هي كل الغلطات ممكن تتصلح فعلا وكل مشكله وليها حل ولا احنا الي بنقول كدا عشان نهون علي نفسنا الي زعلنا وضايقنا...؟!
«««««««««««««««««««««««««««««««««
كانت الصدمه تحتل معالم وجههم بما فيهم كيان و ايضا منال وانچي اللتان دخلا لتوهم الغرفه...
كيان بضحك هستيري: ههههه شوف شوف مين بيتكلم هههه البجح بيتكلم الحيوان معدوم الاحساس بيتكلم... بيقولي تتجوزيني بيتريق كمان بعد الفضيحه الي عملهالي هههههه لالا مش قادره بجد سمعتو سمعتو قال اي سمعتو...
ثواني ولم تستطع السيطره علي نفسها وصرخت والدموع تتساقط من عيناها...
كيان: انت ايييييي انت حجر طوب جنسك اييييي قولييييي.... عملتلك اي عشان تعمل فيااا كدا...
جلست ع الارض امامهم وضمت نفسها ثواني وفقدت وعيها للمره الثانيه...
حملها اياد الي غرفتها و نادت الطبيب ليأتي بسرعه اليه...
الدكتور بغضب: انا مش قولت بلاش ضغط نفسي عليها... انتم كدا هتخلوني ابعدكم عنها واعزلها ف اوضه تانيه لو سمحتو التزموا بالكلام...
خرجت شهد وشمس ونور و روضه الي الخارج ليجدو خالد وساره يسرعون اليهم...
خالد: كيان... كيان فين حصل اي هي كويسه...
شمس: اهدي ي خالد كيان بخير بس محتاجه ترتاح شويه الدكتور لسه طالع من عندها وقال نسبها ترتاح..
ساره ببكاء : عايزه اشوفها ضروري كيان مالها قوليلي عمل فيها اييي...
خالد بعدم فهم وهو ينظر اليها: هو مين الي عمل فيها اي... انتم مخبين اي عنيييييي
شمس بتوتر وخوف: ولا حاجه ولا حاجه هي تقصد الدكتور اكيد...صح ولا اي ي ساره...
ساره بغضب: لا مش صح انا اقصد الحوت ي خالد كريم البحيري هو دا الي اذى اختي بالشكل دا...
امسكت شهد ساره بسرعه وصرخت بغضب: اسكتي ي ساره انتي بتقولي اي امشي معايا نروح نشرب حاجه يلا...
خالد: شهد ابعدي ايدك عنها عايز اعرف انتم مخبين اي عليا اوعي سبيها تتكلم...
هنا خرج منير واياد علي صراخ خالد وساره...
منير: مين حضرتك وبتزعق كدا ليه...
خالد: وانت مين انت كمان وبعدين انت مالك اصلا...
شهد: عمه منير دا خالد اخو كيان و دي ساره اختها دا منير بيه والد كريم ي خالد...
منير: تشرفنا ي استاذ خالد ممكن اعرف صوتك عالي بالشكل دا ليه حضرتك ناسي انك ف مستشفى ولا اي..
خالد: ازعق دا انا هزعق و اكسر واحبس ابنك كمان... عايز اعرف ابنك عمل اي ف اختي هو فين اصلا ولا مستخبي...
اياد: في اي ي استاذ انت هو مين دا الي عمل ف اختك حاجه ومستخبي... كريم ف الاوضه دي وعايز يقوم يجيلك بس هو ممنوع يتحرك دلوقتي لان اخت حضرتك...
شهد وهي تضربه بقدمه: احم احم...
نور متدخله: يقصد ان كيان تعبت بسبب ان كريم عمل حادثه او يعني حصلتله حادثه بالغلط فهي مستحملتش وتعبت...
منير: صح عشان كيان وكريم بيحبو بعض اوي ي استاذ خالد واعتقد حضرتك عارف الموضوع دا وان ابني جه لحد بيتك واتكلم معاك واتفقتو ان الخطوبه تكون الاسبوع الجاي...
ساره بغضب: خطوبه اي... بعد الي حصل دا فاكر انه هياخدها عشان يصلح المصيبه الي عملها...
خالد: مصيبه اي ساره انتي بتقولي اي...
ساره: مش انا الي بقول السوشيال ميديا والاخبار كلها ملهاش سيره غير المختمره الي سحرت الحوت..
حد يديني فون في نت بسرعه... هاتي فونك ي شمس..
شمس: معيش نت...
ساره: نور هاتي فونك انتي...
نور: فاصل فوني فاصل...
ساره بغضب: بق كدا ماشي خالد هات فونك...
اخرج خالد هاتفه وفتحت ساره جوجل وبحثت اخر اخبار كريم البحيري...
لتخرج لها عده نتائج وصور لكريم وكيان دون وضوح وجهها.... اعطت لخالد الهاتف ليقرأ الاخبار وتتزايد صدمته وتعابير وجهه بالغضب...
خالد: هو دا الي ابنك معملش حاجه دا انا هموته هو فيييين....
حاول خالد دخول الغرفه ولكن منعه اياد قدر الامكان حتي فتحته هي من الداخل... ليصدم منها...
«««««««««««««««««««««««««««««««««
اما هذا العاشق كان بشقته يجلس علي اريكته وينظر الي صورها بالسوشيال ميديا...وهنا قرر ان يرسل لها مسدج علي الماسنجر...
محمد:(لقيت اكونتك بالصدفه قولت ابعتلك...)
ظل ينتظر ردها ولكن لم تجيبه...
محمد: اوووف الي انا بعمله دا، انا الدكتور بتاعها اي شغل المراهقين دا... لالا انا همسح المسدج...
فتح الشات مره اخري واخذ يفكر عده مرات...
محمد: ايوه همسحها...
ضغط عليها وجاء ليضغط علي حذف ليجدها اجابت.
شمس:(طب كويس صدفه حلوه💜)
(او كانت هتبقا حلوه.. 💔)
محمد بتوتر:(ليه هي طلعت وحشه ولا اي مش قصدي اضايقك علي فكره ممكن اعمل بلوك عادي..)
شمس:(لا مش قصدي بس اصل انا ف المستشفى😔)
محمد بخوف:(مستشفى اي ليه حصلك حاجه)
(شمس انتي كويسه..؟)
شمس:(اه اه انا كويسة... معلش ي دكتور هكلم حضرتك بعدين...)
محمد:(بعدين اي لا..)
(حصلك اي..)
(بتعملي اي ف المستشفى طمنيني..)
لم تجيبه ليقف ويظل يسير ذهابا وايابا بشقته بتوتر شديد وخوف وغضب...
__________________________________
والاخر كان يسير بسيارته و اول مره يشغل باله وجودها...
نادر لنفسه: هي كانت حلوه كدا ازاي...انا اول مره اخد بالي من ملامحها بالشكل دا...
فتح هاتفه ليبحث عن حسابها ع الفيسبوك وبعد لحظات وجده ولكن لم يجد اي صوره لها علي اكونتها...
نادر بغضب خفيف: اوووف هو في بنت مش حاطه صورها ع الاكونت اي دا... طب ما اتصل بيها بس مش عارف رقمها انهي واحد الجروب فيه اكتر من 1000طالب اي الحظ دا...
فكر قيلا ثم اكمل: طب مانا معايا رقم نور..
اتصل بها لتجيب..
نور: الو مين...
نادر: انا نادر ي نور ...
نور: نادر مين...
نادر: دكتورك .. دكتور نادر...
نور بصدمه: اه... اااه دكتور نادر... ازاي حضرتك عامل اي...
نادر: الحمدلله بخير وانتي..
نور: انا تمم في حاجه ولا اي..
نادر: بصراحه اه كنت عايز اسالك علي حاجه..
نور بتوتر: اتفضل اسال...
نادر: بصراحه كدا كنت عايز اساله علي كيان عايز رقمها لو ممكن..
نور بدهشه: كيان... اشمعنا ليه في حاجه...
نادر: لا مفيش بس شوفتها ف الكافيه بتاع الحوت وخوفت عليها لانه احرجها وهي مشيت زعلانه...
هنا صرخت شهد بصوتها...
شهد: انتي ي زفته هو انتي سيباني ف كافتريا لوحدي.. اي مش مستشفي ابوكي دي....
كتمت نور الهاتف وهي تشير لشهد ان تصمت ولكن دون فائده...
نادر: نور انتم ف المستشفى بتعملوا اي...
شهد بمرح وغمزت بعينها: اي ي بنتي بتشاوري كدا ليه بتكلمي الكراش يعني ولا اي ههه
نور: اخرسي دا دكتور نادر هنروح ف داهيه
شهد بصراخ سمعه نادر:يلهوي البغل اييي اقصد نادر يختاااي دكتور نادر بتاعنا يعني...
نادر: هو في اي مين دا الي بغل... وبتعملي اي ف المستشفى انتي والبت دي حالا...
نور: ها لا ي دكترا مفيش حاجه احنا بس كنا بنشوف حاجه ومشيين عادي يعني...
شهد وسحبت الهاتف: ابن حلال والله ي دكترا في اي خير بتتصل دلوقتي يعني..
نادر: لا مفيش كنت عايز اطمن علي كيان...
شهد بصدمه: اي انت عرفت ال حصل ولا اي...
نادر بعد فهم: اي الي حصل هي كيان فيها حاجه...
شهد: اوووف يخربيت غبائي لالا مش قصدي...
لتأتي شمس صارخه هي الاخري..
شمس بغضب: وانا هفضل قاعده جنب كيان لوحدي ولا اي بقالكم ساعه بتجيبوا حاسه تتشرب..ما يلا انتي وهي البت نايمه ف السرير فوق وانتم بتتكلمو ف الفون ي برودكم...
بالطبع وصل كل هذا لسماع نادر...
كانت الصدمه تحتل معالم وجه شهد وهي تقف لا تعلم ماذا تفعل بهذه الشمس....
نادر: الو الو ما تردي تقولي حصل اي... اقولكم انا الي جاي...
اغلق الهاتف...
««««««««««««««««««««««««««««««««
وبالاعلي فتحت الباب لينظر الاثنان مطولا الي بعض
خالد بدهشه: انتي بتعملي اي هنا...
انچي: انت... لا دا انت مراقبني بقا... اي قلت الذوق دي لا وكمان جاي عمال تزعق عشان تشوفني ي بجح
خالد بصدمه من أسلوبها: بزعق عشان اشوفك اي بت انتي هبله ولا مخك تعبان...
انچي: مانا لو هبله يبقا اكيد مخي تعبان اي الذكاء دا.. شوف مين فينا الي اهبل بقااا
خالد: بت غوري من وشي انا مش طايق نفسي... مش نقصاكي خالص..
انچي: ما عنك ما طقت نفسك ما انت شخص لا تطاق اصلا دا انت مش طايق نفسك عايز الناس تطيقك وبعدين انت رايح فين انت فاكر نفسك ف زريبه هنا داخل اي اوضه وخلاص...
منير متدخلا: ثواني بس انتم تعرفوا بعض منين..
انچي وخالد بنفس واحد: معرفه هباب نصبي الاسود...
نظرت اليه بغضب ثم اكملت: هو اسود فعلا عشان اشوف واحد زيك مرتين ف يومي..
اياد: ممكن تفهموني في اي وتعرفوا بعض منين!؟
انچي: دا واحد للاسف هشتغل معاه ف الكليه وانا تقريبا عجباه وحرقه دمه اوي ف ماشي ورايا اطلبله البوليس ي اياد...
خالد بسخريه منها: عاجبه مين ي بت دا انتي شبه عود القصب دا انا لو نفخت فيكي اكسرك.. وبعدين انتي بتعملي اي هنا بقولك اوعي من وشي..
انچي: بعمل اي هنا اي.. ان....
قاطع حديثها غضب منير وصراخه....
منير: باااااااااااس اخرسوا انتوا الاتنين... انچي دا خالد اخو كيان الي ضربت اخوكي...
خالد: ضربت اخوها اي مين دي... انت بتتكلم عن اي ي حج انت كمان... واخو مين...
منير: استنا اخلص كلامي ي استاذ خالد...ضربت اخوكي بعد ما حاول يبوسها...
خالد بغضب وامسك منير من قميصه: انت بتقول ايييييي يبوووس مييييين دا انا هقتلهههه
اياد وهو يبعد خالد عن ابيه: ابعد ايدك انت اتجننت ولا ايي... اسمع باقي الكلام الاول...
انچي: يعني انت اختك كانت هتموت اخويا... دا انا هموتك و اموتها...
هنا تحدث كريم بصوت شبه مسموع..
كريم: انچي اسكتي سبيه...
جرت انچي علي كريم بخوف..
انچي: كريم اخويا حبيبي انت كويس ي قلبي..
خالد: اخوكيييي....
انچي: اي ف اعتراض...
خالد: يعني انتي اخت خطيب اختي...
انچي: خطيب اختك؟ خطيب اختك مين؟ انت بتقول اي...
كريم: انچي قولت اسكتي دلوقتي وانا هفهمك كل حاجه..
انچي: تفهمني اي شوف الي بيتلزق فينا دا وخطبلك اخته..
كريم: انچي قولت اسكتي...
انچي: اوووف انيلت سكت...
كريم: اتفضل ي خالد اقعد...
خالد: اقعد اي انا عايز اعرف اي الي حصل دا..
كريم: ي اياد خليه يعد عشان افهمه انا مش قادر.. المهم كيان بقت كويسه... عايز اشوفها...
منير: هتفوق الصبح ان شاء الله ارتاح انت ي ابني..
منال: انا مش فاهمه حاجه ابدا..
كريم: ما قولت هفهمكم اترزعوووو بقاااا...
جلس خالد واياد ومنير ومنال وانچي...بغرفه كريم اما ساره كانت مع كيان...
««««««««««««««««««««««««««««««
شهد ونور اقتربوا من شمس بغضب وهي لا تفهم شيء...
تراجعت للخلف قليلا...
شمس: في اي انتم هتكلوني ولا اي كل دا عشان بقول اتاخرتوا خليكم خلاص اهدو كدا....
شهد: نهدااااا نهدااااااا ايييييي
نور: ما كنتي تحكي الي حصل كله بالمره...
شمس وهي تتراجع الي الخلف: احكي اي هو انتم كنتوا بتكلموا مين...
شهد: لا ولا حاجه دا دكتور نادر بس...
شمس: اه بدال كدا عادي...
ثواني واستوعبت الموقف...
شمس: اييييي دكتور مين... نااادر نااادر الي هو نااادر
شهد: تخيلي اه نادر بتاعنا دااا..
شمس: طب نتفاهم طيب بتقربي كدا ليه الحقيني ي نور...
نور: لا المره دي برا عني انتي الي ولعتي النار جنب الصابون...
شهد وهي تنظر الي نور بغضب: صابون اي انتي كمان اسمها انتي الي ولعتي النار جنب البنزين متشلنيش...
نور: whatever يعني مفرقتش... شوفي الموضوع المهم...
شهد: بالضبط تعالي بق....
جرت شمس بسرعه الي اعلي وخلفها شهد ونور.. رأتهم روضه لتجري خلفهم حتي وصلوا الي غرفه كيان وهنا وقف الجميع بدهشه ليشاهد هذه الصدمه..
««««««««««««««««««««««««««««««««
وبالكافيه... كان يجلس مع عده فتيات يضحك ويلهو معهم باندماج حتي اتجهت اليه فتاه غاضبه بشده..
ماجي بغضب: مهو صحبك طلع واقع اهو اومال احنا بس الي بنتعامل زي الخدم بتوعه ليه...
احمد: ماجي مش وقتك خالص... فرفشي كدا..
ماجي: مين دي ي احمد...
رفعت الهاتف بوجهه لينظر الي الشاشه ويشاهد الفيديو لكريم وكيان...
احمد بصدمه وهو يسحب الهاتف من يدها: ي نهار اسود كيااان...
تركها ورحل بسرعه وركب سيارته... واتصل باياد..
احمد: اياد... فين كريم... وانت شوفت المصيبه دي..
اياد: في مصيبه اكبر احنا ف المستشفى كريم هنا حصله حادثه تعالى بسرعه...
احمد: نعم.. طب انا جاي حالا مستشفي اي...
اياد: مستشفي...، متتاخرش بس...
اغلق معه و هنا وصله اتصال من محمد..
محمد: الو ايوه ي احمد بقولك ي صحبي..
احمد: قول بس بسرعه...
محمد: متزعلش مني ي معلم احنا اخوات ومش بنت الي هتخسرنا بعض ي حبيبي..
احمد: مش وقته ي محمد الحوت ف المستشفى..
محمد: اي ازاي...
احمد: مش عارف بس انا رايح اهو...
محمد: طب انا كمان جاي دلوقتي ابعتي اللوكيشن..
««««««««««««««««««««««««««««««««
نور: بنات هو الي انا شيفاه دا بجد..
شهد: مش عارفه انا خايفه حاسه فيلم رعب..
شمس: هو دا الحوت صح..
روضه: حسيت انه هو...
شهد: لا مستحيل دا او الحوت كان قتلها.. مش هيكون كدا..
نور: انا بجد مصدومه..
شمس: تفتكروا الي ف بالي صح..
نظر الثلاثه الي شمس دون حديث..
روضه: بس شكله كيوت اوي..
ظل الاربعه يشاهدون هذا الموقف وهو وقوف كريم امام زجاج غرفه كيان وتتساقط الدموع علي وجنته بهدوء....
يتبع....
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
