رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 25:
جالسة على الأرضية الرخامية الباردة بمظهر غير مرتب...مزالة بديك الكسوة المكشوفة محنية على ركابيها وشعرها ذو القصة القصيرة متناثر على كتيفاتها والبعض من خصلاتوا لاسقة على وجها المبلل بالدموع.... رفعات يديها الصغيرة ذات الأظافر الطويلة لي كتلمع ومسحات دموعها بعنف حتى جرحات حنيكاتها.. ظنا منها أنه بهاد الطريقة تقدر تطفي النار لي شاعلة في قلبها والغيرة لي كتحس بيها من ديك البنت الصغيرة، هي عمرها كانت هكا حقودة وكتكره شي حد حتى بانت في حياتها عبير كتقول مع راسها لو أنني كنت أم مكانش غايوقع هادشي شكان غايطرا لو تحققات أمنيتها........
وقفات بصعوبة كتحاول تتمالك نفسها وتهدي من غضبها... هي ماشي ضعيفة لديك الدرجة.....تكات بيديها على الحائط ونطقات بخفوت وبشك.... فتون: العلاقة لي بين آرسلان وديك اللفعة غادي تحمقني ماعرفتش علاش وعارفة بلي ماخصنيش نشك ولكن شي صوت في الداخل ديالي كيقولي العلاقة لي بيناتهم ماشي عادية بل كتعدى علاقة أب وبنتو.....
قادات وقفتها بزز كتمسح على وجها وكتستغفر الله من الأفكار الشيطانية لي راوداتها.... ورجعات نطقات مرة أخرى.... فتون: علاش لحد الساعة مكنولدش وخا الطبيب قالي ماعندك حتى مشكل شنو هو سبب تأخر الإنجاب عندي واش زعما المشكل يكون منو هو ولا كفاش ياك حتى هو ماعندو حتى مشكل اذن فين كاين هاد المشكل؟ مابقيت فهمت والو......
إبتسمت بسخرية فاش تذكرات أن شهر وزياد مامارسات معاه وماداروا حتى محاولة باش يولدوا والسبب في هادشي كامل هو نفورهم بجوج من هاد العلاقة لي ولات عامرة بالمشاكل ولكن هي مصممة على السبب في بعدهم على بعضياتهم هي عبير.... فتون: حتى من خاتم زواجنا مابقاش كيلبسوا هو كيقول مالقاهش ولكن ماعرفتش علاش كنشك بلي هو لي ماباغيش يلبسوا هاد الحب دمرني بما فيه الكفاية... عيييت.....
دخلات للحمام وترخات وسط البانيو كترخي عظامها وكتحاول تنظف تفكيرها من أي أفكار سوداوية... حتى سمعات صوت الدقان في الباب.... شللات بالزربة وزادت عليها بينوارها القصير الخاص بالحمام تاركة شعرها يقطر على راحتو وفرقة صدرها كتبان بشكل واضح الظاهر أن سرعتها في الخروج نساتها في أنها تغطيها باش ماتبانش بهاد الشكل المثير......
فتحات الباب مصدومة من الطارق علاش جا عندها في هاد الوقت المتأخر من الليل واش نسا راسو ونسا شكون هي؟.....
