رواية قيامة تنهار، الجزء الثاني: فتنة صغيرتي بأناملي: رباب نجمة
قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
الجزء الثاني:🔱فِــتــنَــــةُ صَــغِــيــرَتِــــي🔱 🔥بأناملي: رباب نجمة Rabab Najma🔥
الفصل الثاني: عِــشــقٌ ثَــائِـــر🔥
الجزء 27:
فرانا بالجهد موقف الطموبيل حتى مشات وجات.....نزل هو ساد الباب بقوة حتى قفزات مخلوعة.... راقباتو من خلال النافذة كفاش معصب وشكلو كيخوف....بلعات ريقها عاضة على شفتها السفلية بخوف ونزلات من الطموبيل بصعوبة... تمشات ناحيتو وبقات ساكتة كتسناه يبادر بالحديث....تنفس بعمق وضار شاف فيها كيف مخلوعة ومكمشة في حوايجها.....
قرب منها بهدوء ونطق بحدة.... آرسلان: شنو هاد التصرفات الصبيانية أعبير واش باغية تحمقيني؟ هاديك كتبقى المرأة لي رباتك وعليك بإحترامها.....
رفعات عينيها فيه مستغربة ونطقات بغضب.... عبير: واش من نيتك كدوي كفاش المرأة لي رباتني إمتى هادشي فاش كنت ناعسة مثلا؟ عمرها حسساتني بالحنان والحب من ديما نافراني وكارهاني وكتعامل معيا بطريقة خايبة....
شافت فيه بحب وقربات منو كتعلى فيه ناطقة بهمس.... آرسلان: نت بوحدك أدادي لي ربيتيني وحتاضنتيني صافي......
تغرغروا عينيها من الألم لي حسات بيه في قلبها وكرهات راسها في هاد اللحظة...منعات دموعها من السقوط ناطقة بتساؤل... عبير: زعما نت ماملاحظ والو همم ماملاحظش شنو كيقولوا عينيا... ماملاحظش بلي أنا في كل يوم كنتعذب بسبابك...
قربات منو أكثر كتشوف في عينيه السود كتحاول تتعلى بسبب فارق الطول ونطقات بحزم..... عبير: أنا كنبغيك....
عقد حجبانو مطول النظر فيها بتمهل...زير على قبضة يديه مصدوم من كلامها...حرك راسو بالنفي ماقادرش يستوعب شنو سمع.... أكيد هو حس بشنو كتحس هي ولكن عمرو توقع بلي ممكن تصارحو بهاد الشكل المفاجئ.... وحط يديه على يديها الناعمة لي محطوطة فوق صدرو براحة وزير عليها بقسوة حتى تأوهات بألم.... آرسلان: أنا باباك...باباك أعبير واش عارفة شنو معنية هاد الهضرة..... شنو هاد الهضرة لي كتخرجي على فمك.....
تعالا صوت بكاءها وشعرها لصق على وجها بسباب الدموع أو ولات حمراء وناعمة بحال الدراري الصغار.... حركات راسها بالنفي مامقتانعاش بهضرتو..... عبير: لا نت ماشي بابا ولكن المنقد ديالي والإنسان لي بغاني كثر من بنتو أنا عارفة بلي حتى نت كتبغيني ولكن رافض تعتارف.....
قبل ماتكمل كلامها قاطعها بغضب والشرار كيخرج من عينيه..... آرسلان: سكتي مابغيتش نسمعك كتعاودي هاد الهضرة الخاوية....
كيحس بقلبو مقسوم على جوج ومحروق من الشيئ لي كيوقع ك، عقلو باغي فتون وقلبو باغي عبير..... عارف بلي هما بجوج كيغلطو ولكن خصو يدير حد لهاد المهزلة مايمكنش يغدر بفتون... ولكن ماعارفش علاش فاش كيكون مع عبير هاد الصغيرة كتديلو العقل وكينسى كلشي وهو معها.......
تألم فاش شافها كفاش مصدومة وكتبكي...تصنع الإهمال واللامبالاة... وجرها من يديها بالجهالة لجهة السيارة ركبها ودار ليها حزام السلامة وقبل مايبعد عليها لمح دموعها النقية لي نزلات بسبابو وشفايفها المنفوخة كفاش كترجف بخوف وألم...رمشات وبسرعة البرق جراتو لعندها دامجة شفايفها بشفايفو فقبلة سطحية...صدماتو كيف كل مرة أما هي باغا تبثليه بلي هي متمردة وإلا دارتو فبالها غادي يكون ليها فالأخير..... وخا يعيا مايتهرب غادي ينهازم أمام جبروتها وتمردها......
#يــتــ___ــبــع..... بأنامل: رباب نجمة 🔥🖤
شنو رأيكم في ردة فعل آرسلان وشنو غايدير في هاد الأثناء وعمران واش غايساعد فتون ؟❤أراؤكن كبيدات وتوقعاتكم والتتمة بعد 20 نجيمة 🔥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
