تعلم ان تقف في وجه التيارات الصعبه بابتسامة ثبات رغم حطامك الداخلي، جمله قرتها مره وغيرت كتير زي ما كل حاجه حولينا بتشوفها او بنقراها بتغير فينا... ❤️🩹
________________________________
بعد مرور يومان...
خالد: هو احنا مش هننقابل بق.. انا بجد عايز اشوف الانسانه الي قدره تفهمني وبقت عارفه عني كل حاجه...
Dark Moon: صعب ومستحيل انا مش بقابل حد من السوشيال عشان انا لازم افضل شخصيه مجهوله ومحدش يعرفني
خالد: انا مش حد انتي ناسيه اننا اقرب من صحاب احنا اصلا شبه مرتبطين...
Dark Moon: عارفه بس انا قولتلك من الاول ارجوك افهمني انا لازم ابق غامضه كدا
خالد: علي فكره انا دا اخر كلام عندي لو مبعتيش صورتك او حددتي مكان نتقابل فيه او علي الاقل وافقي اتصل كول اسمع صوتك او اشوفك..
Dark Moon: ولو موفقتش هتعمل اي وبعدين مانا كمان معرفش شكلك الحقيقي ولا صوتك ولا اسمك الحقيقي كمان
خالد: تمام مانا بقولك نتقابل عشان نتعرف.. انا مش فاهم انتي رافضه ليه.. انا بحبك علي فكره وعايز اشوف البنت الي بحبها..
Dark Moon: مانا كمان بحبك بس انت عارف ان مينفعش نتقابل ولا ينفع تشوفني انا شغلي ع الميديا لازم يخلي محدش يعرف انا مين ف الحقيقه
خالد: بصي انتي شكلك كدا مش واثقه فيا وبتلعبي معايا وانا زهقت بق ومش هفضل اتكلم مع واحده وحبتها بجد وانا معرفش مين دي ورافضه تقابلني..بصي معاكي لحد بليل تردي عليا موافقه نتقابل ي بنت الناس ونعرف بعض وناخد الموضوع بجد تمام مش موافقه اعتبري انك متكلمتيش معايا من الاول اصلا...
Dark Moon: اعتبر دا تهديد يعني ولا اي
خالد: انتي ليه مصممه تخلينا نزعل من بعض هو انتي غبيه يعني بقولك عايز اخد خطوه بجد يعني اخطبك اكلم اهلك وانتي رافضه...
Dark Moon: انا مش قصدي كدا انا اقصد ان يعني مكنش فبالي الموضوع دا خالص
خالد: مكنش ف بالك؟! انتي بتهزري احنا بقالنا شهر مرتبطين حضرتك وانتي قولتي انك بتحبيني؟
Dark Moon: ايوه انا بحبك بس مكنتش فاهمه ان الموضوع هيكون بجد كدا
خالد: لا ثواني ثواني هو انتي فاكره اننا عيال صغيره ولا مراهقين عشان نرتبط شويه وبعدين نسيب بعض انتي مجنونه انا مقولتش بحبك دي غير وانا فاهم وحاسس بكل حاجه فيها يعني عايزك معايا عايزك مراتي ام عيالي فاهمه..
Dark Moon: مانا بصراحه مش قادره اصدق انك حبتني وعايزني بجد من غير ما تشوفني
خالد: مش مصدقه؟! لا هو واضح فعلا اني كنت فاهم غلط وصدقت انك حبتيني زي ما حبيتك.. انا الي غلطان انتي صح..
Dark Moon: لا والله انا حبيتك بجد انا مش قصدي كدا انت عارف كويس انت بالنسبالي اي
خالد: لا مش عارف وكل الي كنت اعرفه طلع كدب انا اسفه سلام..
اغلق خالد الشات دون ان ينظر الي ما تكتبه هي.. واتجها الي عمله....
____________________________________
كيان: ايوه ي حوتي انا جايه اهو بجهز والله عشر دقايق وانزلك..
كريم: انتي بقالك ساعه بتقولي عشر دقايق ي كيان في اي..
كيان: انت بتتعصب عليا صح..
كريم: كيان قدامك 3دقايق... دقيقه زياده والله امشي واسيبك..
كيان: حاضر حاضر والله..
ساره: والله معاه حق انا لبسه بقالي ساعه اتقي الله
كيان: اوووف مانا مش فاهمه اي الخطوبه الي الساعه 3العصر دي هو في خطوبه ف الدنيا العصر..
ساره: اه في morning parties
كيان: و دا من امتى بق..
ساره: من زمان ي عسل بس انتي الي متفهميش ف الحفلات والجو المودرن والسنس الراقي دا انا عشان ف كليه فنون جميله وحاجه هاديه كدا وسمبل بدرس الديكوريشن النهاري وليلي وغيره.. يلا بق اتاخرناااااا
كيان: خلاص خلصت اهو يلا.. اي رايك..
ساره: واو You are very fantastic
كيان: Thanks for the compliment
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
