلها مطفية إلا الشقة الموجودة في الطابق الرابع هي لي كانت شاعلة الأنوار.....
في قلب الشقة كانت جالسة فتون على الأرضية الخشبية بلباسها الخاص بالنوم عبارة عن بيجامة خفيفة ومستورة... طالقة شعرها الطويل على طول ظهرها مادة يديها كتلعب بفور القطة الصغيرة لي كتشرب الحليب في الطبق الخاص بيها..... قطة ذات فرو أبيض وعينين عسليتين.....
سالات القطة من تناول وجبتها الأخيرة وبدات كثتاوب دليل على شعورها بالنعاس.... إبتسمت فتون بنعومة على حركات القطة الطفولية وكيف جات تمخششات فيها مغمضة عينيها......
تنهدات فتون بعمق حاسة بالإرتياح وهي كتلعب بفرو القطة وعقلها كيستحضر بعض اللحظات لي عاشتها في ديك الليلة........
🔥تــتــمـــة_الـــفــلاش_بــــاك🔥
خرجات شهقة منخفضة بتلقائية قبل ماتبدا تبكي ودمع....
فتون: علاش بستيني علاش هئ هئ أنا مازالة مرتبطة بحق راجلي... مزالة ماطلقت هئ هئ........... علاش قربتي ليا بأشمن حق....... علاااش!!
وسع عينيه مصدوم فاش عرفها مزوجة...هو قبل مرأة مزوجة...مامتيقش راسو........بعد منها ومشا وجا فالغرفة بغضب وفجأة ضرب يدو على الطابلة دالزاج حتى تشتتات ويدو بدات كتنزف....وسعات عينيها مصدومة من فعلو الأحمق....ودموعها مغرقة عينيها بدون حركة......
معصب لأقصى الحدود شكلو كان كيخلع، كيفاش عروقوا برزات وعضلاتوا تنفخات، مزير على قبضة يدو لي كتنزف بغزارة...... ماكفاهش جرح يدو اليمنى بل اتجه للمكتب لي كانت موضوعة عليه مجموعة من القراعي دالمشروبات التنوعة.... وقلب داكشي كامل حتى تجرحات يديه الأخرى......
بقا كيزدح أي حاجة بانت قداموا بهدف يطفي نار الغضب لي شعلات فيه..... بقا كيهمس بين شفايفوا وصوتو الباح غادي وكيرتافع........
آسر: علاش..!!...علااش...لغيري وماشي ليا....علااااش....
مع أخر كلامو كان زير على شعرو لي تبلل من شدة الضغط عليه....واتجه نحوها محاصرها بيديه بزوج وهي تحتو غير كتشوف بعينيها الزورق عاضة على شفتها السفلية بخوف.....
نطق بحروف رجولية مميزة وبنبرة مرعبة مغزز سنانوا.......
آسر: نتي ديالي بوحدي فهمتي....ماغاتكوني لحتى واحد غيري.... دياااالي ماديال حتى *امل....
زاد رفع صوتو مخنزر فيها ويديه زيرات على ذراعها بقسوة.....
آسر: مفاهمين!!
حركات راسها بالإيجاب ورموشها الكثيفة كتحرك بثقالة ناطقة بخفوت وبدلال وشهقاتها المتقطعة كيحرقوا قلبو كتحس براسها ضايخ وثقيل إثر الكحول لي بدا كيدير المفعول ديالو......وعينيها الساحرتين مشات مباشرة لشفايفوا الحمراء بسبب الغضب كدقق فيهم مخدرة.....
فتون: حتى أنا عندي طلب.....!!
إستغرب من نظراتها وجملتها تلك لي بقات كتردد في مسامعوا بحال شي رنة موسيقية جميلة.... فحين كملات كلامها وهي كتزيد تقرب منو بتمهل حتى أنفها لسق على أنفو مخلية رعشة لعينة تسري فأجسادهم بجوج من داك القرب وداك الإحتكاك لي تم بيناتهم......
يديه على ذرعانها مزير عليهم....صدرها مسحوق بصدرو العريض والفولاذي.... أنفو على أنفها..... خصلات شعرها تشابكات مع لحيتو.....وضعيتهم كانت حميمية بإمتياز......سالات معاه فاش لاحظ كيفاش غمضات عينيها كتنفس من أنفاسوا السخونة ورجعات فتحات عينيها عاضة على شفتها السفلية المحمرة والمنتفخة بإغراء.... حركتها تلك شعلات نيران في قلبو وجسمو......
فتون: ماقادراش نقاوم شفايفك بغيت قبلة دافئة تبرد العافية لي شاعلة في قلبي.........
#يــ__ــتــ__ــبــ__ع... بأنامل: رباب نجمة....نحبس ولا نكمل فين تفاعلكم مع الرواية!
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
