روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 26:
دفع الباب سادها من وراه وشدها من يديها بقوة دافعها على الحائط...وسعات عينيها بصدمة ولؤلؤتيها كيتحركوا بسرعة مفزوعة من الحركة لي دار.....
أما هو قرب منها بهدوء والإبتسامة مزينة شفايفوا ونطق بهمس خبيث....
عمران: طلبتي مني نعاونك وننقد زواجك، بغيتيني ندير شي حاجة على ود علاقتك بخويا ولكن نسيتي بلي قلبي غادي يتجرح كثر وكثر....قلبي لي حطمتيه شحال هذا من عام، قلبي لي مانساكش وخا تزوجتي وبنيتي حياتك بعيد عليا.....
نزل بعينيه لشفايفها وعينيه معميين كيفكر غير فالماضي وقلبو كيتعصر فاش كيتفكر بلي البنت لي بغاها هو الأول رفضاتو وتزوجات خوه وفكل ليلة مانت كتنعس بين أحضانو وهاد الشفايف لي قدامو دبا وكيتأمل فيهم تلمسوا شفايف خوه وماشي شفايفوا هو..... شنو ذنبو هو من غير أنه بغاها وتمناها حلالو...علاش ختارت تكون مع خوه وماشي هو علاش فرطات في الحب الصامت لي جمعهم......تنهد بحرقة وقلبو كيزدح فودنيه حاس بالعافية كتاكل فيه وهو كيلاحظ دموعها كتنزل بهدوء خوفًا من أنه يزيد يقرب منها ويرتاكب في حقها شي حماقة......
مد يديه لخدودها الصافية والمبللة بدموعها لي نزلات بغدر كيتلمسها بحنان وكيمسح دموعها النقية... كان خصها غير السبة باش تخرج گاع لي فقلبها وتبكي بقوة كبيرة على الله تقدر ترتاح شوية وتخفف الحمل لي هازاه فوق كتافها..... درفات دموع كثيرة وهو كيتألم لألمها....نطقات بصوت رقيق ومتقطع من بين شهقاتها الخافتة.....
فتون: عمران خصك تفهم بلي أنا مرأة مزوجة دبا....علاش مصر تفكرني فالماضي علاش رجعتي أصلا نت تزوجتي وبنيتي حياتك بعيد عليا علاش رجعتي دبا شنو كتحاول تبث ليا......
خدا وجها بين يديه وشاف فيها بعينيه السود اللامعة ونطق بخفوت وبنبرة رجولية حنينة....
عمران: بغيت نتبثليك عشقي ليك..أنا محتاج ليك بزاف أفتون واش عارفة شحال من عام وأنا عايش محروم من شوفتك ومن إبتسامتك عارفة شحال من عام عشتو معذب في بعادك في كل ليلة كنحط راسي على المخدة باش نعس كيطير عليا النعاس وقلبي كيتحرق وأنا كنفكر في أن البنت لي كنبغي بين يدين رجل أخر وكت.......
سكت من بعد عليها وكيحك لحيتو بعصبية وكيستغفر الله.....
عمران: أستغفر الله العظيم......
شافتو كيف كيمشي ويجي معصب لأقصى الحدود فكرها فگاع داكشي لي حساتو نعاه فواحد الوقت كان ساكن قلبها وتفكيرها وكانت كتمناه هو الشخص لي معامن اكمل حياتها ولكن فجأة كلشي تقلب والقدر كان عندو رأي أخر...... تنهدات بعمق ونطقات بصوت مرفوع.....
فتون: وشنو لي رجعك دبا هممم علاش رجعتي باش دمر زواجي ياك بغيتي تخلق المشاكل بيني وبين خوك ويطلقني باش يبقى مع ديك اللفعة.....
ابتسم بفقصة على كلامها ورد عليها بصوت خشن ونبرة قوية....
عمران: علامن كضحكي أفتون واش عليا ولا على راسك.... عاد غانجي أنا نخلق بيناتكم المشاكل على أساس عايشة معاه السعادة والهناء باقي ناقص غير واحد بحالي يدخل بيناتكم ويفارقكم.....
بلل شفتيه القاسية حاس بالضيق والقلق وقرب منها شادها من كتيفاتها فور ماشاف دموعها كيف بداو كيتساقطوا من جديد وشفايفها كيرجفوا كتبان بحال شي بنيتة صغيرة...
عمران: شووت ماتبكيش عفاك دموعك غاليين عليا...فتون تهدني كنواعدك كلشي غايتصلح غير سكتي من البكا أنا ماناويش ندخل في علاقتكم.....
رفعات عينيها فيه كدقق في عينيه مباشرة، عيونهم على بعض، كأنها ولات هادئة وأقل قساوة من قبل، نطقات بعد صمت ونطقات برقة.....
فتون: غادي تعاوني نلقى عريس لعبير!!!
وسع عينيه بصدمة ونطقبصوت رجولي مفخم....
عمران: شنو......!!
#يــتــبـــع..... بأنامل: رباب نجمة 🔥🖤
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
