ماذا ننتظر من هذه الحياه..، المال، الحب، الزواج، المرح، العمل، النجاح، الاطفال، اننا نريد كل هذا حقا ولكن هل تعطينا الحياه كل ما نريد...
__________________________________
شهد: ماما ماما فوقي والنبي...
اياد وهو يخرج هاتفه: انا هكلم الدكتور..
شهد: اسكت خالص انت السبب
اياد بغضب: هو دا وقته
شهد: ماما ي حبيبتي اصحي بق عشان خاطري
والد شهد: حبيبتك...؟ حبيبتك ازاي وانتي راجعه بمصيبه وبتقوليها عادي
اياد: مصيبه... مصييه اي هو انا بقول لحضرتك انا غلطت معاها دي مراتي اقسم بالله مراااااتيييي
هنا عادت والدت شهد الي وعيها...
والده شهد: م.. م... مراتك... يعني انا مش بحلم...
شهد: ي ماما عشان خاطري اهدي واسمعيني...
وقفت ام شهد بغضب: اهدا و اسمعك... ليه... ليه عملتي اي عشان اسمعك عملتي اهميه ليا او لابوكي..
شهد بحزن: انا.. مكنتش عايزه اتجوز وائل دا عشان انا... انا بحب اياد ي ماما.. وانتم اجبرتوني اقعد مع معاه.. وكمان حددتوا معاد الخطوبه غصب عني...
الاب بغضب: ف قولتي انتقم منهم و اكسر كلمتهم واخلى شكلهم زفت قدام الناس واتجوز من وراهم..
اياد متدخل: ي عمي ممكن بس تهدا ونقعد نتكلم وانا اوعدك انك هتقتنع بكلامي..
شهد وهي تمسك يد والدها: بابا عشان خاطري اسمعه وبعدين اعمل الي انت عايزه...
الاب بحزن ويأس: اما نشوف اقعد..
جلس الجميع وبدأ اياد بالحديث معهم...
________________________________
وبمنزل روضه..
روضه: ماما ماما انا جيت...
الام: ي قلبي ي بنتي وحشتيني وحشتيني اوووي
روضه: وانتي كمان وحشتيني ي ست الكل...
الام: حماتك هتحبك تعالى الاكل ع السفره...
سحبت ام روضه يد ابنتها الي السفره...
روضه بعد ان جلست: امممم اومال خالو فين..
الام: بيغسل ايدو وجاي اهو.. يلا افتحى بوقك خدي صباع المحشي القمر دا..
روضه بضحك: اي ي ماما هو انا لسه بيبي ولا اي..
الام: اه وهتفضلي بيبي بالنسبالي...
جاء خال روضه لتجري عليه وتحتضنه بحب ابنه لاباها...
روضه: خالو حبيبي وحشتني..
خال روضه: وانتي كمان ي قلب خالو.. البيت وحش من غيرك ي رودي و امك مطلعه عيني..
روضه بمرح وهي تشد خدود امها: بق الملبن دا مطلع عينك... تيجي ازاي دي..
خالها: يلا الاول بس عشان ناكل واقع مالجوع...
روضه: بالف هنا ي حبيبي.. يلا..
جلس الجميع وبعد عده دقائق تحدثت روضه بخجل
روضه: احم.. احم.. ماما خالو كنت عاوزه اقولكم علي حاجه كده..
ام روضه: بعد الاكل ي رودي مش حالا..
روضه: بس حاجه مهمه...
خال روضه: امك قالت بعد الاكل بلاش عند بق..
روضه: اوووف لا انا هقول وانتم بتاكلوا كدا..
الام: بت متعصبنيش عليكيي..
روضه وهي تاكل صباع محشي: انا... انا... جايلي عريس...
الام والخال نظروا اليها بدهشه....
روضه: في اي مالكم...
الخال: لا ي بنتي بس استغربنا..
روضه: ليه يعني
الام : يعني انتي كل مره كنا بنجيب فيها سيره جواز او خطوبه كنتي بترفضي من غير ما تشوفي الشاب حتي وتقولي لسه بدري لسه بدري..
روضه: انتي عارفه اني كنت بقول كدا عشان بابا..
الام: و اي الي اتغير دلوقتي...
نظرت روضه الي الارض بخجل: عشان عشان حاسه ان هو كويس و...
خال روضه مختصر الحديث: بتحبيه؟
نظرت له روضه فورا بصدمه من السؤال...
الام: ردي علي خالك بتحبيه..
روضه وهزت راسها موافقه..
الام: تعرفيه يعني.. من زمان..
روضه: من حوالي شهر او شهرين كدا..
الام: شهر او شهرين ومخبيه عليا ي روضه..
روضه بحزن: مش قصدي والله ي ماما بس انا مكنتش مصدقه اني بحبه وكنت عايزه اعرف هل هو بيحبني ولا اي..
الخال: وعرفتي..
روضه بفرح: اها عرفت..
خالها: ازاي..
روضه بخجل: احم.. يعني هو جه اتكلم معايا وقالي انه بيحبني وعرض عليا الجواز..
الخال وهو يقف: الجواز مره واحده..
روضه: اممم اه..
الام: اسمه اي ي بنتي..
روضه: احمد...
خالها: بيشتغل اي..
روضه: مدير مطعم وكافي الحوت... المسؤل عن الاداره وشريك مع الحوت..
الام بفرح: بجد..
روضه: اه والله
خالها: بصي ي بنتي انا ربيتك من بعد ابوكي وعمري ما زعلتك ولا كسرت قلبك ف مره ولو انتي شايفه انه مناسب وابن ناس وكويس خليه يجي يتقدم ونقابله ونتعرف ونشوف والي فيه خير يقدمه ربنا وان شاء الله بدال هو غرضه شريف وانتي بتحبيه ربنا يجمعكم علي خير...
روضه بفرح وقفزت من مكانها: بجد بجد ي خالو يعني انتوا موافقين صح... اقوله يجي بكره..
الام بضحك علي جنان ابنتها وحماسها: بكره بكره اي ي بنت الهبله اتقلي كدا خليه يجي الخميس..
روضه: خميس ليه خميس ما التلات حلو ي زوزو والنبي..
ام روضه: شوف شوف البت بقيت زوزو دلوقتي
روضه: يلا بق س زوز عشان خاطري..
ام روضه بتفكير: اممم خلاص تلات من خميس مفرقتش..
روضه بخبث: بدال مفرقتش بق اتنين من تلات مفرقتش برضو...
ام روضه وهي ترفع الشبشب: بس ي بنت الجزمه
جرت روضه بسرعه خلف خالها: الحقني ي حج الوليه هتضربني وانا عروسه..
خال روضه: خلاص بقيتي عروسه..
روضه:طبعا...
حدفت ام روضه الشبشب فيها لتجري روضه الي غرفتها وهي تغني...
(انهارده هكلم ابوكي قالها و روحي راحت ياني.. قالي خدودك كسفوكي لونهم برتقالى.. قالي دي عيوني استنوكي رديت راح اجيب فستاني.. الي بتزوق زفوني عقبال كل البنات..)
ام روضه وخالها: يعيني البت اتجننت اكتر مهي مجنونه... هههههههه
_____________________________________
وعند شمس...
وصل لها اتصال...
شمس: الو..
محمد: ي احلى الو سمعتها ف حياتي ها عملتي اي..
شمس: في حاجه اسمها عامله اي الاول سمعت عنها
محمد: عملتي اي احلى من عامله اي..
شمس: ازاي بق..
محمد: عملتي اي بسال عشان اعرف هتجوزك امتي..
عامله اي بسال عشان اعرف انتي كويسه ولالا..
شمس: وانت بالنسبالك الجواز اهم من صحتي..
محمد: ي روحي صحتك هتكون زي الفل لما تنوري بيتي اوعدك هتعيشي ملكه..
شمس بابتسامة: اممم طيب المهم اني معملتش حاجه مكسوفه اروح اقولهم بصراحه..
محمد: طب حلو اوي
شمس: هو اي الي حلو اوي..
محمد: لا ولا حاجه افتحي بس باب شقتكم يلا..
شمس: باب شقتنا ليه..
محمد: اي الي ليه وانا هرن الجرس ازاي و ايدي واحده ماسكه علبه جاتو وتانيه بوكيه ورد وشكولاته
شمس: نعم انت بتهزر صح..
محمد: لا والله بتكلم بجد..
شمس: بطل كدب لو بتتكلم بجد قولي بتكلمني ازاي لو مش ماسك الفون ف ايدك..
محمد: لبس الاير بودز ي ذكيه..
شمس: اه صح اي الغباء دا.. المهم بطل هزار بق..
محمد: اوك ماهر بيركن العربيه وزمانه طالع..
شمس: تن ترا ررارا تن تن... حلوه النكته دي الي بعدها بق..
محمد: اهو جه اهو.. خطبت ي ابني عشان مش مصدقه اننا برا..
وهنا دق جرس الباب وطرق الباب..
شمس بخضه: احيه انت بتتكلم بجد انتم برااااا
محمد: اومال انا بقول اي من الصبح...
شمس: محمد انت بتستهبل صح.. اي الي بتهببه دا..
ام شمس من الصاله: ما تفتحي الباب ي شمس مش سامعه الي بيخبط دا..
شمس من غرفتها: بعمل حاجه ي ماما مش فاضيه..
ابو شمس: خلاص ي روحي شوفي بتعملي اي وانا هفتح..
فتحت شمس الباب قليلا ونظرت نحو باب الشقه..
ابو شمس: ايوه ي ابني عايز مين..
محمد: احم السلام عليكم ي عمي..
ابو شمس: وعليكم السلام ي ابني عايزين مين..
ماهر: حضرتك والد الانسه شمس صح..
ابو شمس بتوتر: اه ي ابني ليه..
محمد: طب ممكن ندخل نتكلم جوا..
ماهر: قبل ما ندخل عشان الحج ميقلقش بس احنا جايين قصدين خير ان شآء الله وطلبين القرب منك..
ابو شمس بفرح: ي اهلا وسهلا ي اهلا يعني انت عريس..
كان ابو شمس يبتسم لماهر وينظر اليه..
محمد بسرعه: لا ي عمي مش هو العريس انا العريس
ابو شمس: انا بسال ف العموم ي حبيبي اتفضلوا ي ولاد اتفضلو...
ام شمس: مين دول ي حج..
ابو شمس: دا عريس ي جاي يتقدم لشمس..
ام شمس بفرح: والنبي لولولولولولولولولي
محمد بسعاده: حماتي قمر ي ناس..
ام شمس: انت العريس ما شآء الله ما شآء الله طول بعرض قمر.. ربنا يحفظك ي ابني..
نظرت الي ماهر وتحدثت: وانت اخوه صح..
ماهر: لا ي طنط انا صحبه بس زي اخوه بالضبط..
ام شمس: نورت ي حبيبي اهلا وسهلا... تشربوا اي..
ابو شمس: قهوه طبعا..
محمد: مضبوطه
ماهر: وانا زيه ي طنط..
ام شمس: بس كدا عنيا حاضر..
كل هذا كان يحدث تحت مراقبه شمس من طرف الباب..
هنا جائت ام شمس تجري بفرح..
ام شمس: بت ي شمس بت ي شمس البسي بسرعه ي بت احلى حاجه عندك وحطي ميك اب حلو كدا في ناس برا جاينلك..
شمس بعفويه: اه عارفه..
ام شمس: عارفه عارفه ازاي..
شمس: ها لا اقصد سمعتهم يعني..
ام شمس: طب يلا ي بت اجهزي بسرعه..
شمس بفرح: حاضر ي ماما ثواني وهبقا جاهزه..
ام شمس: طب متتاخريش خلصي وتعالى ع المطبخ عشان تاخدي القهوه..
شمس: حاضر ي روح قلبي..
نظرت ام شمس لابنتها بشك...
شمس: بتبصيلي كدا ليه..
الام: بت انتي تعرفي العريس دا صح..
شمس: ها لا معرفوش..
ام شمس: بت احنا هنكدب قولي الحقيقه احسنلك..
شمس: اوووف خلاص هقول هقول انتي هتكليني..
ام شمس: انطقي تعرفيه منين ي بنت الجزمه..
شمس: اي ي ماما دا دكتوري ف الجامعه..
ام شمس بفرح: قولي والله..
شمس: والله و يبقا ابن خالة اياد البحيري جوز شهد
ام شمس بفرح: لولولولولولولولولي الف مبروك ي بنتي الف مبروك وقعتي واقفه عريس اي مال وجمال وباين عليه متربي..
شمس بعفويه: وبيموت فيااا...
ام شمس: وانتي عرفتي منين..
شمس: بصي ي ماما بصراحه كده انا وهو كنا مرتبطين وبنتكلم...
ام شمس بصدمه: يلهوي يلهوي..
شمس: اقولك الكبيره كمان امسكي دا..
اخرجت شمس الخاتم الالماس الذي البسها محمد اياه بشرم..
ام شمس بخضه: اي دا ي بت سرقتيه منين دا..
شمس: سرقت اي ي ماما دا محمد الي جبهولي.. بصي انا هحكيلك عشان مكنش عملت حاجه من وراكم....
روت شمس ما حدث مع محمد بشرم وبدايه تعارفهم
ام شمس: والله مانا عارفه افرح انك هتجوزي عن حب ولا ازعل انك خبيتي عني كل دا..
شمس: لا افرحي ي حبيبتي واعرفي اني معملتش حاجه غلط و دليل انه قادر برا اهو ودخل الباب من بيته يوووه البيت من بابه شوفتي لخبطيني ازاي يلا يلا روحي اعملي القهوه..
خرجت ام شمس لصنع القهوه بينما شمس تبدل ملابسها...
__________________________________
اما بقصر البحيري..
وصل كريم بسيارته وكانت معه كيان وساره..
كريم وهو يقبل يدها: يلا ي روحي
كيان: كريم انت متاكد من الي هنعمله دا..
كريم: كيان انا معاكي متخفيش من حاجه ممكن
كيان بنفس عميق: هحاول حاضر...
نزلت كيان وكريم وساره ودخلا الي الفيلا..
الخادمه: اهلا اهلا كريم بيه نورت القصر..
كريم: اهلا ي دادا.. ماما فين..
الخادمه: منال هانم ف الجنينه مع سالي هانم وبنتها فريده..
كريم: تمام روحي انتي ي دادا.. تعالي ي كيان..
دخلت كيان وساره الي القصر..
ساره بانبهار: واو اي دا... دا عامل زي القصور القديمه والفلل الي ف المسلسلات التركيه..
كريم بضحك: هتصدقي لو اقولك ان يوم ما دخلت بيتكم كنت مرتاح عن هنا..
كيان: كريم انا بجد قلقانه..
كريم: قولتلك متخفيش.. يلا..
كيان: ربنا يستر..
دخل كريم الي الجنينه فجرت منال عليه..
منال: حوتي حبيبي.. وحشتني ي قلب ماما شوف مين عندنا بقا طنط سالي وفريده تعالى سلم عليهم يلا... تعالى..
كريم: ثواني بس...
منال: اي مستني حد..
كريم: اه كوكي كوكي تعالى ي قلبي..
هنا دخلت كيان بخجل وهدوء وابتسامه جميله.. وخلفها ساره..
كيان: السلام عليكم..
منال بغضب: انتي بتعملي اي هنا.. اطلعي برا..
نظرت كيان بصدمه اليهم.. فتحدث كريم بغضب وهو يمسك يدها بقوه ويسحبها بجانبه..
كريم: هو اي الي بتعملي اي هنا واطلعي برا اي الجنان دا...
منال بصدمه: جنان.. انت بتقولي انا جنان عشان دي..
كريم بغضب: ايااااكي اايااااكي تتكلمي عنها باسلوب وحش فاهمه... واحب اقولك ان دي الي مش عجباكي.. خطيبتي وهتكون مراتي قريب اوي تماام.. ومن النهارده لازم تعمليها زي انچي واحسن كمان
منال بصدمه اكبر: خ.. خ. خطيبتك...
وفورا دخلت منال بهستريا ضحك..
منال بضحك هستيري: هههههه هههههه لالا مستحيل انت بتهزر صح. ههههه لالا اي الجنان دا..
رغم حزن كيان من غضب كريم علي امه الا انها اشتعلت لمعاملتها لها بهذه الطريقه فقررت ان تضايقها اكثر..
كيان: خير ي طنط انتي كويسه.. تؤتؤ اجبلك دكتور اكيد اتصدمتي من الفرحه..
منال: انتي.. انتي اكيد ضحكتي علي ابني اكيد
عملتيله حاجه خلتيه يتعلق بيكي.. انت..
كريم: انتي بتقولي اي...ماماااا قولتلك ايااااكي تزعليهااااااا.....
سالي: كريم انت ازاي تكلم مامتك بالطريقه دي وعشان مين...
كريم: اومال اكلمها بالطريقه دي عشان مين فريده مثلا..
سالي بتوتر: اي دا ملها فريده ي كريم انت ناسي انك كنت بتعشقها..
فريده بفرح: بس هو دلوقتي بيعشق واحده تانيه زي مانا برضو بعشق واحد تاني يعني خلاص خطتكم فشلت ي ماما انتي وطنط منال..
جرت فريده علي كيان واحتضنتها...
فريده: مبروك مبروك من كل قلبي بجد
همست ف اذن كيان: انتي انتقذتيني انا وكريم من خطتهم بجد شكرا حافظي علي حبكم بليز..
كيان بفرح لان الفتاه كانت ترفض الموضوع من البدايه ولا تفكر بكريم من الاساس: الله يبارك فيكي ي قمر بجد انتي فريده فعلا..
فريده: مبروك ي كريم عقبال الفرح يارب..
كريم بابتسامة: الله يبارك فيكي ي فيري وعقبال فرحك انتي كمان..
فريده بفرح: يااارب يسمع منك..
ساره: كريم كريم..
كريم: ها ي رغايه..
ساره: انا ساكته من الصبح والله..
كريم: طب عايزه اي..
ساره: بصراحه جعانه..
كريم: بس كدا عنيا.. ي دا..
قاطعته ساره: لالا قولي بس انت المطبخ فين وانا هتصرف..
كريم بضحك: ربنا يستر متكليش التلاجه...
كيان: ساره عيب كده..
كريم: عيب اي دا بيتها سبيها براحتها..
منال: براحتها ازاي يعني..
كريم: اممم صح ساره حبيبتي معلش هتعبك وانتي رايحه المطبخ قولي لاي بنت من الخدامات بيقولك كريم بيه حضري شنطه عشان...
نظر الي منال بطرف عينه... واكمل: عشان رايح شقته تاني ومش راجع القصر نهائي..
شهقت منال بصدمه ثم بسرعه امسكت يده..
منال: لالا خلاص عشان خاطري.. بيتها بيتها طبعا اتفضلي ي حبيبتي القصر كله ليكي.. وكيان قلبي انتي واقفه ليه تعالى ي روحي تعالى عشان ترتاحي تشربي اي..
كيان بدهشه من تحولها ونظرت لكريم بخوف وهمست: هو اي الي حصلها..
كريم بهمس: هقولك بعدين
جلس كيان ومنال ونظر كريم اليها ثم همس باذنها
كريم: كوكي انا هطلع احط الشنط واغير وبعدين هنزل نمشي مش هتاخر تمام..
كيان: انت هتسبني مع امك لوحدي دي تكلني هي والحربوءه الي قاعده دي..
كريم: متخفيش عيني عليكي اوضتي الي فوق دي يعني هكون شايفك من الازاز ي روحي وبعدين اجمدي كده انتي خطيبه الحوووت..
كيان بابتسامة: متتاخرش ممكن..
كريم: عيوني..
صعد كريم ليبدل ملابسه بالاعلى...
__________________________________
والد شهد: خلصت كلامك..
اياد: ايوه ي عمي..
والد شهد بقسوه: اتفضل خدها معاك وانت ماشي..
شهد بصدمه: بابا انت اي الي بتقوله دا..
والد شهد: الي سمعتيه.. مش بتحبيه وهو كمان واتجوزتو من. ورانا خلاص يبقا احنا مش فارقين معاكي اتفضلي امشي مع جوزك..
شهد: بابا..
ابو شهد: متقوليش بابا لو فاكره اني هسامحك عادي كدا تبقي بتحلمي انتي كسرتي كلمتي ومعملتيش اعتبار ليا ولا لامك... يلا..
اياد: ي عمي انا الي اقنعتها هي رفضت اوي ف الاول
والد شهد: انا ميخصنيش حاجه من دي هي دلوقتي مراتك ي ابني يلا خد مراتك وامشي.. يللاااااا
اياد: يلا ي شهد..
شهد بدموع: بابا.. عشان خاطري ي بابا.. بلاش تعمل فيا كدا بابا احنا كتبنا الكتاب بس.. والله مدخلناش لسه والله...
والد شهد: وانت فاكره ان دا عادي بقولكم براااا
ام شهد: ي حج مينفعش تمشي معاه هنقول لناس اي طب علي الاقل نعملهم فرح عشان شكلنا قدام الناس
نظر والد شهد الي امها ثم تنهد بحزن وتحدث..
والد شهد: كتبتو الكتاب بس صح..
شهد: اه والله مفيش فرح ولا اي حاجه..
والد شهد: تمام الفرح يوم الخميس الجاي.. وكدا نقفل الموضوع الي حصل.. عشان الناس بس اياكي تكوني فاكره اني هسامحك..
دخل ابو شهد غرفته ولحقت به امها..
جلس اياد بجوار شهد وضمها اليه واخذت تبكي باحضانه..
اياد: بس خلاص ي روحي عشان خاطري متعيطيش دموعي غاليه عندي
شهد: مش هيسامحني ابدا..
اياد: بطلي هبل انتي مجنونه صح.. انتي بنته يعيني مهما تعملي مستحيل يفضل زعلان منك..
شهد: تفتكر..
اياد: افتكر ونص وهتشوفي وبعدين هعمل المستحيل عشان يسامحك ممكن بلاش عياط بق..
شهد: انا بحبك اوي ي اياد..
اياد: وانا بحبك اوي ي شهدي..
احتضنته شهد بقوه..
اياد بمرح: بت ابعدي لابوكي يجي يقول هو دا الي كتبتو الكتاب بس... دا مجنون زي بنته ويقتلني..
هنا جائت ام شهد لتراهم يحضنون بعض..
شهد: اوعي تفهمينا صح..
اياد: يخربيتك معلش ي حماتي هي قصدي اوعي تفهمينا غلط بس انتي مخلفه واحده متخلفه معلش.
ام شهد بضحك: تعالوا انتوا الاتنين ف حضني..
اياد بصدمه: دا بجد..
ام شهد: اه والله بجد تعالووو
___♡♡♡♡_____♡♡♡♡______♡♡♡♡___
شمس: ماما الفستان حلو..
ام شمس: قمر ي روحي ما شاء الله... الله اكبر عليكي ربنا يحفظك...
شمس: بجد..
ام شمس: اه بجد خدي يلا القهوه بصي هتدي لابوكي وبعدين انا وبعدين ماهر وبعدين محمد اوعي تدي لمحمد قبل ماهر فاهمه..
شمس: اي الفرق..
ام شمس: بت هي دي الاصول اسمعي الكلام..
هنا دق جرس الباب..
ام شمس: مين دا..
زاد خبط الباب لتفزع امها: اي دا بوليس براحه..
شمس: افتح انا..
ام شمس: لا هفتح انا..
فتحت ام شهد الباب لتجدها نور و روضه..
نور: طنط طنط فين شمس..
ام شمس: انتم اي الي جابكم حالا.. احنا عندنا ضيوف مش عايزين..
كادت ان تغلق الباب لتضع نور قدمها..
نور: مانا عارفه ي طنط ماهر خطيبي ومحمد..
ام شمس: وعارفه منين..
روضه: عيب عليكي ي طنط احنا عارفين كل حاجه المهم شمس فين عشان نشوفها..
ام شمس: ف المطبخ ادخلي انتي وهي..
جرت الفتيات الي المطبخ.. لتجري عليهم شمس بالاحضان..
شمس: اخيرا شوفت حد منكم انا هموت من التوتر
روضه: لا توتر ولا حاجه احنا جينا عشان نشوفك بس وانتي قمر كدا ولو احتجتي ميك اب او دريس يعني..
نور: بس طلعتي مجهزه كل حاجه زي القمر اهو لوحدك..
شمس: بجد حلو اخرج يعني..
نور: اه يلا واحنا هنصور من هنا..
شمس: يارب استرها انا هبله والله..
ام شمس: يلا ي بت انتي وهي..
خرجت شمس وهي تحمل الصنيه عليها القهوه ودخلت عليهم الصالون..
نظر محمد اليها من بدايه كعب الهيلز الذي رن صوته بقدومها الي اعلى حتي وصل لعيناها بانبهار شديد..
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
