ليس كل ما نريده خيرا لنا ولكن هل ندرك هذا قبل ان نحصل عليه؟
نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
باحدي الاحياء الشعبيه والحارات البسيطه التي تتعالي بها الاصوات التي تزعج الكثيرون منها شجارات الجيران والبائعين وغيرها.... استيقظت هي علي هذا الصوت المعتاد من جيرانها... طارق: ي وليه بقا حرام عليكي بقا هو كل يوم نفس الموال دا قولتلك معييش فلوس اسرق يعني... وفاء: وانا قولتلك مليش دعوه اتصرف مش انت الراجل ولا جوز جزمه انت هنا... قامت من سريرها وفتحت شباك غرفتها المطل علي غرفه جيرانها... كيان: ي طنط ام محمد ي طنط ام محمد... وفاء بابتسامه: ايوه ي روح طنط ام محمد.. صباح الفل عليكي ي قمر انتي.. كيان بابتسامه: صباح النور ي طنط... اي ي طنط من صبحيه ربنا كدا صوتك عالي اوي ليه... وفاء بحزن: اعمل اي ف عمك طارق بس هو الي بيطلع عفريتي علي الصبح... كيان بحب: معلش ي طنط استحملي والله عمه طارق بيحبك اوي بس هو غصب عنه بيزعلك شويه بس قلبه طيب وحنين خالص.. وفاء: والله انتي الي قلبك طيب زي امك وابوكي الله يرحمهم... كيان بحزن: ربنا يرحمهم يارب... وفاء بمرح: اسكتي يبت ي كيان اما الواد محمد امبارح عمل حته مقلب ف العقربه الي فوق انما اي خلاها تلف حولين نفسها ههههه🤣 كيان بضحك: طب هصحي خالد و ساره واجيلك ي قمر نقعد سوا ماشي.. وفاء: خلاص يلا مستنياكي وانا هصحي المتعوس الي نايم دا... ____استووووووب نتعرف بقا علي الناس دي____ كيان: بنت جميله جدا عندها 21سنه عيناها بلون البني الغامق نوعا ما تشبه القهوه الداكنه، بشرتها قمحيه قليلا، امتلكت الشعر البني الطويل من والدتها المتوفيه، جسدها اشبه ما يكون بالجسد المثالي للمرأه، تمتلك طابع حسن رقيق بذقنها تدرس بكليه العلاج الطبيعي بمنحه دراسيه لتفوقها الشديد... تمتلك القليل من حس الفكاهه وهي المسؤله عن اخوتها خالد وساره.. خالد: شاب وسيم للغايه امتلك عيون والده التي كانت باللون الاخضر العشبي...يمتلك جسد رياضي طويل يمتلك من العمر 20سنه اصغر من كيان بسنه واحده..يدرس بكليه الاداب قسم المساحه.. بيحب اخواته اووي وبيشتغل عشان يصرف عليهم من وهو صغير.. ساره: اخر العنقود بقا فتاه جميله ايضا لا تقل جمالا عن اخوتها ومن الممكن ان تكون اكثرهم جمالا فهي اخذت عيون والدها الخضراء مع شعر والدتها البني الطويل الناعم ولكنها لم تمتلك الجسد المثالي مثل اختها كانت نحيفه بعض الشيء عمرها 18سنه ~~~~~~~~~~~~~~~~~~~~~~~~~~~ نرجع بقا للواقع....😉 خرجت من غرفتها متجه الي غرفه اخيها... كيان: خالد خااالد اصحى بقا يلا عشان الجامعه ي خااااالد.. خالد بنعاس: ي كيان بقا روحي وتعالي كمان ربع ساعه يلا... كيان وهي تسحب الغطا عنه: اي الي روحي وتعالي كمان نص ساعه انا شغاله عندك بقولك قوووم. خالد بمرح وهو ينظر اليها بنص عين: انا قولت ربع ساعه بس علي فكره.... وبما انك غلطتي ف الكلام ف تعالي كمان ساعتين... ثم سحب الغطا عليه مره اخرى... كيان بتأفأف: اووووف بقااا مش هتقوم يعني طيب انا هوريك... خرجت كيان من الغرفه قليلا.... اما هو احس انها تخطط لشيء... ثواني وكان تفكيره بمحله... سحبت كيان الغطاء من عليه وسكبت كوب من الماء البارد عليه وجرت مسرعه..... قفز خالد فورا من مكانه ووقف ينظر اليها بغضب... خالد: بقا كدا ي كيان... ماشي والله لوريكي..ليكي يوم اما كيان وقفت تضحك عليه بشده... كيان بضحك: انزل ي ابو طويله ي اهبل من علي السرير فاضل شويه وتدخل ف السقف🤣🤣 هنا استيقظت ساره علي اصواتهم... ساره بنعاس: هو الواحد مش عارف ينام ساعتين ف البيت دااا خالد وهو لسه واقف علي السرير: شوفي اختك عملت فيا اي ينفع كدا... ساره: مانت الي مهزأ... قالتلك قوم ما تقوم... خالد بصدمه: يخربيتك وانا الي بتحمى فيكي... والله لنزلكم بقا انا مهزا ي جزمه انتي وهي... هنا فرت ساره وكيان الي خارج الغرفه يجريان بضحك وهو يجري خلفهم.... امسك خالد ساره فحملها والقا بها علي السرير واخذ يزغزغها وهي تصرخ وتضحك بشده.... كيان بغيره: يسلام ي اخويا هي بس الي شلتها يعني.. جري خالد خلفها وامسكها اخذ يزغزغها هي الاخري بشده.. كيان بضحك: خلاص خلاص هههههه خالد والنبي 🤣🤣🤣🤣 خالد: لا مش خلاص قولي انا اسفه الاول... كيان بضحك: انا اسفه والله اسفه🤣🤣🤣🤣 _______________________________ بعد قليل من الوقت وانتهاء الهزار والضحك بين هذه العائله البسيطه والسعيده حتي الان... كيان وهي تضع الفطار علي التربيزه: يلا ي ساره نادي لخالد عشان يفطر قبل ما ينزل.. ساره: حضر ي كيان جايه اهو.. اتجهت ره الي غرفه اخيها ودقت الباب... خالد: ادخلي ي كيان.. ساره: طب بزمتك كيان اصلا بتخبطت قبل ما تدخل.. خالد بضحك: بصراحه لا... ساره بمغازله اخيها: بس اي الحلاوه والشياكه الي الباشمهندس فيها دي اي رايح تقابل المزه😉 خالد بضحك: مزه اي والنبي اتوكسي دا انا عندي امتحان ورايح من غير ما افتح الماده بس وحياه طنطك حسنات الي بتبيع جرجير ع اول الشارع مانتي قايله لكيان... ساره بضحك: اها يعني انت ماشي بمبدأ مش مهم الامتحان اهم حاجه شياكتي صح... خالد مقلدا تامر حسني: هوووو داااا😉 ساره: طب يلا ي فنان قبل ما كيان تيجي تولع فينااا هنا علااا صوت كيان مناديه... كيان: ما يلااااا انت وهي وربي اشيل الاكل اه انا مجنونه واعملها... خالد: اجري عشان هي مجنونه فعلا... خرج الاثنان الي الصاله بسرعه... ساره: تشيلي الاكل.. بت انا شكه فيكي انتي مش اختي لا انتي مرات ابويا الله يرحمه ههههه كيان : لا ي اختي انا جوز امك اقعدي يبت بدل ما اجيبك من شعرك المنكوش دا... ساره: منكوش ف عينك انا الي عملاه كدا دي موضه ي جهله... جلس الجميع علي التربيزه لتناول الفطار بمرح وسعاده وحب كما اعتداو دائما... كيان: ساره ها عرفتي هتدخلي اي ولا لسه... ساره: ي كيان بقا هو كل شويه الموضوع دا قولتلك عايزه اعلام.. كيان: شوفت ي خالد اختك هتموتني ناقصه عمر اعلام اي واحده كانت علمي رياضه وجايبه مجموع كليه هندسه تدخل اعلام لييه افهم... ساره: مانا ي حبيبتي كنت الاول عايزه هندسه او حاسبات ومعلومات بس دلوقتي لما شوفت فيديوهات عن الكليات وكدا لقيت نفسي حابه اعلام وفنون جميله... خالد: كيان انتي عمرك ما اجبرتي حد فينا علي حاجه ف خلاص بقا الي هي عايزه.. كيان: بس حرام تعبك كل دا ي ساره.. وانا مش حابه كليه اعلام... شوفي حاجه تانيه طيب.. ساره: مهو دا قرار نهائي ي اعلام ي فنون جميله بس كدا... كيان: مفيش فايده انا تعبت... دخلت كيان الي غرفتها تاركه خالد وساره بالخارج يأكلون ارتدت ملابسها والمكونه من دريس باللون البرتقالي الغامق وخمارها التي تعتز به للغايه بللون الاوف وايت قليلا...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت كيان من غرفتها وتحدثت بجديه... كيان: انا ماشيه هخلص الكليه واروح اشوف الشغل الي قولتلكم عنه تمام... خالد: استني ننزل سوا بقا انا كمان اتاخرت اصلا وعندي امتحان... ساره: كيان متزعليش مني عشان خاطري... وبعدين هو لازم موضوع الشغل دا.. كيان: مش زعلانه منك ي ساره بس فكري تاني تمام، بالنسبه لشغل مانتي عارفه الوضع الي احنا فيه يعني.. خالد: كيان لو عشان مصاريف الكليه بتاعتي وبتاع ساره ملكيش دعوه انا كدا كدا بشتغل وهدفعهم.. كيان: خالد احنا اتكلمنا ف الموضوع دا انت يدوبك شغلك مكفي مصاريفك بالعافيه شوف بقا مصاريف ساره لوحدها دي تقطم الظهر وبعدين عادي يعني مانا كدا كدا بشتغل اي الجديد.. خالد: تمام كنتي بتشتغلي 4ساعات جنب الكليه دلوقتي هتشوفي شغل كمان زياده حرام عليكي.. كيان: انا لو تعبت هقعد صدقني وبعدين مانا لو متعبتش عشانكم هتعب ليه بقا... يلا هنتاخر كدا ومش هنلحق نوصل من الزحمه يلا، ساره لو هتخرجي تروحي لسلمي عرفيني الاول تمام.. ساره: خلاص تمام ي حياتي انتي يلا سلام.. خالد بمرح: قدامي ي حياتي انتي...، سلاموز ي سرسور... يتبع....
