روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: حــب ســرمـــدي🔥
الجزء 67:
لقد احببتك حبا لم يحبه أحد من قبلي لأحد ، وأخلصت لك اخلاصا لا يضمر مثله أخ لاخيه ولا ولد لوالده ، ولا أشعر الا بك ولا أحلم الا بطيفك ، ولا أطرب لرؤية الشمس ساعة شروقها الا لأني اسمع فيها نغمات حديثك ، ولا لمنظر الازهار الضاحكة في اكمامها الا لأنها تمثل لي الوان جمالك ، ولا تمنيت لنفسي سعادة في هذه الحياة الا من اجل سعادتك ، ولا اثرت البقاء فيها الا لأعيش بجانبك واستمتع برؤيتك.
في لحظة كانت تسمع صوت السلاح وهاد المرة بشكل قوي لأنه كان قريب بزاف من الكوخ.... شاف فيها آرسلان ناطق بحزم وبنبرة حادة....
آرسلان: هربي من هنا دبا.....
شافت فيه بتساؤل ناطقة بخفوت...وشهقاتها كيقاطعوا كلامها.....
عبير: ونت!!
شاف فيها لبرهة وشكلو كيخوف دغيا تقلب أو ولا كيغلي من حر الغضب.... ورجع قرب منها واخد شفايفها في قبلة عميقة وساخنة... بعد منها ناطق بحزم وبنبرة رجولية حادة....
آرسلان: أنا غانبقا هنا ونتي غاتمشي فهمتي مايمكنش تبقاي هنا......
حركات راسها بامتناع وتكلمات مزيرة على قبضة يديها الناعمة بغضب.....
عبير: لا مايمكنش يا نمشيو بزوج يانبقاو بزوج مستحيل نمشي ونخليك ورايا......
غمض عينيه بقلة حيلة وحدا يديها بين يديه ونطق بخفوت متألم لألمها....
آرسلان: غير هربيي ثيقي بيا مغايوقع ليا والو....إلا كنت بوحدي غانقدر نواجهو أما لاكنتي معيا غايصعاب عليا الأمر.... واعديني غاتمشي من هنا عفاااك....
هزات راسها بالإيجاب وقلبها كيضرب بوتيرة متصاعدة....فحين هو تكلم....
آرسلان: غانحسب حد ثلاثة وخا من بعد طلقي من يدي وهربي من السرجم.....
بداو دموعها كيتسارعوا على خدها الناعم جاتها خايبة تهرب وتخليه ولكن ماعندها حتى حل من غير تجاريه فكلامو.....
تكلم آرسلان كيحسب حد ثلاثة وقلبو كيضرو عليها وهو كيحس بصبيعاتها متشبتين بأصابعوا لكن غير نطق بالرقم ثلاثة كانت يديها طلقات من يديه وختفت من أمامو طالقة العنان لدموعها......
هربات من تما وهي حاسة بلي خلات قلبها من وراها....ماقدراتش تزيد تخطي خطوة أخرى مقررة أنها ترجع لكن قبل ماترجع للوراء...وقفات مصعوقة في مكانها من صوت الرصاص وقلبها كيضرب بخوف كبير لاتكون وقعاتليه شي حاجة.....
رجعات بسرعة كتعثر في خطواتها ودموعها مغرقة عينيها مرددة بخوف...
عبير: مغانسمحش لراسي إلا وقعاتليه شي حاجة.... لالا غانقتل راسي هئ هئ.....
غير وصلات لتما وبانوا ليها رجال أوس مطوقين المكان وحب قلبها غارق في دماياتو كيلتقط أخر أنفاسوا.... بقات كتشوف فيه غير مستوعبة الأمر وفلحظة كانت غوتات بكل قوتها ناطقة إسمو.......
عبير: آرسلااااان هئ هئ لااااااا مستحييييل.....
مشات بسرعة لناحيتو واخدة وجهو بين يديها كتمسح الدمعة الحبيسة لي نزلات بتمرد على خدو فاش شافها ونطقات بارتجاف....
عبير: حياتي أنا معك ماتخافش مغايوقعليك والو... ثيق بيا....نت مستحيل تمشي وتخليني هئ هئ يا آدادي مغاتمسمحش فيا بهاد السهولة.....
نطق بصعوبة كيحاول يواسيها وخا وهو فهاد الحالة مزال مهتم بيها وبدموعها....
آرسلان: ماتبكيش دموعك كيحرقوني.....نتي أغلى حاجة عندي فهاد الدنيا بغيتك تبقاي ديما قوية وماتخلي حتى حاجة تأثر فيك..... إلا مت عرفي بلي قلبي أخر نبض ديالو كا ليك وتفكيري كان مشغول غير بيك وحاربت لأخر نفس غير على قبل نظرة من عينيك......كنبغيك....
رفع سبابتو كيشهد ومن بعد لقا أخر نظرات عليها ساهي فعينيها لي كيحمقوا وكيفتنوا......ناطق بينو وبين نفسو....
آرسلان: ماقدرتش نقاوم فتنة صغيرتي....
نطقات بخفوت وشفايفها المنفوخة كيرجفوا....
عبير: لالا نت مغايوقع ليك والو كفاش باغي تمشي وتخليني بعد هادشي كامل...شكون لي غايهتم بيا ويخاف عليا من غيرك... نت كنتي ليا السند والدرع الحامي كفاش غانحمي راسي بوحدي إلا مشيتي وخليتيني.........علاااااش باغي تمشي وتخليني هئ هئ عفاااك بقا معيا ماتغمضش عينيك عفاااك.... آرسلاااااااااااااان لاااااااا........#عبير!!!
#يــ___ــتــ__ــبــ__ع...... بأنامل: رباب نجمة 🔥❌ هادوا أجزاء الليلة بغيتكم تكثروا من جادوغ وتخليو أراؤكم وتوقعاتكم ومرحبا حتى بإنتقاداتكم ألغزالات ديروا المجموعات🤗🥰........
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
