لعله القدر

Bart(2)

خرجت كيان ومعها خالد متجهين الي الجامعه...وبالشارع سمعت كيان صوت صديقتها منذ الطفوله...
شمس: كيان كيان... استني ي بت انتي..
كيان: شموستي حبيبتي وحشاني اوووي
احتضنت كيان وشمس بعضهم بشده...
شمس: بس ي كدابه مانتي مبتساليش خالص اهو..
كيان: مانتي عارفه الكليه مطلعه عيني والشغل كمان.. وبعدين حضرتك يعني الي فاضيه اوي دا انا كل ما اسال امك عليكي تقولي ي نايمه ي ف الكليه ف محشوره ف المسلسلات الزفت الكوري بتاعتك هههه
شمس بمرح: لا اسكوزميييي الا مسلسلاتي الكوري اه انا بقولك اهو دول حبايب قلبي دول...
خالد متدخل بالحديث: وانا اقول مش بشوف البت شمس ف الكليه ليه طلعت محشوره مع الكوريين😂
شمس بغضب طفولي: حتي انت ي خالد بقا كدا ماشي... شوف بعد كدا مين هيجبلك ساندوتشات الكفته...
كيان: يبقا انتي الي بتعلمي الولا ينحرف وياكل من برااااا تعالي دا انا هنفخك...
شمس بمرح: اجري ي سيد...
وسحبت ايد خالد وجرى الاتنين سوا...
بعد قليل كيان بضحك: خلاص ي هبله يلا عشان نركب الاتوبيس قبل ما يمشي...
________________________________
امام الجامعه...
كيان: يلا همشي انا بقا عشان فاضل عشر دقايق علي المحاضره وخايفه اتاخر...
خالد: يعني هتتاخري ع الجنه...
شمس: عنده حق والله دا انا وهو عندنا امتحان وواقفين اهو هههه
كيان بدهشه: امتحان امتحان اي...
خالد وهو يضع ايده علي فم شمس: ههه لا دي بتهزر امتحان اي... دي تقصد امتحان الشخصيه... يلا يلا انتي ي كيان هتتاخري..
كيان بشك: ماشي عشان متاخره بس...
بعد رحيل كيان..
خالد: يخربيتك انتي لسانك دا متبري منك.. انا مذكرتش كلمه وهي لو عرفت هتعمل مني بطاطس..
شمس: مش انت بتتريق علي الكوريين طب شوف بقا مين هيغششك انهارده يلا ي فاشل...
اخرجت شمس لسانها لخالد بطفوله ثم تركته ودخلت الكليه...
««««««««««««««««««««««
شمس الحسيني بنت جميله بمعني كلمه جميله عندها عيون سمرا فيها لامعه هاديه جدا تخطف الانظار عندها 19سنه بس دخلت المدرسه صغيره سنه ف هي نفس الصف مع خالد ونفس الكليه كمان صحاب هي وكيان من صغرهم عشان متربين سوا بتحب خالد اخو كيان وهو عارف بس بيتعامل عادي علي انها صحبته بس وهي عندها امل انه يحبها بما انها اقرب بنت ليه ف الكليه كلها والي طبعا كل البنات بيحسدوها عشان الوحيده الي قريبه من خالد التقيل الي مش معبر ولا بنت من الجامعه.....
»»»»»»»»»»»»»»»»»»»»»»»»»»»»»
دخل الاثنان الي السكشن عشان الامتحان...
اما بكليه كيان...
كانت بتجري بسرعه عشان تلحق المحاضره عشان دي اكتر محاضره بتحب دكتورها اييي... اقصد بتحب الماده دي يعني 🌚....
وهي بتجري خبطت ف واحد والكتب وقعت من ايده...
نزلت عشان تجبها وهو كمان وبتتأسف..
الشاب: يااااه انا شوفت المشهد دا ف افلام ومسلسلات وقريته ف روايات كتير اول مره اعيشه حقيقي...
بصتله كيان بدهشه وهي بتديله الكتب وراحت قالت الجمله دي وجرت: بطلو قرف بقا مليتو البلد... اي محن الكلاب دا...
اكملت جري بالممر حتي وصلت الي المحاضره...
دخلت كيان والدكتور كان دخل...
كيان بابتسامة خفيفه: بجد اسفه والله ي دكتور نادر اخر مره..
دكتور نادر: تمام.. اتفضلي ي كيان مع اني مش بحب حد يدخل بعدي بس عشان دي اول مره تتاخري علي المحاضره بتاعتي ادخلي...
كيان: شكرا..
دخلت كيان وقعدت جنب صحابها والي هما اقرب حد ليها روضه و شهد و نور...
نور وهي تقلد الدكتور: عشان دي اول مره تتأخري علي المحاضره بتاعتي...
روضه بضحك: هيييح مانت لو تعرف مش بتتأخر علي المحاضره دي بذات ليه مش هتقول كدا.😂
شهد: بس بقا انتي وهي انتو هتحفلو ع البت اخرسو...
كيان: والله حبيبتي ي شهوده...
شهد: قلبي ي ناس.. بعد المحاضره نحفل براحتنا اشطا😂😂
ضحكت روضه ونور بشده حتي سمعهم الدكتور..
نادر: الله الله طب ما نقفل المحاضره ونفتحها كباريه بقا اي المسخره دي ي انسه انتي وهي..
روضه: اسفه ي دكتور اخر مره...
نادر: مفيش حاجه اسمها اخر مره... اتفضلي برا انتي وهي..
وقفت كيان وتحدثت: بعد اذنك ي دكتور نادر المحاضره مهمه ولازم يحضروها اوعدك اخر مره هيتكلمو..
نادر: وانتي بدافعي عنهم ليه... سبتي كليه الطب وبقيتي ف حقوق ولا حاجه...
كيان بأسف: انا اسفه بس...
نادر: اتفضلو انتم التلاته برااا، وبعد المحاضره تيجم المكتب بتاعي فاهمين يلا...
وقفت شهد بغضب: هو اي الي برا برا برا كل دا عشان ضحكنا شويه... اي حضرتك مبتضحكش..
نادر بثقه: عارف انك بتعملي كدا عشان تطردي معاهم بس كدا عنيا حاضر برا انتي كمان...
شهد بابتسامة بلهاء: تسلم ي دكتره مش عارفه والله من غيرك هيفهمني كدا هههه 🤣
ضحك جميع من بالمحاضره عليها....
نور: يلا ي كيان اطلعي...
كيان والدموع بعيناها: بس...
روضه: كيان عدي شكلنا وحش كدا يلا...
خرجت كيان ونور وشهد وروضه يدفعاها لتتحرك كانت تخرج و هي تنظر اليه بدموع لعله يتراجع.. ولكن لا انه قرار نهائي...
خرج الاربع فتيات الي الخارج...
نور: كتك داهيه وانت عايز تضرب بشبشب الحمام كدا...
شهد: لا والله بالجزمه بتاع ستي...
روضه: اخرسي بقا انتي وهي كيان بتعيط...
شهد: مهي هبله بتحبي فيه اي دا...
نظرت كيان اليها بغضب وتركتها و رحلت...
روضه: ي شهد بقا انتي كل شويه كدا... مانتي عارفه كيان بتزعل بسرعه...
نور: طيب يلا نروح بس عشان نشوفها....
________استوووب نتعرف بقا بكل دول______
نادر الخولي: شاب وسيم للغايه عيناه بلون العسلي شعره بني للغايه طويل وجسده رياضي للغايه عمره 27 سنه بعد تخرجه من الجامعه وسفره للخارج عاد وتعين دكتور بالجامعه عنيد للغايه واثقه من نفسه جدا يمرح بعض الاحيان ولكن بعيد عن المحاضرات الهامه بشرته مائله الي الخمري قليلا لديه ابتسامه تأثر القلوب.... تحبه كيان ولكنه لا يعلم هذا...
~~~~~~~
روضه العوضي: صديقه كيان من اول يوم بالكليه مرحه جدا ولكنها جديه للغايه وقت الجد متفوقه بالدراسه جمالها طبيعي ولكن تتميز بضحكتها التي تجعل عيناها تغلق وتظهر غمازاتها... عائلتها ثريه بعض الشيء...
شهد المهدي: صديقه كيان ايضا منذ اول يوم يالكليه مجتهده جدا ولكنها مرحه للغايه تحب الجميع وجريئه كثيرا لا تهاب احد ولا تخاف من نتيجه اي شيء شخصيتها قويه جدا تمتلك عيون بنيه غامقه مائله للاسود وطابع حسن بسيط بذقنها تحب الجميع لكن تجرحهم بحديثها دون قصد...
نور الطيب: صديقه كيان منذ فتره ليست كبيره ولكنها اقتربت منها كثيرا واصبحت من الشله والدها يمتلك عده مستشفيات ومراكز للعلاج الطبيعي لذلك كانت مجبره علي دخول تلك الكليه رغما عنها.. عيناها عسليه وهي بيضاء جدا وتمتلك جسد مثالي
جميله للغايه لذلك تخطف انظار الجميع فور دخولها الجامعه...
(كلهم محجبات مع عدا نور شعرها كيرلي والوحيده التي تمتلك سياره فيهم...)
__________نرجع تاني بقا__________
كيان وهي تبكي بالكافيه: سبوني ف حالي بقا ممكن
شهد بحزن: خلاص بقا ي كيان عشان خاطري مكنتش اقصد والله
روضه: ي كيان بقا حقك عليا انا طيب هي كانت بتهزر...
نور بمرح: طب اجبلك شاورما معايا ومتزعليش..
ابتسمت كيان لتكمل نور: ايوه كدا هو الاكل بينسي الزعل هروح اجيب الشاورما والبيبسي واجي...
♡♡♡♡♡♡♡♡♡♡♡♡♡♡♡♡♡
وبمكان اخر بعيد عن الجامعه تماما... بقصر عائله البحيري الذي يعتبر من اجمل القصور رغم سواده ليس سواده بمعني حرفي ولكن دائما ما تكون الستائر مغلقه والقصر بالداخل يسوده الالوان الباهته حتي انه يوجد بعض الغرفه التي بلون الاسود فعلا وبعض الستائر السوداء...
وباحدى هذه الغرفه استيقظ هذا الشاب الذي يرتعب منه الكثير من نظرته فقط...قام من فراشه وتوجه الي المرحاض لينال حماما دافئا...
بعد قليل خرج وهو يلف المنشفه حول خصره فقط لتظهر عضلاته وصدره القوي لتدخل امه بغضب..
منال بغضب: اخيرا الاستاذ فاق... انا هفضل الم ف مصايبك لحد امتي انا مش فاهمه...
نظر اليها نظره جعلتها ترتجف ولكن اكملت: كريم انا بكلمك رد علياا😡
كريم: لو رديت هتزعلي من ردي..
منال: افندم..
كريم بغضب: اولاااا محدش سمحلك تدخلي الاوضه علياااا ثانيا مخبطيش علي الباب قبل ما تدخليييي ثالثااا محدش يعلي صوته علياااا.... 😡
منال بخوف وهي تتراجع: كريم انا مش حد انا امك ودا بيتي وادخل اي مكان فيه وقت ما احب...
كريم: تمام بيتك انا اصلا مش قاعدلك فيه هرجع الفيلا بتاعتي بس يومين اطمن علي بابا وهغور من وشك...
منال بغضب: ابوك لو عرف الي انت بتعمله هيروح فيها انت ناسي ان تعبه دا بسببك اصلا...
كريم: ليه يعني كنت عملت اي...
منال: مش عاااارف عملت ايييي ولا حاجه بس دخل عليك المكتب لقاااك بتبوس بنت صاحب عمره ولما قالك اتجوزها قولتله لا متجوزش واحده غلطت معاياااااا عايزه يسمع كل دا ويفضل كويس.. 😡
كريم بلا مبالاه: هي الي واحده زباله وباعت نفسها اعملها اي
منال: منك لله علي الي بتعمله داااا اي البرود دا انت ناسي ان عندك اخت...
كريم: لا مش ناسي بس اختي متربيه كويس مش زي باقي البنات سهله...
منال: ربنا هيوريك يوم واحده تلحسك التراب ي كريم وهتجيب حق كل البنات دي...
كريم بضحك هستيري: هههههه لالا بجد ضحكتيني انا كريم البحيري بنت تعمل فيا كدا يلهووي بجد فصلت🤣🤣🤣🤣🤣
منال: بكره تشوف ي كريم... واتفضل حل المصيبه التانيه مين دي
اعطته منال الجهاز اللوحي لينظر ليجد صوره له مع احدى الفتيات وكتب عليها كريم البحيري مع فتاه جديده مره اخرى.....
كريم بضحك: ههههه هو دا طب اي الجديد فعلا هي كانت معايا...
منال: يارب صبرني انا هتشل هروح اشوف ابوك واخواتك احسن...
خرجت منال واكمل هو ارتداء ملابسه...
~~~~~~~~~~~~~~~~~~~~~~~~~
نزل كريم بعد قليل الي اسفل وتوجه الي الحديقه حيث كانت تجتمع عائلته لتناول الفطور...
كريم: Good morning
انچي: اسمها صباح الخير ي اخويا...
كريم: بس ي بت اتكلمي انجلش ارقى..
انچي: انجلش ارقى لغتنا ضاااااعت ضاااعت مصريتناااا وعربيتناااااا...
كريم بضحك علي اخته: باااس خلاص صباح الخير هههه🤣
انجي: صباح الورد ي كيموو 😚
كريم: صباحك فل ي قلب كيموو، صباح الخير ي بابا..
منير والد كريم بغضب: وهيجي منين الخير والبيه نايم لحد دلوقتي...نفسي افهم الاستاذ مش بيروح الشركه ليه...
كريم: يوووه بقا ي بابا نفس الاسطوانه دي كل يوم بابا انا كلامي نهائي انا مليش دعوه بشغل الشركه خالص تمام انا هكمل سلسله المطاعم والكافيهات بتاعتي وهتكون ملكي انا وبأسمي انا ولقبي اناااا
منير باستهزاء: هه وانت مسمي دا شغل.... بقا انا منير البحيري ابني يسيب البيزنس ويفتح كافيهات.. ولقب لقب اي الحوت ماشي ي حوت وريني بقا هتعمل اي لما اقلب عليك😡
كريم بغضب: انا مبخدش اوامر من حد انا الحوت تمام ي منير بيه وشغلي واحلامي هنفذها بيك او من غيرك ولو علي الشركه ما اياد ماسك الشغل كله فيها هو اشتكالك...
منير: دا اخر كلام عندك ي كريم ماشي ي كريم هتشوف لو انت الحوت ف متنساش انا مين.. 
نظر كريم اليه بغضب ثم رحل تاركا اياه ركب سيارته الرياضيه وتوجه الي مطعمه الجديد الذي فتح منذ اسبوع فقط...ولكن ماذا ينتظره هناك؟؟
يتبع.....