فتنة صغيرتي

الجزء العاشر:

روايــــــــة: قــــيـــــــامـــة تــــنــــهـــــــار🖤

الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥

الفصل الأول: هَــدِيَّــةُ دِيــسَــمــبــر🎁

                  الجزء 10:

"شهر ديسمبر يعطيني هدية على هيأة فتنة"

في الصالة الكبيرة المقابلة مع باب المطبخ الكبير، مجموعين أفراد العائلة على طاولة الغداء والكل صامت كيتسنى الخدم يقموا ليهم الأطباق.....

خرجوا الخدم من المطبخ وبداو كيتقدموا واحد تلو الأخر وفيديهم ما لذ وطاب من الأطباق المختلفة.... الرائحة كانت كتشهي باش تخلي إبتسامة عبير توسع وبريق السعادة يبان في عويناتها الزرقين الكبار..... نطقات بمرح وبطريقة طفولية خلات إبتسامة آرسلان تشرق بفرحة......
عبير: ياااي البسطيلة، توحشتها بزاف.....

باش تنطق أمال معلية حاجبها وبنبرة مرتجفة نطقات....
أمال: كون بقيتي في الشارع متشردة عمرك تحلمي تشمي حتى ريحتها......

خنزرات فيها براءة وفتون غير كتشوف بعينيها كتفكر فشي حل لمشكلتها أما آرسلان مابغاش يجاوبها باش مايسدش لعبير شهيتها المفتوحة..... نطقات أمال بإستغراب...
أمال: مالكم كتشوفوا فيا هاكدا مالي كذبت واش كون بقات هاد البنت متشردة كانت غاتحلم تاكل بحال هاد الماكلة، تحمد الله أن جدة جيدان ماكايناش هنا أما هي مكانتش غاتردد باش تجري عليها من هاد الڤيلا.....

غوت عليها آرسلان حتى عروق فكو برزات ونطق بصوتو القوي مخليها تكمش فراسها مخلوعة....
آرسلان: سكتي مابغيتش نسمع صوتك، هاد المرة غاندوزهاليك والمرة جاية عرفي حدك ولا قسما بالله مغاديش نرحمك هادي لي كدوي عليها راها بنتي ومانبغيش نسمعك كتقولي عليها شي تفاهة بحال هادي حيت غادي تكوني ساليتي علاقتي بيك.....

زمات عبير شفايفها بعبوس ولكن فور ماوسعات إبتسامتها فاش سمعات دفاع آرسلان عليها وكفاش كيحاول يحميها......

بدا الكل الأكل ديالو تحت مرح عبير وتصرفاتها العفوية شي لي سبب ضيق لفتون وأمال.... إهتمام آرسلان الزائد عن اللزوم بعبير كيخلي فتون تغير وتفكر فشي طريقة تخلصها من هاد البنت لي خدات بزاف دالحوايج في حياتها ومن أهمهم آرسلان.....

سلاو الغدا أو وقفات فتون كتشوف في ديك البنت لي شادة في يدين آرسلان متاجهين للحمام.... تنهدات بعمق والغضب قدر يتغلب عليها باش يبداو يديها يرجفوا من جديد.... بلعات ريقها وتقدمات كتخطي من وراهم تابعاهم..... وصلوا للحمام وغسلوا يديهم وخرجوا....

جات عينيه فعينيها، وبانتليه فتون كتشوف فيه بهدوء ونطقات بدلال...
فتون: ممكن ندوي معك....!!

هز راسو بالإيجاب وضار شاف في عبير ناطق بحب...
آرسلان: غادي نرحع دبا أحبيبة متافقين؟

ابتسمات ليه عبير بطفولية ورمشات ليه بعينيها كتعبير على موافقتها.....
عبير: وخا....

تمشات فتون قدامو كتحرك في مؤخرتها بإغراء، وهو كيحاول يصبر راسو...وصلوا لغرفتهم ودخلات وهو تابعها....تقابلات معاه ونطقات بعبوس مركزة نظرها على عينيه الصقرية...
فتون: توحشتك.......!!

غمضات عبير عينيها بعصبية هي لي كانت من وراء الباب وقلبها بدا كيزدح.....

قربات فتون أكثر واضعة يديها على صدرو العريض مرددة بدلال...
فتون: ونت ماتوحشتيش حبيبتك ؟

ماعرفش باش تبلى وماعرف باش يجاوبها هو بصح ماتوحشهاش حيت عبير شغلات تفكيرو ومعظم الوقت كيقضيه غير معها.....

تمادات في حركاتها باش تحط فمها على فمو وتغوص معاه في قبلة عميقة وفرنسية بإمتياز.....تهز قلب عبير وشهقتها بزز باش حبساتها مصدومة من شنو كتشوف.....

دازت دقيقتين على وضعيتهم لي بدات كتولي جريئة ومثيرة أكثر من الأول...وعبير غير كتبكي وترجف بطريقة هستيرية......

#يتبع......بأنامل: رباب نجمة 💎🖤