نحارب من اجل ما نريد اليس كذلك؟ اذا لما نشكوا من الالام الحرب والحزن علي الخسائر... اليست هذه الحرب من اجل ما نحلم به؟ اذا لننتظر النتيجه بسكينه وهدوء...🤍
~~~~~~~~~~~~~~~~~~~~~~~~~~~~~~~~
لنعود مره اخري الي فيلا نور...
بعد ان اجتمع الجميع وتناولوا طعامهم بشراهه اثر جوعهم الشديد.. وتحت ضحك ومرح مع بعضهم البعض...
نظرت كيان اليهم ثم تحدثت بجديه..
كيان: جماعه عايزه اقول حاجه مهمه...
نظر الجميع اليها بانتباه...
كيان: احم.. انا.. انا جايلي عريس...
ضحك الجميع بشده ما عدا شمس لانها تعرف كل شيء..
كريم بضحك: اي دا بجد هههه والله طلع دمك خفيف
شهد بضحك: اي ي بنتي دا ما كلنا عارفين ان خلاص استاذ حوت وانتي هتتخطبوا اي الجديد..
نظرت شمس الي كيان بحزن لتقف كيان بغضب.
كيان: اه انا فعلا هتخطب بس لنااادر مش كريم...
هنا اتحل الصمت المكان ووقف كريم بعدم فهم...
كريم: عيدي كدا الي قولتيه عشان شكلي سمعت حاجه غلط...
كيان بتوتر: لا سمعت صح... انا ونادر هنتخطب قريب و... وكمان انا... انا بحبه...
هنا اقترب كريم منها بغضب ونظرات حارقه تشتعل كالنيران...
تراجعت كيان الي الخلف عده خطوات ليقترب هو اكثر ويمسك ذراعها بقوه وغضب..
كريم بغضب: يعني اي الكلام داااا...
نور بخوف علي كيان: كيان ي حبيبتي انتي بتهزري صح...
شهد: اكيد بتهزر ي نور نادر مين نادر اي دا اصلا ميعرفش عنها حاجه هيخطبها ازاي...
روضه: استنوا بس ي جماعه نفهم وانت نزل ايدك ي كريم مينفعش كدا...
اياد متدخل: كريم سبها مينفعش كده بجد... ابعد..
كريم بغضب: اقسم بالله لو حد ادخل ليشوف يوم اسود من حياااااته محدش ليه دعواااا انا بكلمهاا هييي....
شهد: ي كريم اهدي بس اكيد كيان بتهزر مش كدا ي كيان... ما تتكلمي ي شمس قوليله...
نظرت شمس الي الارض بخوف...
نور: اي دا يعني اي...
كيان محاوله التماسك وهي تبعد يدها عنه بقوه: اوعااا ايدك كدا... واياااك تمد ايدك عليااا تاني انت فاهم... وغير كدا اسمعوا كلكم اهو نادر كلم خالد وخد معاه معاد عشان نحدد الخطوبه وقاله انه بيحبني وانا قولت لخالد اني موافقه علي نادر... والموضوع دا يخصني انا بس مفهووو....
لم تكمل جملتها لتكسر الفازه اثر ضرب كريم لها... لتتحطم ارضا...
كريم بغضب وصوت عالي: يخصك انتي صح... مش كدااا تماااام تمام اوووووي....
تحرك عدت خطوات ثم عاد اليها...
كريم: احذريني ي كيان... احذرييييننيييييي......
كيان بقوه: انت بتهددني يعني... اعلى ما ف خيلك اركبه ي حوت انا مش عيزاااااك...
كريم: هتشوفي ي كيان هتشوفي... اما بالنسبة لحبيب القلب لو عاش يوم واحد ابق اتخطبيله تمام..
كيان بقلق: انت هتعمل اي...
كريم: هتشوفي....
خرج كريم بغضب وركب سيارته...
كيان بخوف: اياد محمد ما تتحركو شوفوه هيعمل اييي... انتم واقفين ليييه...
اياد: محدش يقدر يوقف الحوت ي كيان...
كيان: يعني اي... هو هيعمل اي...
احمد: محدش عارف صدقيني بس نصيحه مني فكري تاني ف الي قولتيه دا...
محمد: احمد معاه حق ي كيان...حقيقي كريم بيحبك يمكن هو نفسه مش مقتنع بس هو بيحبك اوي كمان وهتندمي جامد لو بقيتي مع نادر دا اسمعي مني...
نور: كيان انا اصلا مش فاهمه ازاي دا حصل..
شهد: ولا انا وبعدين شمس انتي عارفه وساكته...
شمس: مهي قالتلي مقولش حاجه وهي الي هتقول وانا فكرت هتقول لما الشباب يمشوا يعني هنكون بنات لوحدنا...
روضه: عملتي كدا ليه ي كيان...
كيان: عشان دا الصح انا وهو مينفعش نكون سوا..
هنا وقف ماهر بطوله الفارع: وانتي حكمتي علي دا من ايه بق...
كيان: من اختلافنا من تفكرنا من كل حاجه وبعدين انت مين اصلا عشان تكلمني وتسألني...
نور: حقه ي كيان انتي جرحتي واحده من اقرب الناس ليه...
ماهر: بعيد عن كدا ي نور مش هي بتقول حاجه وقالتها قدام الكل يبقا تبرر للكل..
كيان: وانت ماااالك اناااا حرراااا
ماهر: حره دا لو كنتي حليتي الموضوع ودي بينكم انتم بس مكنتيش قولتي قدام الكل...
كيان: تمام انا وكريم باختصار مش مناسبين لبعض..
ماهر: والسبب...
كيان: عشان مش. شبهي، دا واحد حياته كلها بنات وسهر وانا واحده الوحيد الي حبته ف حياتها دكتورها ف الكليه.. وكانت من البيت للجامعه ومن الجامعه للبيت مليش حد غير نور وشمس وروضه وشهد وهو عارف الناس كلها بنات وشباب... انا وهو من اول يوم شوفنا بعض فيه خناق ومشاكل وعداوه مستمره... انا وهو مش ليقين علي بعض.. دا غير طبعا انه ممضيني علي شيك ومهددني بالسجن.. دا حتي عايزه يخطبني عشان يرضي غروره مش اكتر مش حبا فيا مثلا...
بكت كيان وجلس مكانها...
ماهر: بصي ي كيان اسمعي مني الكلمين دول كويس اوي... كريم مش وحش نهائي حتي لو قربتي منه وعرفيته بجد وعرفتي توصلي للشخصيه الي جوا قلبه مش هتصدقي ان دا الحوت الي الكل شايفه قاسي معندوش دم وبارد وتافهه ومش باقي ع حاجه.. كريم حرفيا جواه طفل.. عنده حنان الدنيا كله لو عرفتي تحتويه لو طلبتي روحه بعدها مش هيتأخر عنك.. اقولك حاجه بسيطه اديله فرصه.. فرصه لمده معينه وشوفي..
كيان: فرصه اي هو امتحان... انا شايفه المناسب ليا نادر...
شهد بغضب: يحرق نادر علي الي جابو نادر... هو في اييي.... يعني بعد الي عرفتيه عنه ولسه برضو... نظرت كيان الي شهد بغضب...
كيان: شهد اسكتي...
شهد: لا مش هسكت عشان انتي تقريبا معمولك عمل ع خف جمل... انتي فاهمه انتي بتعملي اي... انتي عارفه انك جرحتي واحد كنت لسه بتضحكي وبتهزري معاه... واحد عشان محدش يتكلم عليكي كلمه وحشه ويفكروكي زي اي بنت صورها اتنشرت معاه قال عايز اتجوزك... فاهمه يعني اي هو خايف عليكي ومش عايز حد يجيب سيرتك بحاجه وحشه بالعكس بقيتي ترند السوشيال ميديا الفتاه التي رودت الحوت... يعني انتي الي خدتي قلبه وبعد ما خدتيه دوستي عليه وكسرتيه....
صمتت شهد قليلا... ثم نظرت اليها مره اخري...
شهد: اول مره اشوفك بالقساوه دي... ازاي قدرتي تعملي كدا...
كيان بصراخ ف شهد: كفاااايه كفاااااايه ايييي مانتم كلكم كنتم رفضين الي بيعمله فيا صح...
روضه: اه كنا رفضين بس مكناش شوفنا نظراته ليكي ولا سرحانه وهو بيبصلك... ولا لهفته وضحكته الي طاله من قلبه وهو جنبك...
نور: روضه معاها حق هي وشهد ي كيان انتي جرحتيه اوي..
شمس: خلاص في اي انتم كلكم عليها اسكتوا شويه الي حصل حصل المهم دلوقتي نشوف كريم راح فين..
اياد: فونه اتقفل ربنا يسترها بق...
ماهر: يلا ي شباب عشان نمشي...
احمد: يلا ي روضه عشان اوصلك...
روضه: لا مش لازم هستنا شويه هروح مع شهد..
احمد: تمام خلي بالكم من نفسك.. يلا...
تحرك الشباب الي الخارج.. وركب كل منهم سيارته ماهر ومحمد واتجهوا محاولين الوصول الي كريم..
___________________________________
كيان: انا عايزه اروح..
شمس: تمام ي روحي يلا...
شهد: هتروحي صح... هتروحي وتنامي بعد ما كسرتي قلب واحد والله اعلم هيعمل اي ف التاني..
لفت كيان بغضب واتجهت الي شهد و صرخت في وجهها...
كيان بغضب: اسكتي بقاااا اسكتي انتي عايزه ايييي حرااام عليكي كفاااايه....
شهد: مش هسكت لحد ما تفوقي من الغيبوبه الي انتي فيهاااا... اقولك ي كيان خلي نادر ينفعك...
تحركت شهد وخرجت من الفيلا جرت روضه خلفها..
روضه وهي تجري: استني ي شهد هروح معاكي...
نور وهي تحتضن كيان : كيان.. اهدي عشان خاطري شهد والله خايفه عليكي مش اكتر.. هي بس مش بتعرف تعبر صح.. دبش شويه... مانتي عارفه...
كيان ببكاء: زودتها اوي اووي بجد انا مكنتش اقصد.. مكنتش اقصد اجرحه ولا قصدي اذي حد والله...
ضمت شمس ونور كيان حتي هدأت قليلا...
نور: تحبي اجي اوصلك...
شمس: لا خليكي ي نوري بس اقفلي علي نفسك كويس تمام... واحنا اول ما نوصل هنتصل نطمنك..
نور: خلاص تمام... خلي بالكم من نفسكم..
خرجت شمس وكيان الي الطريق وركبوا تاكسي واتجهوا الي بيتهم...
_________________________________
وعلي الجانب الاخر..
وصل كريم الي هذا المكان الذي يغطيه الظلام بشده.
كريم لرجاله: جبتوه ولا لسه...
احد الرجال: جايين ف الطريق ي كريم بيه..
كريم بغضب: خمس دقايق لو مجاش قدامي حالا هقتلكم..
الرجل: دقايق ي باشا وجايين...
فتح كريم هاتفه.. ليجد العديد من المكالمات...
هنا اتصل ماهر...
كريم: الو.. في اي هو انا تايهه اي كل الرن دا...
ماهر: انت فين ي كريم.. اوعا ي كريم تعمل حاجه..
كريم بضحك: هههه لالا متخفش... ولا ف بالي خالص اصلا.. يعم انا بس مضايق شويه بس اكيد مش هعمل حاجه...
ماهر: حوت...
كريم: ي صحبي ولا ف بالي اصلا انا بس اضايقت عشان قالت الكلام دا قدام الكل وعملتني المسرح بتعاها وكدا.. بس لا متخفش كله كلام انا حتي دلوقتي ف مكان بحبه وقاعد مع نفسي اهو.. هشم هوا واجي..
ماهر: مش مطمن بس ماشي.. حوت.. بجد...
كريم: يلا ي صحبي طمن العيال دي عليا قولهم عايش لسه مش هنتحر عشانها يعني...
ماهر: خلي بالك من نفسك ي حوت اشطا.. الصبح هجيلك الكافي...
كريم: لا خليها الظهر كدا ي حب عشان ورايا مشوار بدري كدا هخلصه واجي..
ماهر: مشوار اي..
كريم: بعدين هتعرف بس حوار كدا خلصا..
ماهر: حوت بقا نقول اي خلصا ي صحبي سلام..
اغلق كريم المكالمه واغلق الهاتف معه...
ثواني وفتح باب هذا المخزن المظلم الذي يقف فيه مع رجاله..لتدخل سياره سوداء ليهبط منها بعض الرجال ومعهم هذا الشخص الذي قيدوه بشده واخفوا وجهه بقناع اسود..
كريم بإبتسامة: اخيرا... لو كنت اتاخرت شويه كمان كنت هقتل كل دول تخيل...
الشخص: انت مين وعايز مني اييي
كريم: استنا بس شويه كدا.. علي ما التاني يجي...
الشخص: تاني... تاني مين... انا مش فاهم حاجه..
كريم: اصبر بق... وبعدين هتفرح لما تعرف انا مين..
هنا دخلت سياره اخري وهبط منها بعض الرجال ايضا ومعهم شخص ما مقيد ومغطاه عيناه بشريط اسود ولكن مضرب بشده وتسيل الدماء من فمه وراسه وجسده...
كريم: بالضبط اي دا لالا انا الرجاله بتوعي موعدهم مظبوطه... بس صحيح ما هما جيبين دكتور بقا...
الشخص الاخر بضعف: انت... انت مين...
كريم وهو يقترب منه ورفع الشريط من علي عينه : Surprise...
نظر الرجل الي كريم بعين شبه مغلقه: ك... كريم..
كريم: تؤتؤ انت متقولش كريم.. انت تقول الحووووت..
اشار كريم لرجاله لرفع الغطاء من اعلي راس الشخص الاول...
الشخص: كريم... انت... انت بتعمل اي... وليه جايبني بالشكل دا...
كريم بضحك: sorry ي خالود انت السبب او بمعني اوضح... اختك السبب.. قالتلي انك وافقت علي.. الزباله دا... وانها هتتخطب له ف جبتك عشان اسالك وطبعا بما اني كنت متعصب جامد.. بعدت رجالتي بس هما اغبيه ف التعامل شويه اهم حاجه محدش فيهم لمسك صح...
خالد باستهزاء: لا بس رعبوني شويه وحسيت نفسي ف فيلم اكشن... انت خطفني علي فكره...
كريم: خالود حبيبي... اجمد كدا وبعدين تعالى قولي بقا انت موافق ع الحشره دي لكيان...
نظر خالد نحو الرجل الواقع ارضا...
خالد بصدمه: ثواني ثواني مش دا دكتور نادر..
كريم متصنع الدهشه: اي دا بجد ثواني كده..
اتجه كريم الي اليه وهو يرفع راسه ونادر يتألم بشده اثر الضرب الذي وقع عليه...
كريم: اي دا تصدق معاك حق هو دكتور بتاع الي انت قولت عليه دا... تؤتؤ اي الي حصله دا ثواني كدا نشوفه عايش ولالا...
شد كريم شعر نادر بقوه شديده ليصرخ نادر من الالم..
نادر: ااااااه.... والله لتشوف ي...
لم يكمل جملته ليضربه كريم بقدمه بشده...
كريم: صوتك لو طلع تاني هتموت فااااهم....
اتجه خالد اليه بغضب وهو يبعده عنه..
خالد: انت بتهبب اي ابعد هيموت ف ايدك اي الي بتعمله دا....
كريم: ابعد ي خالد ابعد دا حيوان و زباله وبيلعب ع كيان ولعب ف دماغها وفهمها انه بيحبها...
ضحك نادر بالم وهو يمسح الدماء التي تسيل من فمه..
نادر: هههه بتضحك عليها...انت... انت بتضحك علي نفسك ولا ع... مين... كيان بتعشقني...
كريم بغضب: اقسم بالله هموتك هموووووتككككك
امسكه خالد بقوه ودفعه الي الخلف وصرخ بغضب..
خالد: هو في اي انت هو انتم بتتخانقوا علي اختي قدااامي ايييي...
كريم: اختك ليااا ي خالد فاااهم...
نادر: بتحلم...
كريم: كياااان ملكيييييي....
نادر: بتحبنيييي...
هنا اتجه خالد اليه ولكمه بوجهه بشده ومن ثم اتجه باتجاه كريم..
كريم: ايوه اضربه دا حيوان...
ثواني ونزله لكمه بوجهه ايضا...
كريم وهو يضع يده علي فمه اثر الضربه: اااه انت بتعمل اييي..
خالد بغضب: اقسم بالله لو واحد فيكم قال كلمه زياده علي كيان لولع فييييه.....
كريم: خالد انت عارف اني بحبها وعايز اخطبها صح..
نادر: بس شوف بقا هي عايزه مين..
خالد: باااااس... انا ماشي... كتكم القرف.. وانت ي حوت باشا فكه وسيبه يمشي...
خرج خالد من المكان واتجه الي منزله... اما كريم نظر الي نادر الساقط ارضا...
كريم: دخلوه جوا واربطوه وهي كبايه ميه واحده ف اليوم ووجبه واحده ليه فاهميييين....
الرجال: فهمين ي كريم باشا...
خرج كريم بسيارته من المخزن واتجه الي قصر البحيري...
_______________________________
بصباح يوم جديد...
استيقظ الجميع بعقول مشتته لما حدث بالامس..
كيان: الحمدلله الذي احيانا بعد ان اماتنا واليه النشور... يارب يسر امري واختار لي الخير يارب انا تايهه..
قامت من سريرها واتجهت الي الحمام لتتوضأ وتصلي...
طرق باب غرفتها وكانت مستمره بالصلاه ف فتح خالد و دخل..
بعد قليل..
خالد: تقبل الله..
كيان: منا ومنكم.. شكرا...
خالد وهو يقترب منها: اممم... شكرا حاف كدا..
كيان وهي تتجه الي دولابها: اومال احطلك عليها كاتشب..
اقترب خالد منها وقبل خدها..
خالد: لا بس كنتي بتحطي عليها سكر كدا..
كيان: كان زمان بقا..
خالد: زمان ودلوقتي وبعدين ودايما.. مش انا ابنك برضو...
كيان: اه ابني الي مد ايده عليا امبارح وضربني بالالم وقالي انتي كدابه صح..
ترقرقت الدموع بعيناها ليحتضنها بشده...
خالد: انا اسف ي كوكي وحياتي عندك متزعليش حقك عليا... اول واخر مره..
كيان: انا كدابه ي خالد... انا.. انا تضربني... من غير ما تسمع مني...
خالد: انا اسفه ي ست البنات... انا حيوان وغبي ومش بفهم كمان... حقك عليا والله... مش عارفه انا عملت كدت ازاي...
كيان: انا والله ما كدبت ي خالد انا فعلا بحب نادر.. اه الي حصل ان كنت فاكره ان نادر مش بيحبني ولما كريم قالي انه بيحبني انا حاولت احبه وعشان كدا حصل سوء التفاهم دا...
خالد: يعني انتي دلوقتي عايزه تفهميني انك بتحبي نادر وكريم لا.. طب عيني ف عينك كدا..
كيان بغضب: هو انتم ليه مقتنعين اني بحبه..
خالد: عشان حقيقي باين ف عينك ي كوكي عينك بتلمع لما بنتكلم عنه بس ما بالك بقا لما بتشوفيه..
كيان: خالد ي حبيبي انا عندي محاضرات بدري.. وياريت تصحي ساره تقولها تقوم تروح الكليه عشان الورق... واخر قرار انا موافقه علي نادر انا حاسه ان دا الصح..
خالد بحزن: اخر كلام ي كوكي..
كيان: ايوه اخر كلام..
خالد: طب بصي انا همشي معاكي للاخر بس نصيحه مني اهو صلي استخاره...
كيان: طيب ان شاء الله بس انا شايفه ان مفيش داعي لان انا كدا كدا عايزه نادر.. خلاص الموضوع كدا... بح مفيش كريم...
خالد: اووف خلاص تمام ي كوكي متضايقيش.. تعالي
ضمها خالد مره اخري اليه.. لتدخل ساره بشعرها المنكوش...
ساره: اي دا وانا لا... خدوني معاكوووو..
كيان بخضه: بسم الله الرحمن الرحيم... بيطلعوا امتي دول بت انتي مش كنتي نايمه...
خالد وهو يشدها من شعرها: ومش قولنا ميت مره زفت الشعر السنغال دا ميتعملش تاني...
ساره: جرا اي ياض انت وهي انتم اتصلحتوا هتتفقوا عليا ولا اي لا.. دا انا...
خالد وكيان: هااا انتي اي بق...
ساره: دا انا بحبكم اوي انا اي يعني... هههه محدش يهزر معاكم.. هروح اجهز الفطار...
خرجت ساره وخلفها خالد لترتدي كيان ملابسها.. بعد قليل خرجت كيان وهي ترتدي دريس لافندر.. 💜
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
