رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱
بأناملي: رباب نجمة🖋🔥
{النَّرجِسيَّةُ الفَـاتِنَــةُ} ❤🔥🍷
الجزء 90:
كانت عبير كتمشي وتجي في الغرفة بتوتر كبير كاتحرك مقلتيها على الأرضية دغرفتها بتفكير.........علاش ماقادراش تتخطاه وخيالو ديما مرافقها........كل حاجة كتفكرها فيه وكتخلي شوق يكبر داخلها ورغبتها في لقاؤه تزيد.........
جلسات على حافة السرير بقلب كينبض بسرعة وأنفاس غير منتظمة......وضعات يديها على قلبها وسمحات لدمعتها الحبيسة تنزل بضعف ناطقة بنبرة رقيقة....... عبير: توحشتك بزاف أدادي حتى حاجة ماقدرات تعوض مكانتك في قلبي، بغيتك في حياتي، بغيت نطفي نار الشوق بشوفتك ونشفي جراح قلبي بإبتسامتك بغيت منك حضن واحد يرجع روحي للحياة........داادي علاش خليتيني خارج حياتك........راني كنموت في بعادك...........
وقفات بسرعة غادة جاية في الغرفة بحال الحمقة غارسة أظافرها بين خصلات شعرها البني ناطقة بنبرة غاضبة كتلوم نفسها على الحالة لي وصلات ليها بسبب قلة عقلها وطيشها وتمردها في حبها ليه........ عبير: أنا السبب أنا لي خربت كلشي....شنو كان غايوقع كون كتمت مشاعري وضبطت نفسي خليت كلشي يتدمر في لحظة......بطيشي ضيعت أغلى ماعندي في هاد الحياة........أنا غنموت إلا تزعزعات مكاني في قلبو غانقتل راسي إلا هو نساني.........
🔥لا شيّء يروي عطش نبضي سوى ينبُوع عشقُك، احتاجك، أُريدُك فيضاً يُغرق رُوحي عشقاً و فرحاً و جُنوناً فبدُونك أنا أرضُ جفاف تشتاق لقطرة ماء لتُعاود لها الحيّاه من جديد أُحبُك فيضاً منهُ لا أكتفي.❤🔥
فجأة سمعات الباب كيتفتح، بسرعة مسحات دموعها ورسمات ملامح حادة غير هاديك الملامح الحزينة لي كانت قبل........
دخل بهدوء مقرب منها سكران برائحتها الفريدة من نوعها ألا وهي مزيح بين رائحة التوت الأحمر والفانيليا، عطرها لي من أغلى الماركات العالمية المشهورة ولي مستحيل تستغنى عليه........
قرب منها واقف خلفها واضع يدو اليمنى على كتفها مخليها تراقبو بعيون ثاقبة من خلال المرآة لي أمامها..........
تكلم بهمس مميت...... آصف: من الأحسن تقطعي داك الخيط الرقيق لي باقي بينك وبين ديك العائلة.....قريب غاتحملي إسمي أنا وعلاقتك بيهم غاتنسايها وهذاك الراجل غاتنسايه عليك فمرة، الوحيد لي غاتفكري فيه هو أنا...........فهمتي.......
ضارت بهدوء شافت فيه بنظرات حارقة ناطقة بهمس...... عبير: هاديك عائلتي وهداك الرجل هو لي رباني ومستحيل نقدر ننساه......
جرها من رقبتها بعنف ناطق بالقرب من أذنها....... آصف: علاش مصرة تختابري صبري، لحد الساعة ضابط معك نفسي ومامخليكش تشوفي وجهي الخايب........
