روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثالث: قــيــامــة تــنــهـــار🔥
الجزء 81:
في ڤيلا التلمسي وبالضبط في جناح أمال....كانت واقفة قدام المرآة كتوضع أخر لمساتها في المايكاب......سمعات الدقان فالباب وحطات كلشي من يديها ناطقة بجفاء.....
أمال: دخل.......
تقدمات الخادمة لداخل الجناح بخطوات بطيئة ومتمهلة وبنظرات خائفة نطقات....
الخادمة: نعم ألالة واش بغيتيني.......
وقفات أمال لابسة فستان أسود طويل مفتوح من الجهة اليسرى واضعة مايكاب صارخ ومخيلة شعرها القصير على راحتو.... تقدمات لأمامها ناطقة بهدوء....
أمال: نتي عارفاني قداش كنكره الناس الفاشلين بحالك ومع ذلك فشلتي خططي كلها..... حتى حاجة مادرتيها كيفما طلبت منك أنا والو نتي خسرتي كلشي.....
نطقات الخادمة بكلمات متقطعة والدموع كيتساقطوا بغزارة وبدون توقف من عينيها الخائفة....
الخادمة: أشنو درتليك ألالة ياك لي طلبتيها مني كنفذها ليك بالحرف.......
إبتسمات أمال بخبث ونطقات معلية راسها للسماء وكتراقب فيها بهدوء حاسة بالنشوة من شوفتها كتبكي أمامها....
أمال: لالا مادرتي والو ولكن أنا لي غاندير هاد المرة غانخليك تمشي من هاد الڤيلا وراسك مطموس في الأرض...... تحركي عليا من هنا وأقسم بالله ونعرف بلي قلتي هادشي لشي واحد حتى ندفنك ونتي حية حيت حشرة بحالك مغاتغلبنيش.......
نزلات الخادمة على ركابيها كتترجى في أمال بصوت مغنغن وضعيف....
الخادمة: عفاك ألالة رحميني وماتجريش عليا نتي عارفاني عندي مصاريف كثيرة وبنتي مريضة كفاش غاندير نشري ليها الدواء الله يرحم ليك الوالدين ماحني فيا وخليني خدامة وثيقي بيا مغانقولها لحتى واحد.......
نطقات أمال بعصبية راكلة الخادمة لبطنها.....
أمال: خرجي عليا عصبتيني مابغيتش نشوفك قدامي يلاه غبري عليا كمارتك.........
خرجات الخادمة بسرعة من الجناح كترجف وقلبها كيزدح من الخوف والقهرة، الخدمة الوحيدة لي كتكساب ومنها كتعيش وتعيش بنتها خسراتها دبا شنو غادير...... حركات فكها بغل كتوعد لأمال بالإنتقام وكملات طريقها غادية بإتجاه الأسفل باش تغير ملابسها وتغادر........
أما في المشفى كان آرسلان كيستاعد باش يخرج وخا كتفو باقي كيضرو وراسو حتى هو لكن بقا مصر باش يخرج حيت مل الجلسة في المشفى...... حتى دخلات فتون بهدوء وهي كتذكر أخر حاجة وقعات ليها.......
❌فلاش باك❌
فتحات فتون الغرفة باش تدخل تطمأن على آرسلان حتى سمعاتو كيدوي بصوت مسموع.....
آرسلان: توحشتك بزاف، ماعرفتش فين غاتكوني دبا ولكن كنتمنى تكوني بخير، مابقيت بغيت والو من الدنيا من غير نشوفك سعيدة فحياتك.......
خرجات بسرعة قبل مايشوفها واضعة يديها على فمها كتكتم صدمتها ودموعها، وقف عليها البوليسي ونطق بهدوء.....
البوليسي: واش نتي بخير أمدام التلمسي ؟
رفعات راسها بالإيجاب كتمسح دموعها ونطقات بهدوء...
فتون: بخير واش كاينة شي حاجة ؟
حرك راسو بالإيجاب ناطق بهدوء.....
البوليسي: آه ألالة بغيت نخبرك بلي تم القبض على العصابة لي تعدات على الزوج ديالك......
غمضات عينيها كتعبر على إرتياحها ناطقة بإمتنان....
فتون: شكرا ليك بزاف أسيدي......
#يــ_ــتــ_ــبــ_ع.... بأنامل: رباب نجمة ✨🔥🖤 قربنا من النهاية حبيباتي خليو أراؤكم وتوقعاتكم......
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
