روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 28:
وضعات شفايفها بهدوء على شفايفوا في قبلة سطحية دامت لبضع ثواني وبعدات عليه بهدوء محاصراه بنظرات إعجاب، مراقبة تفاصيل وجهو وملامحو المصدومة....
رمش عدة مرات كيحاول يستوعب شنو طرا دبا....واش فعلا زادت من تمردها وقبلاتو ماكفاهاش أنها اعتارفات ليه بحبها بل زادت قبلاتو من الفوق....
بعد منها بهدوء وتمهل وبلاما ينطق بحتى حرف توجه لمكان السياقة وسد الباب بعنف منطالق بسرعة كبيرة خلاها غير موسعة عينيها بعدم فهم.......
وصل للڤيلا ونزل غادي بإتجاهها...خرجها بقسوة من السيارة وتمشى بيها ناحية الممر....قطبات حاجبيها فاش حسات بالألم فيديها إثر الطريقة العنيفة باش شادها... نتافضات منو وتوقف كيشوف فيها بهدوء رافض يضعف أمامها أو يبين أي ردة فعل تقدر تخليها تعلق آمال وهمية....نطق بهدوء وبنبرة قاسية على قلبها الرهيف....
آرسلان: تصبحي على خير مراتي كتسناني......
شهقات عبير ناطقة بعتاب على شوية وتنفاحر باكية... رفعات يديها لي كترعد لخدو الأيمن ولكن ماكان منو غير النفور والتجاهل....
عبير:علاش كدير فيا هكا ؟
عقد حجبانو ونظراتو كانت ثاقبة كيحاول يتصنع القسوة والجمود فحين أن قلبو كيتقطع بدموعها....
آرسلان: ونتي ماملاحظاش شنو كديري ؟ راكي كتغلطي أ عبير غلط شنيع مكيتغفرش....
تنهد بعمق ومد يديه لحنيكاتها المطيبزين ومررهم بحنان ناطق بجدية.....
آرسلان: أنا فاهمك وحاس بشنو كتمري بيه، ولكن أنا وياك مستحيل تكون بيناتنا شي حاجة حيت ببساطة علاقتنا مايممنش تعدى علاقة أب مع بنتو...
دلات شفايفها بعبوس ودموعها ماحبسوش....غير كترعد خايفة من شنو كيوقع... ماعندهاش القدرة تتحمل رفضو.... هي عشقاتو من لما كانت صغيرة وحلمات بزاف بهاد النهار لي غاتعتارف ليه ماعندهاش إستعداد تخسرو فنفس هاد النهار......
عبير: نت كتكذب أنا متأكدة أنك كتبغيني وإلا علاش غاتعطيني إشارات كتبين على أنك كتبادلني نفس العشق لي كنحس بيه من جيهتك......!!
شاف فيها بهدوء كيتأمل في تفاصيلها الأنثوية الساحرة ورموشها الكثيفة المبللة بدموعها النقية..... تهز قلبو وتكسرات نفسو على حالتها ولكن ماعندوش حل أخر من غير أنه يخليها تفهم بلي الحب بيناتهم مستحيل......
آرسلان: سمعيني أعبير أنا راجل مزوج ومن الفوق أنا الراجل لي رباك واش معقول تحسي من جهتي بشي حاجة...غادي تنساي هاد المشاعر مع الوقت وكلشي غادي يتحل وغاتلقاي الإنسان لي غايبغيك وتبغيه.....
مرر أطراف أصابعه على خدودها المحمرة والمبللة ونطق بحب....
آرسلان: نتي بصح مميزة ولكن.....!!
غززات أسنانها بكره وسلتات يديها منو بنفور هاتفة بقسوة وفأذانها كتردد غير كلمة "أنا مزوج".....
عبير: ولكن علاش ماختاريتينيش أنا، علاش!! ختاريتيها هي هئ هئ....
تنهد بحرقة وقلبو كيغزل ماقادرش يتحمل يشوفها فهاد الحالة ماكرهش يقرب منها ويعنقها بالجهد، يسكتها في حضنو وينسيها فشنو كيوقع ولكن مايقدرش.....نطق بهمس مكسور....
آرسلان: عبير عفاك خلينا نرجعوا كيف كنا بلاما تعقدي علينا الأمور....
إبتسمات بسخرية مرجعة شعرها للوراء بعنف وعينيها كدرف دموع كثيرة وقلبها كينبض بعنف....
عبير: وكفاش كنا همم...!!
نطق بحروف رجولية وبنبرة باحة فيها نوع من الإنكسار والألم....
آرسلان: وقفي عفاك ماديريش هكا فيا أعبير.......
انهارت بالبكاء وراسها عاطيها الصداع ماكرهاتش تقتل راسها أهون ليها من أنها تسمع رفضو.....
عبير: ما أنا كنحاول ولكن ماقدرتش...ماقدرتش نتوقف على حبي ليك أ آرسلان أنا كنبغيك وغادي نبقى كنبغيك طول ما أنا عايشة......
غمض عينيه بقلة حيلة وقرب منها لدرجة حس بأنفاسها السخونة كضرب في عنقو، مسك بيديها فاتحها وحط فيها شي حاجة باردة ورقيقة قدرات تحس بيها ونطق بخفوت وبصعوبة....
آرسلان: نساي هاد الحب عفاك....
نزل بشفايفو بالقرب من شفايفها المنفوخة وقبلها بهدوء ونساحب من أمامها متجه لغرفتو لي كتجمعو بفتون أمام نظراتها...مخلي قلبها مكسور وأمالها محطمة.........💔
#يـتـ__ـبـع....بأنامل: رباب نجمة 🔥🖤
فينكم 🙄
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
