روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: حــب ســرمـــدي🔥
الجزء 75:
بقات عبير مسمرة في مكانها بقلب كينبض بسرعة ومشاعر مختلطة، أنفساها مخربقة وجسمها فقد قدرتو على التحرك، كأنها مخدرة......
رفعات يديها بصعوبة لفمها واضعاها ببطئ بملامح حائرة.... لكن سرعان ماتحقنوا عويناتها بالدموع...طالقة العنان لدموعها وماسحة فمها بعنف، تكلمات بإستياء.....
عبير: علاش حط فمو على فمي هئ هئ ماشي من حقو.....هئ هئ حقييير...
وقفات بالمهل كتقدم نحو النافذة الزجاجية بانت ليها شي حاجة مرمية فالأرض...قطبات جبينها وتحنات هزاتها، كانت دمية خاصة بالبنوتات الصغار.... حققات فيها الشوفة ونطقات بعبوس.....
عبير: باينة غاتكون ديال ديك البنيتة، معقول تكون ختو ؟ مكيتشابهوش نهائيا..... زعما تكون كتمتالك نفس طباع خوها... واحد طاغي ومتسلط وكيتكلم بوقاحة وثايق فنفسو حتى ماقداتو الأرض.....
حطات الدمية على الطاولة الزجاجية ورجعات خرجات للشرفة كتستنشق هواء نقي، حتى لمحات من جديد نفس ديك البنيتة كتلحب حدى المسبح وفجانبها جالسة المربية كتكلم في الهاتف.....
بقات متبعة حركات ديك البنيتة حتى علات عينيها فيها أو توقفات عن اللعب كتبادل نفس النظرات لعبير.....فجأة قطبات حاجبيها بتخنزيرة وبسرعة جرات بإتجاه آصف لي كان جاي ناحيتها..........
قرب آصف من الصغيرة سلمى ونطق بحب كبير....
آصف: بنتي الزوينة كيف دوزتي النهار تهلات فيك طاطة ليلى ولالا ؟
رفعات البنت راسها بالإيجاب مع إبتسامة عذبة بلاما تحرك شفايفها بحتى كلمة......
فحين آصف تكلم مداعب شعرها الأشقر الحريري ناطق....
آصف: تبارك الله على حبيبة ديالي....كملي اللعب ديالك حدى طاطة ليلى وأنا غانمشي نكمل الخدمة الفوق وخا حبيبة......
حركات راسها مرة أخرى بالإيجاب وبدات كتلعب من جديد فور مامشا آصف..... لكن الغير متوقع هو لحاق المربية بيه بلاما تشوف ناحية الصغيرة سلمى......
بقات سلمى كتلعب بهدوء وعبير كتراقبها من الأعلى وكتتذكر ذكرياتها الطفولية..... لكن فجأة بانت ليها البنيتة الصغيرة وقعات في المسبح بلاما ترد بالها بسبب الكرة لي مشات ليها وطاحت في المسبح.....
بقات البنيتة كتخبط بيديداتها بلاما يصدر منها أي صوت....ماتنكرش عبير أنها استغربات من عدم صراخها.....
بسرعة خرجات عبير من الغرفة ونزلات حافية القدمين مسرعة لناحية الحديقة بالضبط للمسبح....غير وصلات وهي تشهق بخفوت فاش شافت كتلتاقط أنفاسها الأخيرة كتصارع الغرق......
#يــ__ــتــ__ــبــ__ع...بأنامل: رباب نجمة 🔥🖤 خلي رأيك فالقصة وتوقعاتك وديري نجمة وماتنساوش توصلوا هاد لي بارتي ل 30 نجمة باش نحط التتمة.......... مالقيتهاش مغانحطش بكري ! نتي مع علاقة آصف وعبير ولا عبير وآرسلان واش كظنوا بهاد السهولة عبير غاتستسلم وتنسى حبها ليه وهي عايشة غير على قبلو أنا بعدا مكانظنش حيت هي من صغرها كتبغيه مستحيل تقدر تنساه حيت نسيانو غايكلفها حياتها ⛔🖐🏻 الا لقيت رأيك نقدر ندير بيه 🚧🥱 بون دودو كبيدات❤
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
