الجميع يتغير، لا يمكن لاحد ان يكون بنفس الشخصيه ونفس الاسلوب طيله حياته، والمشاعر ايضا تتغير، اتعلم هناك بعض العلماء اللذين اثبتوا ان الحب الحقيقي يأتي بعد العداوه والكره اذا المشاعر ايضا تتبدل ي عزيزي...💖
__________________________________
بعد مرور بعد الوقت هدأت كيان اخيرا...
ساره: كيان بقيتي احسن..
كيان: اه ي حبيبتي بقيت كويسه الحمدلله..
ساره: متزعليش من خالد ي كوكي هو بس اتعصب انتي عارفه خالود طيب..
كيان: عارفه ي ساره و دا الي مزعلني اصلا ازاي فكر فيا بالشكل دا.. ازاي بجد..
ساره: غصب عنه ي كيان والله انتي فاهمه اللخبطه الي حصلت وبعدين عشان تعرفي الكدب ملوش رجلين اهو انتي الي جبتيه لنفسك..
كيان: كنت اعمل اي يعني ي ساره اقوله ف واحد مهددني بالسجن ولا اني بحب واحد وتاني بيلعب عليا عشان يتسلى...
ساره: مش عارفه ليه حاسه العكس...
كيان: يعني اي...
ساره: يعني بصراحه كدا حاسه ان الي بيلعب عليكي نادر مش كريم.. انتي مش شايفه ولا اي...
كيان بغضب: لا طبعا انتي بتقولي اي.. مستحيل انتي جايه ع الغلبان وتقولي بيلعب حرام عليكي..
ساره: غلبان اي انتي هبله صح... يعني واحد مش واخد باله منك اصلا ولا انتي ف باله اساسا وفجاه كدا من يوم وليله بقي بيحبك وعايز يتجوزك..
كيان: اكيد مش من يوم وليله و دا دليل انه بيحبني من زمان... ساره من الاخر كدا نادر كان بيحبني وساكت و اخيرا اتكلم واعترف..
ساره: طب و اشمعنا دلوقتي بذات يعني
كيان: مش عارفه صدفه قدر نصيب.. اي حاجه ترتيب ربنا اي هنعترض...
ساره: اي دا ثواني يعني انتي دلوقتي هتوافقي ع نادر لو اتقدم..
كيان بفرح: اكيد طبعا
ساره: لا انتي كدا عايزه الم تاني ع وشك عشان واضح خالد ايده خفيفه مفوقتكيش...
كيان بغضب: ساره انا بحبه وهو بيحبني خلصناااا
ساره بصوت عالي: لاااا ي كيااان مخلصنااااش فوقي انتي عايشه ف حلم انتي بتحبي كريم وكريم بيحبك.. يعني نادر دا كرت محروووق....
كيان: لا انتي زودتيها اوي هي مين دي الي بتحب كريم انا والحوت سوا مستحيل... دا انا اطيق اجوز صورصار والحوت لاااا...
ساره: هتشوفي ي كيان...
هنا طرق الباب لتفتح ساره بغضب..
شمس: في اي صوتكم جاي لاخر الشارع..
ساره: شوفي صحبتك عشان هموت ناقصه عمر علي ايدهااا..
شمس: حصل اي.. كيان في اي..
كيان: مفيش حاجه اي الي جابك...
شمس: اي الي جابك ازاي يلا عشان منتأخرش ع البنات..
كيان: ما قولت مش هاجي هو بالعافيه وبعدين انتي لبسه اسود برضو سمعتي كلام شهد..
شمس: مهو انا بجد هموت واشوف شكلهم من المقلب دا..ههههه يلهوي اكيد هنموت ضحك عليهم..
كيان: اووف دا انتم اطفال..
شمس: اقسم بالله هيفوتك نص عمرك لو مجتيش...
كيان بتفكير: اممم بصي لو هاجي هاجي عشان في موضوع لازم اتكلم فيه معاكم كلكم..
شمس: خير في اي..
كيان: لما نتجمع بق.. المهم هقوم البس..
شمس: برافو يلا اه صح اسووود متنسيش..
كيان: لا مش هلبس اسود اناا..
شمس: لا هتلبسي يلا انا قولت بسرعه وبعدين كمان الخمرا اسود مليش دعوه...
كيان: لا مش هلبس كله اسود ممكن الدريس بس لكن الخمار لا..
شمس: طب يلا بس عشان خاطري..
كيان: اوووف حاضر هشوف.. استني هنا بق..
دخلت كيان الي غرفتها لترتدي ملابسها.. وخرجت بعد قليل وهي ترتدي دريس اسود بحزام جملي وخمار اسود..
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
