لعله القدر

Bart (8)

كانت الصدمه تحتل معالم كيان بشده، اما هو كانت ابتسامه الانتصار علي وجه وتزداد ثقه كل ثانيه اكثر من البدايه...
كيان: انت بتهزر صح اكيد لا...
كريم: تفتكري باين عليا اني بهزر..
كيان: اكيد بتهزر... يعني اي معلش... انت المدير ازاي..
كريم: اه انا المدير الحقيقي للمكان... انا الحووت ماشي ي صغننه...
كيان بغضب: حوووت اي وقرش اي اي الهبل دا انت فاكر انك كدا بقيت جامد بقا والجو دا...الزباله هتفضل زباله...
كريم: تؤتؤ عيب تغلطي ف المدير بتاعك...
كيان بغضب: مدير علي نفسك انا مش هستنا هنا لحظه واحده..  اولع انت والمكان بتاعك...
تحركت لتمشي لتسمع صوته...
كريم: طيب بكره الشرط الجزائي يكون عندي اشطا..
كيان وهي تنظر اليه بعدم فهمت: شرط شرط اي دا..
كريم: الشرط الجزائي الي مكتوب ف العقد الي لسه ماضيه عليه...
كيان باستهزاء: شرط جزائي اي انت عبيط ولا حاجه هو انا بشتغل ف شركه انا بشتغل ويتر ف مطعم...
قام كريم من مكانه وسحبها من يدها...
كيان وهي تعالى صوتها عليه: اوووعااا سيب ايدي ي حيوان انت... ابعد... 😡
وصل الي غرفه مكتبه،... اتجه كريم الي المكتب بعد ان ترك يدها... فتح درج المكتب واخرج منها العقد..
كريم: اتفضلي اهو يمكن انا بهزر معاكي ولا حاجه..
جلس ووضع قدم علي الاخري امامها...
امسكت الورقه وظلت تقرأ ما بها...
كيان: مفيش حاجه كلام عادي عن المرتب والوقت بتاع الشغل...
كريم: الورقه الي وراها ف النص كدا هتلاقي كلام اقرئيه وياريت تعالي صوتك ي كيان مش كدا...
نظرت اليه بغضب ثم قرأت النص والذي كان...
(علي ان تعمل الانسه لمده اربعه اشهر بالمكان واذا تركت الشغل قبل هذه المده تدفع الشرط الجزائي المستحق والذي يقدر ب100.000جنيه نقداً)
كيان بصدمه: مستحيل لالا انا بحلم صح... اكيد في حاجه غلط الشرط 100جنيه صح...
كريم وهو يتقدم نحوها: تؤتؤ 100الف جنيه...
كيان بصراخ: 100الف عفريت يركبوك.. انت مجنون انت سامع بتقول اي هو انا لو معايا مبلغ زي دا هشتغل ويتر... انت اكيد مش طبيعي...
عاد كريم الي الكرسي مره اخري واشار لاحمد ان يخرج من المكتب...
كريم: اممم مانا عشان عارف انك مش معاكي المبلغ كتبته...
كيان ببكاء: حرام عليك... انا عملت اي عشان تعمل فيا كدا... كل ده عشان الفون ي سيدي طب حتي اكتب الشرط الجزائي بتمن الفون الي اتكسر لكن 100الف دا كتير اوي والله حرام... 😭😭😭
كريم وهو يتقدم نحوها: انتي الي لعبتي مع الحوت بقا اعملك اي...
كيان: ي سيدي انا غلطانه حقك عليا...بس مش تعمل كدا... انا هجيب مبلغ زي دا منين...
كريم: انا مطلبتش المبلغ علي فكره في حلول تانيه غيره...
كيان بعدم فهم: يعني اي...
كريم: يعني اشتغلي الاربع شهور دول هنا وبعدين امشي... وكدا مش هيكون في شرط جزائي وهتاخدي مرتب كل شهر زي اي حد بيشتغل هنا 3500جنيه
كيان: انا مستحيل اشتغل مع واحد زيك...
كريم وهو يسند علي مكتبه بيده وواجهه لها...
كريم: خلاص في حل تاني....
كيان وهي تنظر اليه وتمسح دموعها: اي هو بقا...
نظر اليها كريم من اسفل الي اعلى ثم اقترب منها حتي تراجعت هي عده خطوات الي الخلف اقترب من اذنها وهمس بها: هنقضي سهره لطيفه سوا وبعدين كل واحد يروح لحاله....
صدمت كيان بشده نظرت اليه والصدمه علي ملامحها ثواني ونزلت بصفعه علي وجهه
كيان بصراخ: انت مفكرني اييييي ي حيواااان ي زباااااااااله.... ي احقر مخلوق شوفته ف حياتي...
فتحت باب المكتب وخرجت منه تجري بسرعه...
نظر كريم ف اثرها بغضب رغم ان كان بداخله شعور غريب تجاهها... ولكن سيطر هذا الغضب عليه...
كريم وهو يضرب الكرسي بقدمه: ماشي ي كياااان انا هوريكي... مبقااااش اسمي الحوت لو مردتش كل الي عملتيه.... 😡😡😡
رأها احمد وهي تجري الي الخارج... فاتجه الي كريم..
احمد بغضب: هو الكلام الي انت قولته دا بجد شرط اي...
كريم: اه بجد زي ما سمعت كدا..
احمد: كريم احنا اتفقنا نلعب معاها شويه عشان الي عملته لكن متوصلش لشرط جزائي وهبل دا...
كريم: وانا بقا هلعب معاها فعلا و الله لعرفها مقامها مش دي الي تعمل فيا كدا...
احمد: كريم بلاش سيب البت ف حالها باين عليها محترمه وكويسه بجد...
كريم: وانا بقولك مش هسبها ف حالها... ومحترمه اي انت كمان اسكت انت متعرفش حاجه...
احمد: انت الي بقيت شايف كل البنات وحشه مع ان دا غلط...
كريم: غلط.؟ طب هتشوف بنفسك ان هي الي هتيجي تبوس رجلي.... 😡 واطلع برا عشان انا مش طايق نفسي...
خرج احمد وترك كريم بمفرده بالمكتب...
««««««««««««««««««««««««««««
بكليه الاداب...
كانت تجلس وتقرأ احدي الروايات باندماج شديد.. قاطعها صوته...
محمد: بتقرئي اي
شمس: ها دكتور محمد.. 
محمد بابتسامه: بتقرئي دكتور محمد ازاي...
شمس: ها لا مش قصدي بقرأ روايه رعب
محمد بدهشه: رعب...
شمس: اه اسمها يحدث ليلا ف الغرفه المغلقه..
محمد: اه عارفها بتاع مروى جوهر صح..
شمس: ايوه انت عارفها..
محمد: انا مدمن كتب و افلام يعني هتلاقي عندي كل حاجه ممكن تخطر ببالك..
شمس: اممم حلو..
نظرت اليه ثواني ثم اكملت..
شمس: هو حضرتك بتعمل اي هنا...
محمد: اسف مكنتش اقصد اضايقك يعني...
وقف وكاد ان يتحرك لتوقفه..
شمس: لالا مش قصدي... بس يعني حضرتك دكتور جاي تعمل اي هنا..
محمد: كنت جاي اخد قهوه بس لقيت في زحمه وشوفتك مندمجه... حبيت اجي اقعد معاكي شويه..
شمس: اممم هو انا ممكن اطلب منك طلب...
محمد: اكيد
شمس: بلاش حد يعرف بموضوع الحادثه..
محمد متصنع عدم التذكر: حادثه.. حادثه اي..
شمس بتوتر: اييي.. حادثه امبارح دي...
محمد ولقد لاحظ توترها ف تحدث بمرح..
محمد: خلاص خلاص بهزر معاكي... وشك احمر كدا ليه...
شمس بابتسامة: لا عادي مفيش حاجه...
لفت لتنظر باتجاه مكان صنع القهوه... لتجد خالد يأخذ كوب من القهوه ومريم تضع يدها علي كتفه...
لتشتعل غيظا وتغمض عيناها.. لاحظ دكتور محمد هذا ولكن تجاهل الامر وتحدث..
محمد: تحبي اجبلك قهوه معايا...
شمس: لا خليك انا هجيب لينا ممكن اتفضل..
محمد بشك: متاكده..؟
شمس: اه لو سمحت اعتبرها شكر للي حصل امبارح..
تحركت شمس من مكانها واتجه باتجاه خالد ومريم اخذت كوب فارغ ونظرت الي مريم التي تقف بجوار خالد... وتحدث بنبره مخيفه..
شمس: وسعي كدا ي حلوه عشان اعرف اخد قهوتي..
خالد: يعني غريبه بتشربي قهوه...
شمس: وانت غريبه بقيت ملزق...
خالد: ملزق ازاي يعني...
شمس: ها لا ولا حاجه فكك...
كانت تنظر الي مريم بغضب وهي تصنع القهوه...
مريم: بقولك ي خالودي.. اي رايك لما نخلص المحاضرات نروح نتغدا برا..
خالد: عندي شغل والله ي مريم..
مريم بحزن وهي تضع يدها علي وجه خالد: ي خالد بقا وحياتي....
كانت شمس تحترق من داخلها وكأنها بركان علي وشك الانفجار...
اخيرا انتهت القهوه التي كانت تصنعها...وهنا خطرت ببالها فكره...
شمس وهي تتصنع انها ستسقط... علي وجهها وهنا القت القهوه علي مريم لتقع علي ذراعها... صرخت مريم بشده
مريم: ااااااعااااا دراعي اتحرقت اتحرقت....
شمس وهي تمسك ذراع خالد: ااااه رجلي مش قادره ي خالد اه رجلي اتنت مش عارفه امشي... وديني عياده الدكتوره بسرعه... ااااه
خالد وهو لا يعلم ماذا يفعل: طب استني اشوف الي اتحرقت دي...
شمس: ااااه مش عارفه اقف بقولك...دي ماما موصياك عليا الصبح ي خالد اااه رجلي...
تصنعت شمس البكاء...
فورا حملها خالد... وتحرك الي غرفه العياده بالجامعه..
كل هذا كان تحت نظرات محمد الذي ضحك بشده علي تصرف شمس وعلم انها تحب خالد وتشعر بالغيره... هذا برغم انه ايضا شعر بالغيره من خالد وغضب بعض الشيء ولا يعلم السبب...
~~~~~~~~~~~~~~~~~~~~~~~~~~~~
بعد ان هدأت قليلا جلست بالشارع بمكان هادئ بعض الشيء..
كيان وهي تبكي: يارب انا عملت اي عشان يطلع ليا الانسان دا يعمل فيا كدا يارب والله كدا كتير... هجيب منين 100الف جنيه انا...
هنا اتصل هاتفها وكانت ساره اختها....
مسحت دموعها لتجيب...
كيان: الو ي سو...
ساره: كوكي بقولك انا خلاص قررت مع سلمى كليه فنون جميله...
كيان: ماشي ي ساره الي تشوفيه...
ساره واحست بضعف صوت كيان: انتي كويسه..؟
كيان: اه كويسه عادي..
ساره: كيان في اي...
ابعدت كيان الهاتف قليلا ثم مسحت دموعها وتحدثت: مفيش حاجه ي بنتي انا ف الشغل دلوقتي نتكلم لما اجي تمام...
اغلق الهاتف وبكت علي حالها بشده...
لتصل اليها رساله منه...
(بكره لو مجتيش الشغل هروح القسم اعمل محضر ونتقابل ف المحكمه ي حلوه...)
كيان: منك لله منك لله.... 😭😭😭
~~~~~~~~~~~~~~~~~~~~~~~~~~~
اما بكليه العلاج الطبيعي بمكتب نادر...
نادر: ها هنفضل كدا كتير ما واحده تنطق تقول حاجه
روضه: حاجه...
نور: لالا استني... انا هقول... حاجه
شهد بابتسامة: لا صوتي انا احلي... حاااجه...
نادر وقد طفح بيه الكيل، وقف امامهم وهبد بيده علي مكتبه...
نادر بغضب: اقسم بالله لو ما اتعدلتو لقلب عليكم وانتم مشفتوش وشي تاني عامل ازااااااي😡
روضه وهي تمسك نور من ملابسها: هو اتحول كدا ليه... هو شغال مجرم بعد الظهر...
نادر: بقووووول انطقوووووو
شهد وهي تصرخ بوجهه: ننطق نقول اييييي ما انت اسال نجاااوب ايييي يجدع انت شايفنا بنضرب الودع هنا ولا بنشوف البخت... 🙂
نادر وهو يقترب من شهد: حلووو وااااحده اهي طلع ليها صوووووت...
امسكها من الجاكت التي كانت ترتديه من قفاها مثل الارنب.... واكمل: يلاااا كملي.... انا اسال صح.. ماشي..
كنتي بتتكلمي علي مين براااااااا
شهد: والله ي سعادة الباشا كنا بنتكلم علي البت ك....
قطعتها روضه: البت كريمه... ااه كريمه...
نور: ايوه البت كريمه بتاعت سكر محلى محطوط علي كريمه...
روضه: اهي الكريمه دي تبقا انا... الي قدامك دي ي حبيبتي رقااصه..
رده نور: اااه رقاااصه..
اكمل شهد: سقطناااا ااااه سقطناااا اااه...
نادر وهو ينظر اليهم بدهشه وصدمه من تصرفاتهم ثم صرخ: برااااااااااااااا
جرت الفتيات الي الخارج بسرعه....
روضه بضحك: ههههه فلتنا منيهم.... 😂🌚
نور: اوووف كان موتنا وشيكاً
شهد: منك لله ي كيان انتي وسي نادر بتاعك...
روضه وهي تضربها: اخرسي بقا انتي مبتحرميش...
هنا وصلت رساله الي نور من كيان...
نور: دي كيان... استنو بعتت مسدج...
روضه: بتقول اي... وبعدين مش المفروض انها ف الشغل...
نور: استني...
فتحتها لتجد مكتوب
(انا ف مصيبه الحقوني بسرعه انا ف مكانا الي بنقعد فيه متتاخروش بدل ما هتلقوني ميته...)
نظر الثلاثه الي بعضهم ثم اخرت شهد هاتفها واتصلت ولكن الهاتف مغلق حاولت روضه وايضا مغلق ونور كذلك...
جرى الثلاثه الي كيان بسرعه بسياره نور...
يتبع....