ماذا لو رفضت شيء تحت مسمى الكرامه وانت ترغب به بشده، واجبرت علي هذا الشيء الذي ترغب به وترفضه، سأخبرك اجزم لك انك ستكون في قمه سعادتك... 😉❤
________$______________$___________
شهد: انا مش هتجوز واحد معرفوش انا مش هبله عشان اروح اقعد مع واحد اول مره اشوفه وافتح كلام عن الجواز والعيال...
ام شهد: ماشي ي شهد ارفضي وخلي ابوكي يعمل الي قاله...
شهد: ي ماما انا معرفوش حتي... حرام عليكم هو احنا عايشين سنه كام عشان اقعد مع واحد اول مره اشوفه علي انه جوزي...
ام شهد: طب شوفيه الاول وبعدين اتكلمي... دا شاب مكافح وطموح وابن ناس واهله كويسين...
شهد: لا اله الا الله هو انا بتكلم هندي... انا قولت عليه ابن كلب مثلا مانا عارفه انه ابن ناس.. مهو انسان اكيد هيكون ابن ناس.. بس انا معرفوووووش.
هنا دخل والد شهد...
والد شهد: شهد انتي اختك متجوزه وعايشه مع جوزها ف الكويت بقالها 6سنين وما شاء الله عليهم حياتهم كويسه ومفيش بنهم مشاكل... ومكنتش تعرفه بس كانت واثقه ف اختياري لجوزها اكيد انا مش هرميكي لواحد مش كويس..
شهد والدموع ف عيناها: ي بابا انا مقولتش اني مش واثقه ف اختيارك بس ي بابا انا مش عايزه اتجوز بالطريقه دي عشان خاطري..
والد شهد بغضب: انا قولت الي عندي هتتجوزيه غصب عنك.. بلاش دلع وقله ادب...
شهد بصدمه: غصب عني...؟! هو في حاجه اسمها هتتجوزيه غصب عنك...
والد شهد: انا قولت الي عندي مش عجبك يبقا لا انتي بنتي ولا انا اعرفك...
شهد: لدرجه دي... بابا هو ممكن اسالك سؤال...
والد شهد: لا مش ممكن ويلا اجهزي عشان وائل جاي
شهد: وائل مين...
والد شهد: العريس انتي نسيتي...
شهد باستهزاء: لا انا حتي مكنتش اعرف اسم الراجل الي هيكون جوزي...
خرج والد شهد من الغرفه ودخل البلكونه ليشرب فنجان قهوته بانتظار العريس...(المتعوس الي امه داعيه عليه... 🙂)
خرجت ام شهد خلفه لتجهز الضيافه...
شهد لنفسها: ماشي والله لوريه وائل دا... انا اتجوز واحد اسمه وائل.. وادلعه اقوله ولاويله... يع اي دا.. اصبر بق ي استاذ وائل...
هنا طرق باب المنزل...
شهد بصراخ: اعااااااا هو لحق يجييي... اي هو عفريت... انصرف انصرف....
طرق باب غرفه شهد بتلك اللحظه لتصرخ...
شهد: اعااااا ي ماميييي دا جاي يقتلني باينه سمعني ولا ايي... بت اشهد اجمدي كدا...
هنا سمعت صوت نور...
نور: ما تفتحي ي برج الكلب انتي واقفه ورا الباب كدا ليه..
شهد واحتضنت نور بقوه: اعاااااا نور حبيبتي دا انتي مش العتريس...
نور بضحك: عتريس... هههه اسمه عريس ي حوله..
شهد: لا اسمه وائل ي عسل.. انا اتجوز واحد اسمه وائل اي دا هي ناقصه تلزيق..
نور بخبث: لا طبعا انتي تتجوزي واحد اسمه.. اي.. اسمه اي... اسمه اي ي بت ي نور... اسمه اياد مثلا..
شهد بتوتر: اياد.. اياد مين...
نور: اياد مين.. ي بت..
شهد: انا مش فاهمه قصدك مين هو انا اعرف حد اسمه اياد...
نور: اه صح صح انتي متعرفيش واحد اسمه اياد البحيري..
شهد: ااااه اياد البحيري ماله افتكرته...
نور وهي تفتح الحقيبه التي بيدها لتخرج منها فستان انيق للغايه...
نور: لا ولا حاجه هو بس اتصل بيا عشان قلقان عليكي..
شهد بفرح وعفويه: بجد... قلقان عليا.. قالك اي..ها..
نور بضحك: اي دا في اي مش دا الي مكنتش اعرفه من شويه... ههههه يخربيتك...
شهد: بت بطلي رخامه قولي بق قالك اي...
نور: مفيش ي ستي سأل عليكي.. عشان كان قلقان مش عارفه يوصلك يقولك انه مسافر..
شهد بحزن وصدمه: مسافر...؟! مسافر فين...
نور: مش عارفه بس اعتقد ايطاليا او اسبانيا.. عنده شغل مهم..
شهد: طب هو مسافر امتي..
نور: انهارده بليل..
شهد بحزن: مسافر من غير ما اشوفه..
نور: طب ما تكلميه... وانزلي شوفيه..
شهد: هنزل ازاي وابن بياعه البليله دا جاي.. وبابا وماما مستحيل هيخلوني انزل..
نور بتفكير: اممم طب هو ايهاب دا جاي امتي..
شهد: ايهاب مين اسمه وائل...
نور: يختي هي هتفرق المنيل دا جاي امتي.. اخلصي.
شهد: تقريبا كمان ساعه..
نور: طب استني...
اخرجت نور هاتفها واتصلت ب ماهر.. وفتحت الاسبيكر..
ماهر: الو... اي ي قلبي..
نظرت شهد الي نور بعين ضيقه...
نور بتوتر: احم.. ماهر.. معلش كنت عايزه بس اعرف منك طياره اياد الساعه كام..
ماهر: هو انا كلمته قالي اروحله ع البيت عشان اجبله حاجاته عشان هيطلع من الاجتماع ع المطار..
نور: طب مينفعش يجي وبعدين يطلع ع المطار..
ماهر: يجي فين... وبعدين للاسف مينفعش منير بيه حجز الطياره وكل حاجه.. و دا شغل..
نور: ماهر طب شوف حل..
ماهر: حل لايه مش فاهم حاجه... انتي عايزه حاجه منه يعني..
نور: عايزه اشوفه..
ماهر:نعمي اختي..
نور:لالا مش قصدي..انا عايزه اشوفه انا وشهد..
ماهر: اشمعنا يعني في اي..
نور: دا انت غبي... عشان شه.....
وضعت شهد يدها علي فم نور بسرعه...
شهد بمرح: ههه ماهر معلش هقفل دلوقتي هقطع كلامكم شويه محتاجه نور ف الميكب.. عشان عريسي جاي.. تشاو ي عسول...
اغلق شهد المكالمه بسرعه وشالت يدها من علي فم نور..
نور: في اي ي بت اي الي انتي عملتيه دا...
شهد: عملت اي اي... كنت بلحقك قبل ما تودينا ف داهيه..
نور: لي بس انا كنت هقوله انه وحشك..
شهد: وحشك قرد ي شيخه بت اسكتي مستحيل اي الي انتي بتقوليه دا...
نور: مش دي الحقيقه...
شهد: حتي لو.. مينفعش.. مقدرش اصلا اقول حاجه زي دي وبعدين انا اصلا مش فارق معايا يوحشني اي الهبل دا...
نور: يعني انتي مش بتحبيه..
شهد بانفعال: اوووف انتي جايه تعصبيني ولا اي في اي ي نور احب مين.. بلاش هبل.. وبعدين انا ف مصيبه دلوقتي شوفيلي حل..
نور: اممم الحل بتاعي مش هيعجبك ف خلاص..
شهد: انا عرفت انا هعمل اي..
نور: هتعملي اي..
شهد ببساطه: هحط مكياج يخلي شكلي كلاون اوي ف نفسي والبس حاجه قديمه.. واطلع هيشوفني مبهدله مش هيجي تاني..
نور: عشان ابوكي يتبرا منك بجد ويرميكي ف الشارع.. وبعدين ابوكي اتصل بيا وقالي اجبلك دا وانا جايه..
شهد: اي دا...
نور: طبعا عشان ابوكي عارف انك مش بتلبسي فساتين وكل ما بيجبلك منهم بترميهم قالي اشتري فستان سواريه وانا جايه عشانك...
شهد: وانتي مصدقتي صح...
نور: بصراحه اه معلش يعني كله الا اللبس دا اكتر حاجه بحبها وبعدين انتي بالذات بحس ان الدريسات بتكون عليكي قمر بس انتي الي بومه..
شهد: انا مش هلبس دا... وبعدين ذوقك وحش..
نور بصدمه: انا ذوقي وحش.. انتي عاميه صح.. دا انا كنت هجبلك حته فستان ي شهد اقسم بالله جامد جامد.. بس للاسف مفتوح اوي واكيد مش هينفع عشان الحجاب.. ف قولت اجيبه لنفسي بق وابقا اشتريهولك بعدين تلبسيه لقره عينك.. ههههه
.... هنا طرقت ام شهد الباب...
ام شهد: ي نهااار انتي لسه مجهزتيش... اتصرفي ي نور العريس فاضل ربع ساعه ويجي..
نور: حاضر ي طنط مع اني مش مع الي بتعملوه دا بس تمام.. و اه احنا عند اتفقنا صح..
ام شهد: انا مليش دعوه مش عمك قالك تمام.. خلاص
نور: خلاص اتفقنا.. هتجهز دلوقتي..
خرجت ام شهد...
شهد: انا مش فاهمه حاجه انتم بتتكلموا عن اي..
نور: ي ستي باختصار.. انا اصلا اتصلت بأبوكي عشان اقوله اني هخدكم ونطلع نغير جو يومين ف شرم.. او العين السخنه.. و ابوكي رفض وبعدين قالي لو جيت وخليتك تقابلي العريس.. هيوافق.. وانا قولتله تمام واتفقنا علي كدا واشتريت دا بق..
شهد: شرم اي والسخنه اي.. انا ف ايه وانتي ف ايه..
نور: ي ستي امشي ورايا ومش هتندمي والله يلا بس..
شهد: استر يارب.. انا هبله يارب والنبي اقف معايا...
___________________________________
اما بالجانب الاخر..
كانت تقف بمطبخ المطعم وهي تمسك السكينه وتقطع البصل...
كيان وهي تبكي اثر البصل: والله ي زمن وجيت علينا.. ااااه والشوك ف عنينا ي زمن.. اااه...
اما هو كان يقف ع باب المطبخ وينظر اليها وحقا كاد ان يقع ارضا من الضحك علي هيئتها...
كريم وهو يحاول كبت ضحكاته: اي التاخير دا كله ي انسه... المفورض البصل دا يخلص خلال ساعه بقالك ساعه وعشر دقايق
كيان وهي تمسح عيناها: اتاخرت عشر دقايق بس.. يعني مش كتير وبعدين انت مش شايف انا عامله ازاي...
كريم: وانا مالي انتي ليكي شغل يخلص بسرعه ف معاده.. وبعدين انتي ازاي تردي عليا انتي اتهبلتي.. مخصوملك اربع تيام... وغسيل الاطباق عليكي...
كيان بغضب: هو اسمه اي دا انت مفكر انك كدا هتاخد حقك من الي عملته فيك..
كريم وهو يتقدم نحوها بكل ثقه: اخد حقي... انتي فاكره نفسك حاجه ليها قيمه ولا اي... انتي بالنسبالي زي دي كده...
نظرت الي ما يشير اليه لتجده سله القمامه...
كيان بغضب: انت مهما تعمل هتفضل مكسور عشان انا رفضتك...
كريم بابتسامة مستفزه: امممم وانتي فاكره ان انتي كدا كاريزما... لا هو كل الي حصل انك خوفتي مني..
كيان: خوفت منك... تصدق ضحكتني..
كريم: طب كويس اهو هونت عليكي الشغل يلا كملي بق عشان لسه عندك غسيل اطباق.. ومسح المطبخ..
هنا نادى النادل... علي كريم..
النادل: كريم بيه في انسه برا عايزه حضرتك..
كريم: اوك جاي اهو..، بالتوفيق ي شباب ياريت تساعدوها عشان هي حتي ف تقطيع البصل فاشله..
خرج كريم من المطبخ وهو يستحلف لها ان هذه هي البدايه فقط...
كيان: ماشي... ماشي.. لما نشوف اخرتها اي..
خرج كريم ليجد هذه الفتاه التي طلبها مخصوص لتلعب معه خطته...
كريم: ايوه...
الفتاه بدلع: انا هيام...
كريم: اه انتي الي بعتها فهمي...
هيام: ايوه انا..
كريم: تمام اقعدي.. عشان اقولك ع الموضوع...
حكي كريم لهيام خطته بسرعه..
هيام: يعني المطلوب مني اني ادلع واقرب منك واعاملها وحش لما تيجي..
كريم: بالضبط... وزودي فيها بق ع قد ما تقدري..
هيام: بس كده دا الموضوع بسيط خالص...
كريم وهو يشير الي احدي الموظفات...
كريم: بقولك روحي نادي لكيان وقوللها تجبلي اسبريسو.. وتجيب قهوه تركي.. للانسه..
النادله: حاضر ي كريم بيه..
بعد قليل خرجت كيان وهي تمسح يدها من الماء وتتمتم ببعض الكلمات ليراها كريم ليقترب فورا من هذه الفتاه ويمسكها من خصرها ويهمس باذنها...
كريم بهمس: يلا اهي جايه علينا...
هيام بضحك: كيمو بقولك عايزين نتصور سيلفي مع بعض عشان انزلها ع الانستجرام.. عشان الفولوز يزيد...
امسك كريم هاتفها والتقط صوره لهما... لتأخذ منه الهاتف وتكتب عليها حوتييي🌍♥
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
