لعله القدر

Bart 16

هل من الممكن ان تقبل التقرب من عدوك بعقد اتفاق؟، اتعلم اسلوب جديد للانتقام ان تحب عدوك لتفهم اسلوبه ولكن لا تتعمق ف حبك له فهو مازال عدوك.
«««««««««««««««««««««««««««
منير: الله يخربيتك انا قولت تجبوها مش تموتوهااا
الرجل: والله ي باشا هي كويسه هي بس اغمي عليها
منير: فوقها ي زفت..
الرجل: ثواني ي باشا...
اقترب الرجل من كيان وضربها بخفه علي وجهها..
الرجل بصوت منخفض: اصحي ابوس ايدك هنروح ف داهيه كلنا بسببك...
فاقت كيان اخيرا من نومها هذا..اخذت تنظر حولها لتجد والد كريم يجلس امامها علي كنبه من الجلد الاسود... و رجلين يقف كل منهما علي جانبيه ورجل امامها الذي ايقظهاا....
كيان: اي دا انا فين...
منير: انتي كويسه
كيان: انا فين وبعمل اي هنا... انت...
ثواني وعادت الي شرودهااا...
كيان: انت... انت ابوه صح....لا بقا دا انتم عصابه بقاااا واحد يمضيني علي 100الف والتاني يخطفني انتم عايزين مني اي...
منير: خلصتي..
كيان: افندم!!؟؟
منير: اول حاجه اتفضلي دا شيك ب 100الف جنيه الي كريم مضاكي عليهم تقدري تخديهم وتديله الفلوس وتخرجيه من حياتك خالص...
كيان: انت بتقول اي...
منير: اسمعيني للاخر وبعدين قرري..
كيان: اقرر اي..
منير: ما انتي لو سمعتي هتعرفي... تعالي...
امر الرجال بيده ان تتركه بمفرده... خرج الجميع وظل هو وكيان فقط.. امسك يدها وجعلها تجلس علي الكنبه بجواره..
منير: بصي...انتي اكيد واخده فكره اني راجل مش كويس واني فاهم انك بنت مش تمام وكدا صح... بس لا انا واثق ومتاكد انك بنت بمليون راجل وانك محترمه جدا وبنت ناس وعارفه ربنا كويس...واقسملك بكدا...اه انا رميت فلوس قدامك ف مكتب كريم وقولت كلام يجرح بس دا كله كان اختبار مني ليكي... لان بعد ما سألت عليكي كله شهد انك المازه ولؤلؤه.. ومفيش زيك...
كيان: حضرتك سألت عليا انا...؟ طب ليه...؟ هو القرش..اي..اقصد الحوت...اوووف كريم يعني خد الموضوع بجد ولا اي.. لا احنا مش هنتخطب بجد دا كله عشان اصلح الي حصل بس...
منير: تتخطبوووو؟؟ وتصلحي اي؟ مش فاهم حاجه
كيان: مش فاهم حاجه.. اومال حضرتك بتتكلم كدا علي اي اساس مش علي الي حصل امبارح ف البيت عندي...
منير بدهشه: لالا بعد اذنك انا عايز اعرف اي الي حصل امبارح..
كيان: بس..
منير: من غير بس ارجوكي قوليلي حصل اي...
كيان بدهشه من قلق منير واستعطافه لها: تمام هقول لحضرتك...
روت كيان مع حدث بالامس بينها وبين كريم..
منير بصدمه: انا بجد مش عارف اقولك اي انا مصدوم حقيقي...
كيان: صدقني والله انا لا عايزه اكون مع ابنك ولا عايزه اشوفه تاني اصلا ولا انا وقعته عشان عايزه فلوسه ولا حاجه لو سمحت افهمنيي..
منير بحنين الاب: انا فاهمك ي بنتي فاهمك والله بس ياريته هو يفهم...بصي انا هقولك كل حاجه بصراحه...
كيان بطمأنان له وحب: اتفضل.. 
منير: كريم ولدته دلعته كتير وهو صغير وانا كنت بشد كتير يعني مكنش في وسط واحد بيشد اوي وتاني بيرخي اوي ولما كبر وبقا شاب مراهق محتاج نظام ورقابه انا حصلي ظروف بسبب... احم واحده يعني لعبت ف عقلي ف انشغلت بيها وسبت بيتي و ووالدته كانت سيباه براحته عشان مشغوله بيا وف يوم سمعها وهي بتقولي انت كل حياتك شغل وستات وقرف لكن بيت وعيالك لا وانا للاسف وقتها كانت الست الي اعرفها دي خدت فلوس كتير مني وهربت مع واحد...وانا من عصبيتي قولت لمراتي قدامه اااه كل حياتي ستات وهعرف بدل الواحده الف واكون معاهم كلهم وبعدين اسبهم عشان انتم صنف واطي وكلكم كدا وانتي هنا عشان العيال بس... للاسف كريم سمع كدا وهو ف سن مراهقه ويشاء القدر ان اول حب ف حياته اعجبت بيه عشان غني ومعاه فلوس كان ف ثانوي وقتها وهي كانت فقره وخدت منه فلوس وخروجات وبعدين سابته وسمع كلامي دا ومن وقتها وهو ماشي بالشكل دا كل يوم مع واحده وخد كلام امه كل حياته شغل وبنات..
حتي حاولت اقربه مني واجيبه يشتغل هنا ف الشركه بس رفض ولما ضغط عليه جه بس جه و...و عمل علاقه مع بنت اقرب اصدقائي وبعدين سبها...يعني جه بمصايبه... وانا عشان كدا بطلب مساعدتك...
كانت كيان تستمع وهي ف حاله من الصدمه الغير طبيعيه وببالها عده تساؤلات وعده افكار واعذار ايضا لتصرفات كريم بعد ما سمعه... ولكن رن بعقلها جملته الاخيره وعشان كدا محتاج مساعدتك...
كيان: مساعدتي...؟؟؟ انا؟؟؟ ازاي؟
منير: بصي انا عارف ازاي... بس مش عارف انتي هتوفقي ولالا..
كيان: والله لو اقدر مش هتاخر اكيد انا احب اساعد حضرتك جدا بس ازاي..
منير: تتجوزي كريم...
كيان وهي تقف وبصدمه: نااااااااااعم..... اهببب اييييييي
منير بدهشه من اسلوبها وضحك: اهدي بس اهدي..
كيان: اهدى اهدى اي حضرتك سامع بتقول اي... انت عايزني عشان اساعد الحوت واغير حياته ادمر حياتي انا واخليه يبلعنييييي.....
منير: ولو البحر نفسه ضمنلك انك تخرجي سليمه من بطن الحوت....
كيان: حتي سيدنا يونس مكنش عارف هل هيخرج من بطن الحوت ولالا...
منير: بس كان بيدعييي...
كيان: ايوه اكيد... عشان ربنا ينجيه...
منير: كان بيقول اي...
كيان: لا اله الا انت سبحانك اني كنت من الظالمين
منير: وربنا رد عليه قال اي...
كيان: فاستجبنا له...
منير: ممكن تقولي الايه من اولها...
كيان بخجل وهي تنظر الي الارض: بسم الله الرحمن الرحيم (وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَىٰ فِي الظُّلُمَاتِ أَنْ لَا إِلَٰهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ، فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ) ♥
صدق الله العظيم....
منير بدهشه واعجاب شديد: صدق الله العظيم، ما شاء الله انتي صوتك حلو اووي اووي.. انتي حفظه القرآن...
كيان بابتسامة جميله: شكرا لحضرتك.. اه انا صوتي حلو والدتي الله يرحمها صوتها كان حلو برضو..و اه الحمدلله حفظه القرآن الكريم فضل ونعمه من الله..
منير: انتي بجد ملاك...كيان لو بجد تقدري تقدمي ليا معروف مش هنساه ابدا هو انك تقبلي طلبي...
كيان: ي منير بيه صدقني الي بتطلبه دا مستحيل حضرتك بتطلب مني انتحر عشان ابنك...
منير: صدقيني كريم مش وحش اوي كدا..
نظرت كيان له بطرف عينها ليبتسم...
منير: اممم طيب معاكي حق هو وحش بس هيتغير صدقيني هيتغير عشانك وليكي وهيكون كويس وهيحبك...
كيان: منير بيه صدقني لو اقدر اساعدك هساعدك بس الي بتطلبه دا مستحيل بجد... غير كمان ان... ان بصراحه كدا انا في شخص بحبه...
منير: دكتور نادر.. دكتور الجامعه بتاعك...
كيان بصدمه: حضرتك...عرفت ازاي...
منير: انا اعرف كل حاجه عنك متخفيش..
كيان: بس.. بس دا محدش عارف...
منير: لا في كتير عارفين حتي هو ممكن يكون عارف ومش مهتم او بمعني اصح في واحده تانيه ف باله..
كيان بصدمه: لا طبعا مستحيل هو مش خاطب ولا متجوز..
منير: اممم دي حقيقه.. هو مش متجوز هو كان متجوز...
كيان: اي... لا طبعا اي الكلام دا دكتور نادر مش متجوز ولا اتجوز ولا خاطب ولا في حد ف حياته..
تحرك منير من جانبها واتجه الي مكتبه واخرج بعض الاوراق ثم تحرك اليها ووضعهم بجوارها...
منير: بصي انا راجل معروف عني ان مش بقول كلمه الي لما اكون واثق منها مليون ف الميه انها صح والاصح.. ومش بيشتغل الا وانا ف المضمون...شوفي بنفسك انا عارف انك هتشكي ف كلامي عشان كدا كل حاجه جبت ليها دليل واثبات..
اخذت كيان الاوراق لتجد اوراق لزواج وصوره نادر وصوره لبنت شكلها يحوي انها انجليزيه و ورقه اخرى تثبت طلاقهم بعد الزواج بأقل من عام..
كيان بصدمه: الورق دا مزور اكيد ازاي يعني..
منير: هو اي الي ازاي... انتي عمرك سألتيه انت كنت متجوز ولالا..
كيان: لا بس هو قال ف اول يوم جه الكليه و اول محاضره انه مش مرتبط..
منير: و دي الحقيقه لانه جه مصر بعد انفصاله عن مراته بسنه...
كيان: بس هو مقلش حاجه زي دي...
منير: وهي حاجه زي دي هيقولها لطلاب بتوعه ليه هما مالهم هو قال حالته الاجتماعيه الحاليه بس اكيد مفيش دكتور هيدخل يقول لطلبه بتوعه ع الماضي بتاعه وانه لما سافر حب بنت اتجوزها وبعدين بسبب اختلاف العادات والتفكير بنهم سبها وهي اتجوزت غيره وعاش حياه جديده بعيد عنها... والقدر غير مصيره انه يرجع مصر...
كيان والدموع ف عيناها: يعني هو عشان كدا مش واخد باله مني... اتعقد وقرر يعيش كل حياته لوحده.. طب هو ليه مقلش انه كان متجوز انا حبيته وبحبه...
منير: هو انتي تقبلي تكوني التانيه ف حياته...؟
كيان بلحظات تفكير: اه هو معملش حاجه غلط اتجوز ومحصلش تفاهم وطلقها...
منير: يعني انتي عندك استعداد تكوني مع واحد مش شايفك اصلا و تفضلي تلمحيله من بعيد كدا ولما ياخد باله تحاربي عشان تصلحي الفوضى الي جواه ومش قابله تحاولي تغيري انسان مهتم بيكي وواخد باله منك ومتمسك بيكي لا وعايز بس شويه تحمل مش مجهود ولا حاجه...
كيان وهي تقف امامه بغضب: حضرتك الاولاني دا انا بحبه ومن زمان وخد باله مني فعلا و دليل دي
اخرجت من حقيبتها علبه الخاتم الفارغه التي وصلت مع الملابس ووضعتها امام عينه، لا وكمان اللبس دا وغيره كتير ف البيت كل دا جابه ليا...لكن ابن حضرتك الي بتقول مهتم مهددني بالحبس عشان ال100الف جنيه الي هو بالنسباله شويه فكه.. بس انا بالنسبالي بنك كامل... وعمال يبيع ويشتري فيا.. ابذل مجهود مع مين.. مع واحد بيحبني ولا مع واحد بيكرهني...
منير: خلصتي...تمام تعالى...شوفي بنفسك...
اخرج منير بعض فواتير الملابس التي خرجت من نفس المحل والبراند التي وصلت لكيان والتي دفعت من حساب كريم البحيري....
كيان: دا ازاي... لا مستحيل... اي الهبل دا يعني اي..
منير: يعني الي اشتري كل دا والي بعته عندك كريم البحيري الحووووت...
كيان: والعلبه يبعتها فاضيه ليه...
منير: ثواني...
اجري منير اتصال للجوهرجي الذي يضع ختمه علي علبت الخاتم...
منير: الو مجوهرات الخواجه كونل..
الرجل: ايوه ي فندم..
اشار منير اليها لتتحدث...
كيان: احم لو سمحت هو انا ممكن اعرف اسم الشخص الي اشتري من عندكم خاتم يوم....
الرجل: في ناس كتير اشترت ي فندم اليوم دا..ممكن اعرف نوع الخاتم الموديل...شكله..
منير: الي اشتري الخاتم دكتور نادر الخولي...
الرجل: ثواني ي فندم... لا ي فندم مفيش حد اشتري خاتم من المحل بالاسم دا..
كيان: طب... كريم البحيري...
الرجل: اه ي فندم كريم بيه اشتري خاتم وسلسله..
كيان بصدمه: سلسله علي شكل فراشه..
الرجل: اه ي فندم
منير: تمام شكرا...
الرجل: العفو..اي اوامر تانيه..
كيان: لا مرسييي..
اغلق منير الهاتف ثم نظر اليها...
منير: ها تحبي اي اثبات تاني ان نادر مش شايفك اصلا وان كريم رغم الي بيعمله الا انك شغلاه.. كريم عمره ما اشترى حاجه زي دي لاي بنت عمره ما وصل بيه انه يروح لوحده لحد بيتها... عمره ما مضى بنت علي فلوس اصلا ولو انتي روحتي ادتيله الفلوس مش هياخدها وهيعمل اي لعبه تانيه عشان تفضلي قدامه...
كيان وهي تشعر انها بحلم: انا حاسه اني تايهه اي الي بيحصل دا.. وليه يعمل كدا لو فعلا مهتم بيا يهددني بالحبس..
منير: كريم ممكن يكون بدأ يحبك بس هو مش عارف دا وعشان كدا بيعمل اي حاجه عشان تفضلي قدامه بس...
كيان: بس... هو ممكن يكون مش بيحبني ولا حاجه ممكن يكون عايزني زي اي واحده وعشان كدا حب يلعب معايا...
منير: هكدب عليكي لو قولتلك لا بس انا بقولك خليكي معايا ونقلب اللعبه دي لقصه حب خياليه..
جلست كيان واخذت تفكر تراجع كل ما حدث منذ اول لقاء لهم...
بعد بعض الوقت...
كيان: منير بيه... انا قررت..
««««««««««««««««««««««««««««««««
استيقظ من نومه علي صوت منبه مزعج...
خالد: اوووف بقا يعني انا مصدقت كيان وساره مش هنا ترن انت ي ابن البارده...
نظر بهاتفه ليجدها ردت عليه...
Dark moon:(مش معنى اني بخبي وشي اني مش واثقه ف كلامي انا بخبي جمالي عشان تهتم بالمضمون مش بالعنوان)
خالد بغضب من ردها ولكن اعجبه اسلوبها...
خالد:(العنوان هو الي بيشد القارئ لو العنوان مش جذاب محدش هيشتري الكتاب😉)
ثواني واجابت...
Dark Moon: واو ماشي بالقافيه.. كلامك صح بس احب اعدل عليه لو الكتاب غامض من برا فهو ملهم من جوا، فضول الانسان شده لكل حاجه غامضه)
خالد:(لا خالص مفيش حد بينجذب للغامض والقافل الا قليل...)
Dark Moon:( اكتر لون بتحبه هو اي؟)
خالد:( مش فاهم اي العلاقه بس الاسود.. ليه)
Dark Moon:)(طب ما الاسود غامض وقافل ومع ذلك خد لقب ملك الالوان واغلب الناس بتحبه جدا اه صح نسيت كمان لو فضول الانسان مش سيده مكنش حضرتك كلمتني.. )
انبهر خالد بردها واسلوبها واخذ الحديث بينهم مستمر لبعض الوقت...
خالد:(انا راح الكليه دلوقتي هكلمك بعدين..)
Dark Moon:(وانا كمان رايحه الكليه دلوقتي بس موعدكش اكلمك بعدين عندي حاجات كتير هعملها بس هحاول ارد عليك بين حين واخر لو وقتي سمح)
خالد:(اي التناكه الي انتي فيها دي... اي بتحاربي الاشرار بليل والصبح بتمارسي حياتك عادي وبعدين انتي اسمك اي...)
Dark Moon:(ههه ظريف، لا انا بدرس الصبح وبتدرب بعد الكليه وعندي بيدج مسؤله عنها ومش فاضيه اغلب الوقت مش تناكه علي فكره، واسمي مش اي حد يعرفه)
خالد: يعني هعرف الاميره ديانا مثلا...عنك ما قولتي..
Dark Moon:(خليك كدا هتموت مالفضول، سلام)
خالد:(فضول اي انتي فاكره نفسك مين..انتي مخك تعبان)
ارسل هذه الرساله ولكن لم تراها لانها اغلقت اما هو اشتعل غيظا منها... ومن اسلوبها وغرورها الذي فهمه هو انه غرور وليس ثقه بالنفس...
اتجه الي كليته بغضب شديد ولا يريد ان يتحدث مع احد حتي لا يفرغ به عصبيته...
وصل الي الجامعه ليقابل زملائه...
حازم: خالود دا انا عندي ليك خبر...انما اي...
خالد: حازم فكك مني مش فايقلك خالص دلوقتي..
مريم: في اي ي خالد مالك...
خالد: مفيش حاجه هروح اجيب قهوه عشان افوق وبعدين قولي في اي..
اتجه خالد يجلب القهوه وباله مشغول بها...
خالد بنفسه: هي ملها دي اي الغرور دا كله بقا انا خالد الي بنات الكليه كلهم بيكراشوا عليا دي مش هممها اكلمها ولالا... اي دا هي مشفتش صوري الي ع الاكونت ولا اي...
عاد اليهم وهو مازال بشروده..
حازم: خالد في اي ي ابني مالك..
خالد: مفيش حاجه قول كنت هتقولي خبر خبر اي..
حازم: كنت هقولك ان انهارده هنبدأ المشروع ف كليه تجاره..
خالد: طب مانا عارف..
حازم: لا الجديد بقا ان هما الي جايين عندنا مش احنا الي رايحين...
خالد: هي يعني هتفرق.. انا مش فاهم اشمعنا دول وبعدين انا مشكلتي مش مين رايح ومين جاي انا مشكلتي ف الشغل مع البنات انا محبش اشتغل مع بنات خالص دول مش بتوع شغل...
مريم بغضب: اي ي خالد الكلام دا لا بجد زعلت منك..
خالد: اهو شوفت...
ضحك حازم علي صديقه بشده: يخربيت كدا هههههه
خالد: لسه بنقول كلمتين زعلت انا بقا هفضل اصالح وادلع واطبطب ف قلب الشغل هي نقصه شغل الحضانه دا...
مريم: انا ماشيه ي خالد..
خالد: اووف مريم عدي اليوم..
مريم: مانا بعديه اهو...
تركتهم مريم وغادرت...
حازم: زودتها برضو..
خالد: يعم فكك مش ناقصه وقع دماغ ع الصبح كفايه بنت الهبله...
حازم: مين دي...
خالد: لا بص متركزش معايا انهارده اشطا...
ثواني ودخل الكليه اتوبيس كبير وهبط منه الكثير من الطلاب....
دخل الجميع الي الجامعه واتجهوا الي سيكشن التدريب...
حازم: اوووف دول اغلبهم موزز جامدين اوي..
خالد: مش اوى يعني عادي..
هنا وقع عينه علي واحده منهم انزل نظارتها الشمسيه عن عيناها وتطاير شعرها القصير مع الهواء و سقطت اشعه الشمس عليها لترسم لوحه غايه بالجمال...
«««««««««««««««««««««««««««««««
كانت تجري بسرعه لتلحق بالسكشن...
شمس وهي تمسك هاتفها وتجري: ردي بقا ي كيان انتي فين حرام عليكي هنموت من القلق ي شيخه..
ثواني وخبطت به ليطير هاتفها من يدها اما هو امسكها فورا من وسطها لتنزل طرحتها قليلا ويظهر بعض الخصلات من شعرها...
محمد: انا... انا اسف...
شمس وهي تعتدل: لالا انا الي اسفه كنت بجري وبصه ف الفون ومش واخده بالي...
اتجهت لتجلبه ولكن وجدته حطم تماما...
شمس بحزن: الفون اتكسر دا اي اليوم الزفت دا..
محمد: انا بجد اسف انا السبب... ممكن تيجي معايا اجبلك واحد غيره..
شمس: لا طبعا حضرتك ملكش دعوه انا السبب عادي خلاص الحمدلله نصيبه كدا... هعمل اي..
محمد: انا بتكلم بجد تعالى معايا هجبلك غيره..
شمس: لا مينفعش خلاص.. وبعدين انا اتاخرت اوي..
محمد: علي فكره انا الي عندك دلوقتي..
شمس: ايوه بس لازم اوصل قبلك مش معاك يعني..
ضحك عليها ثم اكمل..
محمد: ي ستي هروح اعمل قهوه علي ما توصلي..
شمس: ماشي شكرا لحضرتك..
اقترب منها لتبتعد الي الخلف...
محمد: اهدي متخفيش..
شمس: في اي...
امسكها من يدها وشدها اليه وبيده الاخر ادخل خصلاتها تحت حجابها...
محمد: كان في شويه من شعرك برا الطرحه..
شمس: اه عشان البندانه بتتزحلق...
محمد: حجه البنات كلها... يلا يلا لو طلع تاني هزعلك علي فكره انا بتكلم بجد...
شمس بضحك: خلاص اهو...
«««««««««««««««««««««««««««
كيان: انا قررت...
منير: قبل ما اسمع قرارك... انا هقولك حاجه الاتفاق الي انا قولته دا قبلتيه او لا هيفضل بنا تمام انا واثق فيكي.... تاني حاجه ساره مصريف كليتها ادفعت و دا تعويض عن اي اساءه حصلت مني او ابني.. تالت حاجه بقا ان الاتفاق دا هيكون لمده ست شهور يعني نص سنه حصل زي ما انا بقولك حب حقيقي هتكملوا غير كدا يبقا خلاص وانا الي هخليه يطلقك وهضمن حياتك بعدها...
كيان: امممم تمام وانا قراري النهائي..... لا
يتبع...