رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الثاني: حــب ســرمـــدي🔥
الجزء 70:
خرج هو من الغرفة ويديه كتلعب بالساعة اليدوية القديمة لي كتعتابر الميراث الثمين ديال عائلتو واليد الأخرى مخشية في الجيب...... وصل للصالة وخدا مكانو متكي بشكل أنيق واضع رجل على رجل خاشي الساعة فجيبو وشعل السيگار مرة أخرى كيدخن ونطق بصوت جوهري باح...... آصف: تفضل دكتور مصطفى كنسمعك دبا.......
إبتسم الدكتور لي أمامه إبتسامة جانبية صفراء واضع الحقيبة ديالو الصغيرة بجنب رجليه ونطق بصوت منخفض..... الدكتور: البنت فحالة خايبة بزاف، عندها مشاكل نفسية متراكمة من صغرها للآن.... بلا الحالة الجسمانية المزرية.... الجسم ديالها خصو الراحة على الأقل واحد الخمسطاش اليوم أما بالنسبة لنفسيتها كنظن أنها تعرضات لشي صدمة قوية كملات عليها.... على العموم البنت كتعاني من واحد المرض نفسي قدما بسيط قدما خطير ومقلق وخصها تتعالج منو فأقرب وقت وإلا غاتآدي راسها والناس لي ضايرين بيها.......
إستغرب آصف من كلامو نافخ بقوة الدخان من فمو مقطب حاجبيه بإستفهام........ آصف: شنو هو هاد المرض ؟
نطق الطبيب بهدوء وهو كيشوف في الدفتر الطبي لي بين يديه باش يعطيه معلومات صحيحة حول الحالة ديالها...... الدكتور: النرجسية ولي هي إضراب نفسي لي يقدر يقيس جميع الفئات العمرية وكيعني حب النفس أو الأنانية، وهو إضطراب في الشخصية حيث أنها كتميز بالغرور والتعالي، والشعور بالأهمية ومحاولة الكسب ولو على حساب الآخرين......يعني أن هاد البنت إلا مشات حتى بغات شي حاجة ممكن دير المستحيل باش توقع وخا تآدي ناس أخرين ويمكن توصل بيها للإنتحار.... بزاف دالناس كيجهلوا هاد المرض ومكيعطيوهش أهمية كبيرة لكن تأثيروا على شخصية المريض ممكن يكون خطير للدرجة لي توصل بيه يدير شي أمور ماتجيش على البال.......
طفا آصف السيگار في الطفاية وتقاد في الجلسة ناطق بجمود..... آصف: واش هادشي كيبان بشكل ملحوظ في شخصيتو.....
حرك الطبيب راسو بالإيجاب ناطق بجدية.... الطبيب: طبعا كيبان ولكن في حالة هاد البنت الأمر ماخاطيرش لديك الدرجة حيت نقدروا نتحكموا فيه.....
حرك آصف راسو بفهم وعينيه مصغرين فالطبيب وتكلم بصوتو الجوهري ذو البحة المميزة..... آصف: وشنو الحل في هاد الحالة؟
مد الطبيب الورقة لآصف ناطق بهدوء.... الطبيب: هادوا بعض الأدوية مع التوقيت لي خص يتخادوا فيهم غادي يساعدوها باش تحكم في مشاعرها وفي شخصيتها ومع الوقت غاتولي أفضل بكثير بحيث أنها غاتولي تفكر بطريقة إيجابية...... يعني بلاما تخلع بزاف حيت البنت مكتشكلش خطر على بنتك.... البنت ممكن تولي عنيفة غير فاش كيتعلق الأمر بممتلكاتها الخاصة.......
وقف الطبيب وكذلك آصف لي نطق بخشونة مصافح الطبيب.... آصِف: شكرا ليك دكتور مصطفى..... الطبيب: هذا واجب سي آصف خليتليك الراحة والله يجيب الشفاء.......
هز آصف راسو بالإيجاب وسها في نقطة بعيدة كيحاول يستوعب مزيان كلام الطبيب.....
#يــ__ــتــ__ــبــ__ع...... بأنامل: رباب نجمة 🖤🔥 عبورة مريضة دعيو معها هههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
