روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: مُــعَـــذّبِــي🔥
الجزء 46:
حرك راسو بالإيجاب وقرب منهم كيحاول يخفي صدمتو وتكلم بصوت مبحوح....
آرسلان: شنو كاين......!!
تكلمات الخادمة واضعة يديها على قلبها وكتنطق بصعوبة....
الخادمة: بصراحة أسيدي مكاين مانخبي عليك اليوم كنت دايزة من حدا الباركينغ ديال الطموبيلا وهي تبانلي الطموبيل دلالة عبير مفتوحة وفاش قربت نشوف شنو كاين لقيت الشانطة ديالها دالحوايج مليوحة قدام الباب و......
خرجات منديل بيض من جيبها ومداتو ليه ونطقات مكملة كلامها.....
الخادمة: ولقيت هذا حتى هو أسيدي وفيه ريحة فشي شكل.....
شافت في السائق كتغمز ليه باش يسايرها في كلامها....
الخادمة: ياك أعمر هادشي لي كاين......
تكلم عمر بإرتباك كيحرك راسو بالإيجاب....
عمر: أه أسي آرسلان هادشي لي قالت حليمة بصح......
حرك آرسلان راسو بالإيجاب ملتقط داك المنديل بين يديه ونطق بخفوت....
آرسلان: تقدروا تمشيو شكرا ليكم.......
خرجوا الخدم وبقا آرسلان بوحدو غارق وسط صدمتو وعينيه على داك المنديل....ماترددش باش يشك بلي شي حاجة خايبة وقعات لمدللتو.... هز الهاتف بسرعة البرق كيصوني ليها وقلبو كيدق بسرعة.......
عند أوس كان جالس في المكتب ديالو واضع رجل على رجل كيلعب بطيليفونها بين يديه حتى تشعل كيصوني.....زير على قبضة يديه بغضب فاش طلعليه شكون المتصل "دادي❤️"......
إتجه بخطوات ثابتة بإتجاه الغرفة فين حابسها وفتحها كيقلب عليها بعينيه بانت ليه مفزوعة وقربات منو كتكلم بالغوات......
عبير: خليني نمشي بحالي علاش حابسني هنا أعديم الضمير، خليني نمشي ولا والله حتى ندمك على النهار لي فكرتي تخطفني........
حط سبابتو على فمو ناطق....
أوس: شوووت مابغيتش نسمع لصداعك دبا،.....
رفع الهاتف أمامها وبان ليها شكون المتصل لمعات عيونها بفرحة ومدات يديها باغا تلتاقط الهاتف ولكن فأخر لحظة كان خطفوا مبعدو.....وتكلم ببحة رجولية مميزة.....
أوس: لالا ماشي بهاد السهولة حتى نتافقوا بعدا على شنو غاتقولي حسن ما نغلط فيك ألغزالة........
خنزرات فيه ونطقات بغضب كون صابت كون غززاتو بسنانها ولا تصبر ليه...
عبير: شنو بغيتي مني......
مد ليها الهاتف ونطق بهدوء....
أوس: غاتقولي ليه بلي نتي بخير وما يعاودش يصوني عليك مرة وحدة أخرى وإلا لي غاندير فيك مغانعاودوش ليك........
حركات راسها بالإيجاب وخدات الطيلي بين يديها وجاوباتو كتلتاقط كلماتو لي جات وحدة مور وحدة......
آرسلان: حبيبة ديالي واش نتي بخير علاش ماكنتيش كتجاوبي فينك نتي دبا ؟
إبتسمت بهدوء وهي كتشوف في أوس كيشوف فيها بديك الإبتسامة المستفزة.... ونطقات معلية حاجبها وبنبرة مستفزة....
عبير: مخطوفة.....
مع قالتها مع حسات بيدين أوس تطراسات في حنكها بحال الضوء شحطها.... مشات الدنيا وجات بيها من حر الألم لي حسات بيه.....
ترمى الهاتف في الأرض مهرس ونطق أوس بصوت قوي.... غارس يديه في شعرها....
أوس: كتحدايني ألعاهرة أممم إوا أنا غانوريك أوس علاش قاد....
هز يدو حتى للسما ضاربها للحنك لاخور ومن بعد بدا كيضرب فينما جات....تغرغروا عينيها بالدموع وصوتها بح من قوة ماغوتات ولا هو بغا يرحمخا ويبعد.....
عبير: الله يعطيك مصيبة ألشماتة أي الله ياخد فيك الحق......
هز رجليه حتى للسما وضربها الكرشها مخليها مغيبة في آلأرض وخرج بهدوء من الغرفة كأنه مادار حتى حاجة.......
أوس: باش تعلمي تتحدايني.....
#يتــ___ــبع..... بإنامل: رباب نجمة ❤️🔥البنات راني غارقة في الحفاظة دعيو معيا مابقا والو على الإمتحانات ❤
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
