روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 21:
أما في الغرفة الخاصة بأمال ذات الملامح الغاضبة لابسة لباسها المعتاد عبارة عن سروال ضيق بارز مؤخرتها المنحوتة وسيقانها الطويلة مع قميص فالأحمر بالكاد مفتوح بحيث مبين الفتحة الواسعة ديال ثيدييها لي ماملبساش ليهم حمالة الصدر......
رجعات خصلات شعرها القصير وراء وذنيها باش يبان الوشم ديالها وتكلمات بغيض أمام ديك الخادمة الضعيفة لي حادرة راسها بقلة حيلة غير كتسمع والخوف باين فعينيها.....
أمال: أشنو ندير فيك دبا دوي أقليلة النفع، حتى حاجة مكتعرفي ديريها بحال سيادك.... حاجة بسيطة ساهلة أعباد الله ماعرفتيش ديريها مقادة.....
قربات منها جابداها من شعرها حتى تغرسوا ظفارها فجلدة دراسها..... غوتات بألم وفنفس الوقت كتحاول تبعد يديها من جلدة دراسها......
أمال: زيدي غوتي باغا تفضحينا....
تكلمات الخادمة والدموع تجمعوا في عينيها كتحاول تفك راسها من يدين هاد السامة....
الخادمة: عفاك ألالة مارخفي من شعري وخليني نشرح ليك......
زادت شدات على قبضة يديها حتى تقلعوا شي زغبات من راس الخادمة وتكلمات أمال بغضب أكبر.....
أمال: أش مزال غاتشرحي ليا أقليلة النفع، واش عارفة شنو كنتي غاديري بقلة إهتمامك آدوي الحمد لله لي خويا مشا مع عبير يبات معها أما كون مشا لبيتو ونعس مع ديك اللفعة أكيد كانت غاتحمل وديك الساعة كنت غاندبحك ونتهنى من خليقتك ألفنيانة......
دمعات عينيها بألم حاسة بلي شعرها طار ومحال يرجع ينبت من جديد إلا ماعطباتها غادي تخليها قرعة مما لا شك فيه..... تكلمات بنبرة إنكسار ويديها كيرجفوا ماقادراش تعتق راسها من بين يدين أمال المتسلطة.....
الخادمة: راه والله مادرتها بالعاني أقسم بالله ماكان بيدي شي حاجة... الخدم كانوا كثار والعين كانت عليا خفت نجبد الدوا باش نديرو للالة فتون فطبسيلها ويشوفني شي حد وديك الساعة غانتفضح أنا وياك وغايوقع مشكل كبير......
طرشاتها أمال حتى سال دمها وتلاحت مرمية فالأرض وقربات منها ضاغطة بصباطها ذو الكعب الحاد على يد ديك الخادمة حتى قالت صافي يدي طارت..... وتكلمات مزيرة على فكها بغضب والشرار كيخرج من عينيها بحال المجمر لي زند ومستعد يحرق أي حاجة قربات حداه.......
أمال: أولا هاداكشي كيبقى شغلك نتي يشوفوك ولالا أنا لي كنعرف المهمة تنفذ مكنخلصكش باش تعطيني هاد الأعذار التافهة فهمتي (زادت ضغطات على يديها حتى تأوهات الخادمة بألم) وثاني حاجة ماسميتهاش لالة فتون ألكلبة مانسمعكش مرة خرى ذكرتي سمية ديك اللفعة قدامي (زادت ضغطات حتى سال الدم من يديها وتجرحات) وثالث حاجة جربي تجبدي سميتي فهاد القضية لسانك غادي يتقطع من الجدر غير جربي وغاتشوفي لالاك أمال علاش قادة غادي نمحيك من الدنيا ونتبع ليك بنتك الغزالة فكريني أش سميتها أه تفكرت رانيا.....
ابتسمات بخبث ناطقة بخفوت....
أمال: رانيا، مسكينة مشللة ومكتقدرش تقضي أسهل حاجياتها تخيلي معيا يغتاصبوها بزاف ديال الوحوش أي قلبي وخزني ومجرد أني تخيلت المشهد ضرني قلبي.......
بدات كتبكي الخادمة حتى تلطخوا حناكها بالكحل ويديها كتنزف وكترجف بالخوف، بنتها هي لي عندها فهاد الدنيا وإلا أداتها هاد الشرانية أش بقالها...تحدرات كتبوس رجلين أمال لي كتبتاسم بشر.....
الخادمة: عفاك ألالة مارحميني والله مانعاود بنتي هي لي عندي ومكنتيخلش حياتي بلا بيها أصلا هي الدافع الوحيد لي خلاني نخدم معاك باش نقدر نشري ليها الدواء هئ هئ عفاك ألالة سامحيني غير هاد المرة وتيقيني عمرني نخطي الدواء للالة (وقفات قبل ماتنطق اسمها وتندم ثاني) لديك المرأة........
بعداتها أمال برجليها مقبحة سيفتها وبعدات كتمشا بإتجاه الشرفة مخليا الخادمة من وراها كتبكي الدم عوض الدموع.....إبتسمت بهدوء ماقبل العاصفة ونطقات معلية حاجبها كتوعد بالأسوء.....
أمال: فتون، غاتندمي بزاف على كل موقف خايب عشتو بسبابك غاتندمي حيت بسبابك تحرمت من أبسط الأشياء حتى من الرجال لي دخلوا لحياتي بسبابك ضاعوا مني تسحروا بيك ألفعة وخلاوني أنا فالأول ناصر ودبا أمين... أمال غاتعيش حياتها غير باش تهدم حياتك وخويا غير نسايه حيت عمرك غاتهناي معاه غادي تندمي بزاف غير تسناي غانخليك دبا تحرمي من شي حاجة سميتها الأمومة ومن بعد غانخليك تحرمي من حب حياتك........
لوحات بيديها فالهواء ونطقات بصوت مرتفع....
أمال: نوضي جمعي عليا وسخك وخرجي عليا من بيتي هاد المرة دويت والمرة جاية غادي نخليك تندمي أقليلة النفع.....
خرجات الخادمة بسرعة وقلبها كيضرب بوتيرة متصاعدة...فور ماخرجات بدات كتدعي فيها بأسوء الأدعية على الله ترجع غير شوية من كرامتها لي مسحات بيها الأرض.......
#يــ__ــتــبــع..... بأنامل: رباب نجمة.....❤💎 خلي رأيك وإنتقادك وتوقعك وديري إشهار زوين للقصة حبيبتي طاب مساؤك..... التتمة في المساء
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
