روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: مُــعَـــذّبِــي🔥
الجزء 43:
وقفات بالمهل غادية ناحية الحمام، خدات وقتها وخرجات كتغير ملابسها وفجأة سمعات صوت الدقان في الباب....سمحات بالدخول ودخلات براءة بحلتها الجميلة مبتسمة كيف العادة....
براءة: صباحك مبروك أزين.. كيف صبحتي....
إبتسمت ليها فتون بتعب ناطقة...
فتون: كيف غانصبح ؟ تعيسة كيف العادة....
عبسات براءة ملامحها ونطقات بتعجب....
براءة: لعني الشيطان ياهاد البنت مالك ثاني.....
بعدات عليها فتون ونطقات معلية راسها للسماء وكتراقب الحديقة من خلال النافذة ناطقة بجمود....
فتون: والو غير ماحاساش براسي مزيان مهم أنا خارجة دبا تا لمن بعد ونهضروا......
إبتسمت ليها براءة وخرجات ونفس الوقت تبعاتها فتون ولكن مع حقيبتها ناوية تمشي وماتوليش......
أما في مكان أخر وفي غرفة سوداء، مخيم عليها الظلام فتحات عينيها بصعوبة كتحاول تفكر فين هي.... تخلعات فاش سمعات باب الغرفة كيتفتح وظهر منو رجل طويل وعريض شيئا ما وملامحو غامضة وعينيه لونهم ماشي طبيعي نهائيا....... بتسريحة رجولية أنيقة مع وشوم على جسمو.....عقدات حجبانها ورجعات للوراء وشعور الخوف والرعب غادي وكيتدفق داخلها...... وأكثر من لي حسات بخطواتو كتقرب ليها......ماحسات غير بيدو الخشنة مزيرة على يديها الناعمة ناطق بحدة.....
أوس: مرحبا بك ألغزالة... عبير الصغيرة.....
بعدات يديها من يديه ونطقات بضيق وغضب....
عبير: بعد مني حسن ليك ومنين كتعرف سميتي أصلا......
ابتسم بمكر وجرها عندو من خصرها ناطق بخفوت......
أوس: أنا كنعرف النملة إلا ولدات بقات غير قملة بحالك تخفى عليا تفاصيلها وأسرارها.......
حرك يديه بإثارة على خصرها النحيف وإبتسامتو بدات كتوسع أكثر فاش شافها كفاش مصدومة فيه وبدا كيشوف فشفايفها لي كيترعبدوا بخوف كيبانوا مغريين بحال حبات الكرز.....قرب منها باغي يتذوق شفايفها المنفوخة ويوضع عليهم قبلة مجنونة في أقرب وقت.....
وقبل ماينفذ الفكرة لي جات فبالو رجعات اللور دافعاه شي لي جننو وثار عصبيتو فحين هي نطقات كاسرة الدنيا بغواتها.....
عبير: أشنو باغي دير ألكلب والله ومابعدتي مني حتى تشوف هاد القملة بشكل أخر.... والله حتى نغززك بسناني......
رمشات بتوتر ونطقات بغضب مكملة كلامها.....
عبير: شنو بغيتي مني علاش جبتيني هنا........
إبتسم بهدوء مستمتع بغواتها وفلحظة خنزر فيها عاقد حجبانوا......
أوس: وفري طاقتك لمن بعد ومن الأحسن تجلسي عاقلة ولا غاتشوفي الوجه لي مغاتطيقوش خاطرك.... أنا جبتك هنا باش تولي عبدة عندي ندير فيك لي بغيتك ونتي مغايكونش عندك الحق تشكاي ولا تقولي لا فهمتي.......
ضحكات بصوت مسموع وعينيها كيشوفوا لبعيد كترمش وتعاود ورجعات شافت فيه....
عبير: كتحلم أسي.....عمرني نركع ليك ولا نخضع لأوامرك التافهة وكنفضل نموت على أنني نجلس عاقلة وساكتة........
بادلها الإبتسامة بوحدة أخرى ساخرة ونطق قبل مايخرج.....
أوس: إوا دبا نشوفوا.............
شافت فيه بنظرات حارقة ونطقات بهدوء قبل ماتبتاسم...
عبير: اللعنة عليك......
خرج مخليها كتفكر فشنو غادير وفين حاصلة....أشنو هادشي لي كيوقع في حياتها من مصيبة لوحدة كفس منها.............
بقات جالسة كتفرك فيديها بتوتر وكتفكر في آرسلان وشنو كيدير دبا وعقلها مشوش.....وقفات كتمشي وتجي بإستياء وقلبها مامطمنهاش من هاد الشخص لي بان في حياتها على غفلة..... هي فين ؟
#يتـــ__ــبع.......بأنامل: رباب نجمة🔥كيف جاوكم أجزاء الليلة بغيت أراؤكم حبيباتي وبغيت نقوليكم فتون دارت الصواب حيت إلا بقات معاه غاتبقا تشك فيه دائما وخا هو حاول يحافظ على زواجهم وجرا على عبير ولكن فتون مافهماتش هادشي وغادي تبقى ديما تشك فيه🖤 وكيف جاكم أوس..
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
