رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الأول: هَــدِيَّــةُ دِيــسَــمــبــر🎁
الجزء 4:
"شهر ديسمبر يعطيني هدية على هيأة فتنة"
حضنها لعندو كيحس بالدفئ والحب وأهميتها في حياتو والقيمة الكبيرة ديالها لا تقدر بثمن، ولات شي حاجة أساسية في حياتو مايقدرش يستغني عنها ولا يقدر على بعدها وفراقها أكيد غايكون أشد من الموت....🔐
أما هي كتسمع لدقات قلبو لي تزامنات مع دقات قلبها المتخبطة، كتسمعليهم كأنهم ألحان وأنغام تغلغلات في مسامعها باش تلمس قلبها وتسحر كيانها.... قلبها الصغير مايقدرش يتحمل هاد الأحاسيس المختلطة....مشاعر جياشة وقلب مضطرب،.....حطات يديها الصغار على صدرو كتمررها بحنان وأصابعها تمدات لبعض الشعيرات الموجودة أسفل صدرو....حس بقشعريرة في جسدو بفعل لمساتها المخدرة.....
بعدها من حضنو ماساخيش ولا هي ساخية تبعد عليه، شاف فيها بتأمل سارح في تفاصيلها وكيف كتشوف فيه بعينيها الزرقاوتين الواسعتين، بحال اللؤلؤ (تحية للؤلؤاتي💎) ابتسامتها العذبة فيقاتو من سهوتو ناطقة بسخافة.... عبير: عجبتك ياك !!
وسع عينيه بدهشة ورفع حاجبو ونظراتو فيها بريق لامع خاص... ورجع نطق ببحة رجولية وبنبرة حنينة في نفس الوقت.... آرسلان: وليتي شقية في هاد الفترة همم؟
ابتسمت بسحر وحركات كتيفاتها العريانين بغرور ناطقة بدلال... عبير: معلوم راني كبرت أو وليت بنت كبيرة وزوينة....
استغربات من جملتو تلك ونطقات بخفوت..... عبير: ولكن علاس (علاش) غانخاف...؟
ابتسم حتى تغمضات عينيه وبرزات الغمازات الواضحة على خدودو بجوج ونظراتوا لا زالت مبهمة.... آرسلان: غير غاتكبري نتي، أنا غانكون شرفت وشكون عرف ممكن نموت إلا قدر الله، ماغانبقاش معاك طول العمر....غادي تزوجي وديري مستقبلك وغاتنسايني... (شافها كيف لمعوا عينيها بالدموع ورجع كمل كلامو وقلبو مقبوض) واش غاتنسايني أعبير ؟
دلات شفايفها بطفولية باغة تبكي حيت مجرد أنها تخيل حياتها بلا بيه كتحس بالإختناق، عاد إلا جرباتها بالفعل أكيد غاتبعوا..... حطات يديداتها الصغار على يديه الكبار، كيديروا أضعاف من يديها وبدات تلعب بأصابعوا...ناطقة بنبرة رقيقة وناعمة ومتحسرة في نفس الوقت..... عبير: إلا متي، نتبعك أدادي حيت حياتي ماعندهاس (ماعندهاش) معنى بلا بيك أصلا أنا مغانتزوجش يكفيني نبقى معك طول العمر.....
ابتسم ساهي في تفاصيلها الأنثوية حتى لمح وجها كيف تخطف منو اللون واسودت عينيها الزرقاويتين.....
أما هي توقفات عن الكلام فاش لامس أصبعها الخاتم ديال الزواج لي دايروا في صبعوا نزلات عينيها ليديه وقلبها كيضرب بسرعة وعينيها تضيقات بشكل مريب.... تنهدات بعمق وعضات شفايفها سارطة الغصة ورجعات شافت فيه راسمة وجه أخر وإبتسامة عذبة شرقات كيف الشمس في وجها..... عبير: نت هو حياتي وبلا بيك ماعنديس (ماعنديش) حياة......!! نت دادي بوحدي.....
شرد مرة أخرى في وجها الريئ وعينيها لي أكثر حاجة كتجذبوا فيها.....
صغرات فيه عينيها كتدقق في تفاصيل صدرو الفولاذي فحين هو قطب حاجبيه بتشكيك... آرسلان: مالكي؟!
رجعات نظراتها الحادة لعينيه السود وحنيكاتها المطيبزين حمرين بحال مطيشة...."أنا البندورة الحمراء مزروعة بين الخضرة تاكل مني لا تشبع وتصير خدودي حمراء وتصير خدودي حمراء🍅" ونطقات معلية حاجبها و مخنزرة.... عبير: دادي عرقتي بزاف فنعاسك خصك ضروري دوس (دوش).....
نزل عينيه كيشوف فحالتو فالوقت لي هي وقفات وبدات تجرو من يديه... عبير: وقف أدادي خصك دوس (دوش) ضروري نت عارفني عندي حساسية من الروائح الكريهة..... (قالتها بصعوبة وفي نفسها كتقول: واش من نيتي ريحتو كتحمق).....
بدى كيشم راسو ولكن ماكانت حتى ريحة من غير رائحة عطرو الفاخر.... لكن بغا يدير ليها خاطرها أو وقف غادي ناحية الباب حتى جراتو مرة أخرى من سروالو وعنقاتو من رجليه بحكم أن طولها لا يقارن بطوله أبدا هي مزالة قد القملة كيف قالت فتون.....
#يتبع......... بأنامل: رباب نجمة🔥🌪️ كيف جاكم الجزء نكمل ليكم على هاد النحو ؟ ❤😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
