رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 18:
هزها بين يديه طالع بيها تحت أنظار الجميع غافل على نظرات فتون الحقودة والغاضبة..كون كانوا قرطاس كون شتتاتهم......غززات سنانها بغل وخرجات للجردة يضربها البرد وتبرد النار لي شعلات في قلبها... كانت غادية مزيان كتقرب من آرسلان حتى خرجات في طريقها هاد البنت... غادي تحمقها......
دخل بيها لغرفتها وحطها ففراشها واتجه للحمام كيقلب على علبة الإسعافات الأولية... رجع عندها هي لي كانت مزالة في مكانها بديك الكسوة المكشوفة.... بلعات ريقها فاش خدى يديها المجروحة بين يديه ناوي ينظف جروحها ويعقمها.... إبتسمت مخدرة من لمساتوا الحنونة ونطقات بخفوت.... عبير: كون عرفت هادشي غايوقع كون درتها قبل مانشوفك معها.....
بللات شفايفها فاش وعات على راسها وشافت لبعيد كترمش بسرعة... عضات على شفتها السفلية ماعارفاش بلي بهاد الحركة حيات إحساس ياما حاول يكبحو..... دار براسو ماسمعهاش وكمل تنظيف جروحها... وفور ماكمل رفع يديها مقبلها بحنان ونطق مع إبتسامة جانبية.... آرسلان: غادي نخليك دبا ترتاحي وغدا غاتولي حسن إن شاء الله بغيتك ترضي البال كثر لراسك حيت إلا تألمتي نتي أنا غانتألم أضعاف......
قرب منها مقبل جبينها وقبل مايمشي دارت براسها كتوجع وكتنين بألم مصطنع...... عبير: ماتمشيش أدادي عفاك بقا معيا توحشت نعس في حضنك وزايدون يدي كتحرقني بلا قياس على الأقل نلقا فاش نبرد الألم......
ابتسم بعذوبة وبإعجاب شديد بدلالها وغنجها..... آرسلان: ياك باغا تبرديه في دادي ماحشمتيش....
حركات راسها بالنفي وعينيها لامعين ببريق خاص، بريق الحب والهيام...... دلات شفايفها وطلعات فوق سريرها دايرة بلاصة حداها وجراتو من يديه ناطقة.... عبير: بليييز خليك معيا هاد الليلة....
قرب حداها مخشي معها فالفراش وخدا راسها حاطو على صدرو العريض....بقاو مدة على ديك الوضعية حتى بدا كيغمض عينيه.... حلهم بسرعة فاش حس بأناملها كتفتح أزرار قميجتو وأظافرها الطوال كيتساراو على جلد صدرو الفولاذي نزولا لعضلات كرشو..... حس بقشعريرة سرات في سائر جسمو.... وبعد يديها بهدوء ناطق.... آرسلان: نعسي أعبير مابغيتش نتأكد من شكوكي....
حرك راسو بلا حول أو تجلس كيتسناها تجلس في الوضعية لي تناسبها....حتى صدماتو فاش قربات منو كتفتح ليه أزرار قميجتو حتى حيداتها ليه رامياها فالأرض أما هو بالصدمة ماعرف مايدير..... نطق بإرتجاف.... آرسلان: شنو كديري ؟
حركات راسها بالنفي وعينيها لامعين كيشوفوا مباشرة فعينيه كتلقي عليهم سحرها الخاص.... عبير: بغيت نحس بيك هادشي لي كاين.......
قربات منو مخلياه يرجع ينعس ورجعات توسدات صدرو العريض وأناملها رجعات كتلعب في صدرو من جديد.... هي مكدير حتى حاجة غلط، هي كتبغيه شنو ذنبها إلا كان كلشي كيحسابلو هو باباها فالوقت لي هو وهي عارفين مزيان بلي علاقتهم خدات منحى أخر......
أما في الأسفل كانت فتون كتمشي وتجي بعصبية في الجردة حتى حسات بشي شخص من وراها غير ضارت وهي تفتح عينيها على وسعهم وقبل ماتغوت كانت يد كبيرة توضعات على فمها مسكتاها.....
#يتـ___ـبع....بأنامل: رباب نجمة 🔥🖤شكون هذا فنظركم لي خرج ففتون... ؟؟؟ خليو 10 دالنجيمات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
