روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: مُــعَـــذّبِــي🔥
الجزء 53:
خرجات فتون من تما حاسة بالقليل من الإرتياح واتجهات بسيارتها لشقتها الجديدة......دخلات بهدوء وحيدات معطفها وحدائها وتمشات للمطبخ تقاد ليها قهوة...وتقابلات مع النافذة الزجاجية كتراقب الشوارع من خلالها..........
بقات كتراقب بهدوء وفصمت مريح، راوداتها بعض الذكريات لي فضلات تخليها من وراها بلاما تلتافت ليها ظنا منها أنها قادرة تنساها....لكن كانت غالطة حيت بقات راسخة فعقلها وقلبها.... من الصعب تهجري الرجل لي بغيتيه من كل قلبك ولكن لي صعيب أنك تكتاشفي أن البنت لي كانت كتعتابر راجلك بحال باباها طلع كتبغيه بل كتعشقو......فضلات فتون تنساحب على أنها تزيد تتعذب....إنسحبات من هاد الحرب بعدما هي لي شعلاتها......
رجعات وقفات من جديد كتخطي بتباث متوجها لغرفتها الواسعة لي كتعبر على الهدوء والسلام من خلال ألوانها الفاتحة المختلطة بين اللون الأبيض و الأخضر.......تمشات بإتجاه الحمام فتحات الصنبور وغسلات وجها من تعب الخرجة ديال الصباح... ورجعات خرجات كتمسح وجها في الفوطة القطنية........
ترمات على سريرها مغمضة عويناتها وكتنفس براحة وبالها في شنو غادير من دبا الفوق.... حياتها تغيرات شيئا ما فاش تجردات من حياتها القديمة ومن ذكرياتها مع الشخص الخطأ في نظرها أو يمكن كتحاول تقنع نفسها بلي هو الشخص الوحيد المذنب في القصة.... رغم أنه دار العديد من المحاولات باش يرجعها ويراضيها لكن هي اعترضات وفضلات تكون حرة طليقة وتفسخ العقد ديال الزواج لي كيجمعها بيه..... مزالة عاقلة مزيان على ديك الليلة وشنو وقع فيها.... ماعمرها غاتقدر تنساها وتنسى شعور الندم لي حسات بيه أنذاك........
🔥✨فلاش باك✨🔥
خرجات من الحمام لابسة فستان أسود قصير مبين جسمها النحيل وتفاصيلها المغرية ونصف صدرها بارز بشكل واضح كأنها عاهرة من عاهرات مدينة باريس.... جلسات على حافة السرير مخلية سيقانها العارية والفاتنة تبان بإغراء وأي شخص غايشوفها غايتمنى لو يدوز معها ليلة حمراء.... لبسات كعب عالي باللون الذهبي....وشافت في المرآة كتراقب تفاصيل وجها.....شفاه بارزة بإغراء إثر الحمرة الداكنة لي واضعة مع القليل من اللمعان.....وخدود حمراء مرفوعة......عينين زرقاويتين مع كحل داكن.......
خلات شعرها المموج مطلوق بإنسياب على كتيفاتها العريانة....كانت هادي المرة الأولى لي غاتكون جريئة في طريقة لبسها..... حسات بنفسها جميلة وتقدر تخلي أي واحد يذوب في جمالها.... غير أن شي حاجة في الداخل ديالها كانت مانعاها من أنها تخرج بهاد الشكل.... لكنها ماعطاتش أهمية لداك الصوت الداخلي البريئ فاش سمعات صوت هاتفها كيرن.......خرجات بهدوء من الشقة بعدما طفات الأنوار.......
في مطعم فاخر بجنب البحر....مطعم معروف بموقعو الإستراتيجي وبالزوار لي كيجيوه من كل بلاصة في فرنسا وحتى من خارج فرنسا.... مطعم مشهور بأكلاتوا الشهية وخاصة منها أطيب وأجود أنواع السمك.... إلى جانب خدمة العملاء المتقنة وطريقتهم اللبقة في تلبية طلبات الزبناء......
دخلات بخطوات متوازنة وأنثوية مخلية جميع الأنظار تتسلط عليها كأنها العرض المهم لي كانوا كيتسناو يشوفوه......
كان كلشي كيراقب ديك الفاتنة فين غادي تجلس ومعامن لكن تفاجأوا فاش شافوها جلسات وحيدة.... لكن بقاو مكملين مراقبتها ظنا منهم أنها كتسنى فحبيبها يجي.....
إبتسمات عيون بعيدة بسخرية وهي كتراقبها بحدة....كيراقبها بعيون مظلمة ومخيفة......رمش بإنزعاج فاش حس بأنامل رقيقة تحطات على كتافوا مضيعة عليه فرصة مراقبة تلك الجميلة لي كتجذب الأنظار....... رفع عينيه لناحية الشخص باش تبان ليه فتاة بلباس مكشوف وماكياج ثقيل... ماخداش منو الأمر بزاف دالوقت باش يفهم بلي هي عاهرة من عاهرات المطاعم.......
#يــ___ــتــ__ــبــ__ـع....... بأنامل: رباب نجمة 🖤✨
شكون فنظركم هاد الشخص المراقب لفتون؟🔥
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
